Bib sou entènèt

Azaya 49:5 - Yálá laawoo hɛɓɛ (dc)

⁵ Kɛlaa, yiihu, Yai-Laa aa hvaa, yai nɛ́ɛ́ néé kwəi, ə bɛ́li a nwɔ tímun, gɛ́ pɛli pənəi gɛ́ pa a Ɉakɔbə bɔ pələ, Israɛlə yɛ pənə yɛ ɲąąkpɔn gwɛlɛ. Ə həɠə nąąlɔwai ɓa, dɔ́lɔ́ kaa mą́ą́ Yai-Laa ɲɛ̨i ɓa, mąąhɔlɔɓo, vą́ŋą́ ɓaa a nwɔ́ Yálá.

Gade chapit la Kopi

Yálá laawoo hɛɓɛ

⁵ Kɛlaa, yiihu, Yai-Laa aa hvaa, yai nɛ́ɛ́ néé kwəi, ə bɛ́li a nwɔ tímun, gɛ́ pɛli pənəi gɛ́ pa a Ɉakɔbə bɔ pələ, Israɛlə yɛ pənə yɛ ɲąąkpɔn gwɛlɛ. Ə həɠə nąąlɔwai ɓa, dɔ́lɔ́ kaa mą́ą́ Yai-Laa ɲɛ̨i ɓa, mąąhɔlɔɓo, vą́ŋą́ ɓaa a nwɔ́ Yálá.

Gade chapit la Kopi

Bible

⁵ Yâwɛɛ è ńzìɣe zu a gɛ́ɛ ŋá kɛ́ a ŋɔtíi kɛ́-nuu dílɛɛ pâi ḿaa sɔlɔ ƃôi. È gɛ̀ tí a gɛ́ɛ ŋá pá a ŋɔnûai Eezuɛ-ŋai pôlu gono-têe lɔii ma. Yâwɛɛ a ƃaa kɛ́ maa tɛɛ ḿbɔ. Ǹyaa ƃa kponoi kpânaŋ tɛ̀ɛ ḿbɔ.

Gade chapit la Kopi

tounen moute ⬆

Azaya 49:5
30 Referans Kwoze

Ɉaan 3:35

Lon wɛli kaa Nąn ma, a mɛ̨nįɠaa kəlee mąą huwalawala lɛɛ ɲei.

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Piɛrə dɔlɔɔ 3:22

yai tɛi ə mo yələkɔlɔn ɉu, ə hee Yálá ɓa-mįi-yee hu pələ, a yai, malakaɠaa, hééɓolaa kəlee da hvaŋą laa kəlee kaa ɲee mu.

Lomaŋ 15:8

Gáá moi kaa, Yálá ŋą kulɔ nwoo ɓa laa laa hu ɓə Kristə ə kɛ a Ɉuifəɠaa di wɔ tímun, ə gɛ, mɛ̨nįɠaai Yálá ə naakwɛlanmo di kalaɓɔlɔni diɛ bɔ mɛ̨nį ə kɛ.

Lukə 19:42

Ee Ɉerusalɛmə! Yɛ́ kpɛlimąn, əli kɛ mɛ̨nįi a liilaa tɛɛ ə́ pɔ, ə́ gɔlɔn gɛ háákələi! Kɛlaa nooŋąąi ə́ ɲɛ̨i mu.

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.

Maafîu 15:24

Jesus ə nɛ̨ɛ̨nui tii woo ŋąąpənə yɛ mą: «Ŋą́ pa lɔ Israɛlə ɓɛlaa yiiɠaai di piliɛ di mąą mɛ̨nį ɓa.»

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Azaya 56:8

Mɛ̨nį kəlee ŋą Hééɓomun Yálá woo ka, yai a Israɛlə lonnii tii luwɔlaa hu di ɲąąkpɔn, yɛ: Yiiɠaai daa gbɛa di ɲąąkpɔn ɓɛ, ŋį́ pa nwɔ̨nɔ̨ a dakpɛliɠaa, gɛ di pɛlɛ diɛ.

Azaya 52:13

Nwɔ́ tímun kaa pai tɛi tɔwɔ, gaa pai heei kɛnɛ̨ hɔlɔɓoi, da mąąwiɛ laa kɛnɛ̨.

Azaya 50:4

Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Azaya 49:1

Gboloyá hɛ̨ąi lɔiɠaa, 'ka ka wəli tɔɔ nwóó ɓa, kwɛala lɔiɠaa, 'ka ka wəli tɔɔ kpɔ a nɛlɛɛ, Ŋą́ lɛɛ néé kwəi, Yai-Laa ə də́li, ŋį́ kɛ nii néé kwəi, náá ə ɓo na.

Azaya 43:4

Mąąhɔlɔɓo, ə́ mąą mɛ̨nį nwąnąąi mą́ą́ kɛnɛ̨, ə́ tɔlɔ kaa yɛ́, ɛlɛɛ, ə́ wɛli kaa mą́ą́, yili ɓə a gɛ gɛ́ nu kanŋaa kɛ a ə́ nwun mąąɓo hɛnŋaa, gɛ́ taa kpɛa-kpɛaɠaa tɛɛ a ə́ mąąhvalin.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 11:12

Gaa pai ɉilɛyili tɛi, ə nɔiɠaai tii kili ɲąpono, yɛ kɛ diɛ: Israɛlə nu huwui luwɔ pələi, gaa pai gəlee ŋąąkpɔn ɉii, Ɉuda nu huwui daɠataɠaa, ə nɛɠɛ gee ɓa, ə di kulɔ yɛnɛ̨ɛ̨ lɔi kəlee hu.

Gɛlaɠaa 10:36

Ə mɛ̨nįɓo Israɛlə lonnii diɛ, yɛ liilaa wəlɛɛ lɛlɛɛ laa həli diɛ, a Jesus Kristə yai a nu kəlee di Ną́mu.

Galatə 1:15

Kɛlaa, nui ɉə́ɠə ɉu, néé kwəi, ə ɉéé a déé, yai də́li ŋą nɛ̨ɛ̨laa pɔ pələ, ə naa gwəi,

Azaya 25:1

Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Azaya 27:12

Mąą yələ, Yai-Laa kaa pai nwɔ mɔ̨nun kɛlɛi, ə həɠə Eufratə ya ɓa, ə həli la Eziptə yai ɓa, kaa ɓə di kaa pai ka həɠəi ɉu, yɛ ka həɠə ɉu tɛitɛi, kaai a Israɛlə lonnii.

Azaya 44:2

Mɛ̨nįi Yai-Laa ə mo, ya ka, yai a ə́ pɛlimun, yai ə́ pɛli ə́ too ə́ lee kwəi, yɛ kpɔnmąą tɛɛ ə́ pɔ, Ɉakɔbə, 'hvó ɲɔw, yɛ́i a nwɔ tímun, yɛ́i ə́ hutɔɔ, yɛ́i ŋį́ ə́ həɠə ɉu a nííɓa.

Ɉeremi 1:5

«Ɉeremi! Di hvo nii kpɛli kɛ ə́ mąą koo həɠə li ŋį́ ə́ kɔ́lɔn gɛ. Di hvo nii kpɛli kɛ ə́ kaa li, ŋį́ ə́ həɠə ɉu a nwɔ́ɔ́, ə gɛ, ə́ tí mą́ą́; ŋį́ ə́ kɛ a gwə́i mɛ̨nį hukulɔ mun lɔiɠaa diɛ.»

Zakari 6:13

A tɛ̨ą, ya ɓə pai Yai-Laa hvɛli pɛlɛ́ tɔɔi, mąąwiɛ kaa pai kɛi mą, gaa pai heei nwɔ tɔɔkpəlin hu, yɛ nuą ɲąąwooɓo. Haláá laa həli mun dakpɛli kaa lɔ pai kɛi heeni yaakpɛli, nwɔ ɲąąwooɓo kpəlin hu, ɛlɛɛ, woo laa mąą kɛnɛ̨ɛ̨ kaa pai kɛi di nu hveelɛi di lɔwai.›

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Swiv nou:

Lyen patwone

Piblisite

Piblisite