Azaya 5:1 - Yálá laawoo hɛɓɛ (dc)

¹ Ka nɛ́ɛ́ laa ŋį́ mɛ́lan mąątɛ̨nɛ̨ wələ too, yaa da nwɔ viɲə di wɔ wələ li. Viɲə yɛa ə kɛ mɛ́lan ɲəi yee ta ɓa, lɔi lɛlɛɛ hu,

Yálá laawoo hɛɓɛ

¹ Ka nɛ́ɛ́ laa ŋį́ mɛ́lan mąątɛ̨nɛ̨ wələ too, yaa da nwɔ viɲə di wɔ wələ li. Viɲə yɛa ə kɛ mɛ́lan ɲəi yee ta ɓa, lɔi lɛlɛɛ hu,

Bible

¹ Tɔɔ ŋá wule tóo ŋáwɛli kɛ́-maa nuui ma. Ŋáwɛli kɛ́-maa wulei pîlaŋɔɔi ŋɔkpɔmɔ kpâlaŋ ma. Ŋáwɛli kɛ́-maa nuui ŋɔkpɔmɔ kpâlaŋ è kɛ̀ lɔii lɛ́lɛɛ ma yée pɛ́rɛ ma.

Azaya 5:1 Referans Kwoze

Markə 12:1

Yili pulu, Jesus ə hanwon ɉɔɔ diɛ yɛ diɛ: «Hulɔnu ta ə kɛ laa, ə ɉihɛn ŋɛ̨i da kɛ mą viɲə; ə ɲɛa laa; ə mąą tinɛ̨n a hį́i, ə viɲə ya kulɔi pɛli, ə pɛlɛ́ tɔɔ ɉíí ŋą. Ə tínuą həɠə, ə di tɛɛ ɲəi viɲə yɛa, yili pulu ə li hiɛ ɓa.

Lukə 20:9

Yili pulu, Jesus ə hanwon ɉɔɔ nu kpului tii ɓa yɛ diɛ: «Nu ta ə viɲə yɛa laa. Ə ɉəɠə ə dɛɛ nuą pɔ, diɛ goló kɛ. Yili pulu ə li hiɛ ɓa ə lamun laa.

Ɉaan 15:1

Jesus yɛ diɛ: «Ɲą́ą́ ɓə gáá a ɉihɛn nwulu kpinį, Ną́n yɛ ɓo a ɉihɛn nąmu.

Maafîu 21:33

Jesus ə mo diɛ yɛ diɛ: «Gáá hanwon da kpɛli hɔɔi kaa. Hulɔnu ta ə kɛ laa ə hihɛn ŋɛ̨i da kɛ mą viɲə, ə ɲɛa laa, ə mąąkwəli a hį́i ə viɲə ya kulɔi pɛli, ə pɛlɛ́ tɔɔ Ɉį́i ɲɛ. Ə viɲə yɛa həɠə ə dɛɛ nuą pɔ, ə gə di kólo kɛ ɉu, diɛ gulɔ.

Ɉeremi 2:21

Ŋą́ ə́ kɛ a tíi lɛlɛɛ, ŋį́ hihɛn ɉuwu lɛlɛɛ hin yɛ́. Ə kɛ pələ kɛ ləi yaai, mąą aa pənə a hihɛn ɉuwu ɲɔ̨nwɔ̨ɔ̨, yii və́ gɔlɔn?

Mąątɛ̨nɛ̨ 80:8

Yálá, Mɛ̨nį Kəlee ŋą Hééɓomun; pənə ə́ ku hee ku kpanɲą, ə́ ə́ ɲɛ̨i lɛlɛɛ hee kuɔ, ku kaa pai ɓaloi.

Wɛli 2:16

Nwɛ́likɛmąąmun kaa a nwɔ́ɔ́, gɛ́ ɓo a nwɔɔ, a li a nwɔ taatɛlɛɛɠaai yágbudɛn ɉu.

Wɛli 6:3

Nwɛ́likɛmąąmun bɔɔ ɓaa ɲą́ą́, yaan bɔ́ɔ́ ɓaa a yaa. Yai a nwɔ taatɛlɛɛɠaa laa hɔnmo Yagbudɛn ɉu.

Wɛli 5:16

Ŋą́ kɛi nɛ̨nɛ̨ɓo, gwə́i a nɛ̨ɛ̨. Goloon a nwɛli too mą́ą́ kɛnɛ̨. Bələ ɓə nwɛ́likɛmąąmun gaa la. Ɉerusalɛmə nɛ̨ɛ̨lɛa, bələ ɓə ɉíɛ gee pulu kaa la, bələ nwɔ́ wɛlii kɛ pələ kaa la.

Wɛli 5:2

Ɲɛ̨́i pɛlɛɛ kɛ mą, Kɛlaa və́ kɛi yíi, ŋą́ nwɛ́likɛmąąmun tin mɛ̨n, yɛ gbon gɛlɛ, yɛ kɛ mą́ą́: Oo níiɓa nɛ̨ɛ̨non! Nwɔ́ wɛli! Nwɔ́ tonwələn gbɔlu! Ɲə́i hɛn gɔw! Nwɔ́ mɛ̨nį laahvɛɛ kəlee; Nwúɔ̨ yɔwɔɔ nii a yələɓɔi bɔ nąnąąn, nɛɲá hɛlɛn ŋąą ni nwún nəɠa ɓa.

Mąątɛ̨nɛ̨ 45:1

Nwələ ɲɛ̨itɔwɔmun: Da kɛ nwələi ɲɛ̨i ɓa: Yagbudɛ-wələ. Kore lonnii di wɔ kilaa pono wələ woo, wɛlikɛmąą wələ.

Mąątɛ̨nɛ̨ 101:1

Davidə nwɔ hvɛ́li woo. Gáá bɔ ŋą wɛlikɛmąąlaa da kítí hąŋąą, di mąątɛ̨nɛ̨ wələ too, gɛ́ hvɛli kɛ Yɛ́, Yɛ́i a Yai-Laa.

Mąątɛ̨nɛ̨ 60:5

Yáá naa ə́ wɔ nuąi diɛ, a ɲąąnwąnąą-e, yáá ku nwun ɉu tinɛ̨n nɔɔ tɔɔ ku la.

Ɉeremi 12:10

Nɔi ɲąąkɔn nuą kpulu kɛnɛ̨ɛ, daa nwɔ́ viɲə yɛai lɛan, daa ɓɔlɔɔn diliinŋaa mɛ̨i, daa nwɔ́ tíi lɛlɛɛ ŋɛ̨i kɛ a kpomó mąąwɛliɛ.

Izikiɛ 15:2

«Hulɔnu lon, lə ɓə a viɲə wulu hviɛla ɓo yɛ tɛɛ la wulu ta kpɛliɠaa diɛ; yɛ nwonwo hviɛla ɓo lɔwɔ wulu ta kpɛliɠaa wonwo ɓa?

Osia 10:1

Israɛlə ə kɛ a viɲə lɛlɛɛ, yɛ ɓa kpɔ kɛnɛ̨. Kɛlaa, ma ə kɛi lɔ tamą, yɛ hali kɔ́iɠaa tamą; Hɛn gɔw ə kɛi lɔ kɛnɛ̨ nwɔ lɔi hu, yɛ nwɔ hali kɔ́iɠaa mąąyili a ɲɛ̨i tɔɔ.

Dutɛrɔnome 8:7

Yai-Laa ka wɔ Yálá kaa ka lɔi, lɔi lɛlɛɛ hu ɓɛi gaa a tɛɛyáɠaa, da yátonŋąą kulɔ lɔi. Ɲáɠaa tii di nwun a kulɔ yeeɠaa ɓa da nɛ̨ŋɛ̨ɠaa hu.

Dutɛrɔnome 8:10

Ka káá pai kɛi kɔ̨nɔ̨n mįi, kaa pilɛ ɉu; kaa mąąwiɛ tɛɛ Yai-Laa ka wɔ Yálái pɔ nɔi lɛlɛɛ tii ə dɛɛ ka pɔ mąą mɛ̨nį ɓa.

Izikiɛ 19:10

Ə́ lee ə kɛ yɛ viɲə kpɔmɔ, yii di ɉin tɛɛ ya kwɛlɛ; ə kɛi ɓa, naa hu wiaa, mąąhɔlɔɓo ya kɛnɛ̨i kɛ mą.