Azaya 49:13 - Yálá laawoo hɛɓɛ (dc)

¹³ Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Yálá laawoo hɛɓɛ

¹³ Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Bible

¹³ Ɣele-kɔ̂lɔŋ-ŋa, ka wule tóo! Lɔii, ye láɣi ɣelêi pere a lii-nɛ̃ɛ pere. Yée-ŋa, káa máŋ ka lii-nɛ̃ɛ wule-ŋa too ɣelêi-pere. Yâwɛɛ a ŋɔnûai ŋá-nɛnɛ. Diai mɔ̃lɛ̂i a pâi díŋɛi malôŋ kâai.

Azaya 49:13 Referans Kwoze

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Azaya 52:9

'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Azaya 55:12

Mąąhɔlɔɓo, ka káá pai kulɔi a ka kwəinɛ̨ɛ̨, kaa pənə kaa li a ka wəli pulu laɠiɛ, yee tɔɔɠaa da yee kpukpuɠaa, di kaa pai tómąi a kwəinɛ̨ɛ̨, ka tɛɛ pələɠaa hu, kpomó hu wuluɠaa kəlee diɛ di yee lɔwai kaa.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Korɛntə veelɛ 7:6

Kɛlaa, Yálái a kpɔɔmąąyɛɛ nuą liilaa, ə ku liilaa a pai Titə ə mo,

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Ɉeremi 31:13

Mąą yələi tii, nɛ̨ɛ̨lɛa kaa pai kɛi mąnąai, di ɓo di nɛɛ hu. Ɉilɛlɛa, da ɉulɔgoloɠaa kpɛli mąn, gáá pai di wɔlɔ woo mąą pənəi a kwəinɛ̨ɛ̨. Ŋą́ di kpɛgbɛn mo, gɛ́ di kwəinɛ̨ɛ̨ mɔ̨nɔ̨ mį́i pulu.

Kɔlɔnikɔ Maa-ŋuŋ 16:31

Yələkɔlɔn! 'Ə́ kwəinɛ̨ɛ̨; Lɔi! 'Ɓələn. 'Ka mo hį́i kəlee lɔwai, kaa diɛ: «Yai-Laa ɓə a Heeɓomun!»

Mąątɛ̨nɛ̨ 69:34

Mąąhɔlɔɓo, Yai-Laa a nwəli tɔɔ mąąwɛli nuą woo ɓa, hva lənə nwɔ nuąi diɛ, ɓɛlɔwai da di hon na kɔ́ hu.

Mąątɛ̨nɛ̨ 71:21

Ə́ kaa nwɔ̨nɔ̨ pai nwɔ́ mąąɲįnɛ̨n ta pɛlɛi mą, yɛ́ nwɔ̨nɔ̨ pənə yɛ́ níilaa.

Mąątɛ̨nɛ̨ 148:9

Yee kpɛa-kpɛa da yee kpu-kpuɠaa kəlee, ɓá wuluɠaa da kpitiliɠaa kəlee,

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Azaya 49:14

Siɔn ə kɛi kɛ diɛ: «Yai-Laa aa ɲee kulɔ mú, Ną́mu aa lɛ̨ą mą́ą́.»

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Azaya 54:7

Ŋą́ ɲéé kulɔ lɔ ə́ mu a lɔwai logolo, Kɛlaa, gáá pai pənəi gɛ́ ə́ lonnii ɲąąkpɔn a wɛli kɛmąą laa; vįi hvo pai kpɛɛi yili kɛi.

Azaya 54:8

Níí holi pələ kɛnɛ̨, ŋį́ ɲɛ̨́i lai loo yɛ́, gɛ́ mą́ą́kwɛa yɛ́ lɔ a lɔwai logolo mɛ̨nį, Kɛlaa, ə́ wɛli kɛ pələ mą́ą́ kɛnɛ̨, gáá ə́ hon ɉii a lii nɛɛ gwəi; Yai-Laai ə́ nwun mąąɓoi, nwoo li.

Ɉeremi 51:48

Mąą yələ, yələkɔlɔn da lɔi, da di hu hɛnŋaa, di kaa pai kɛi wələ tooi Babilonə mɛ̨i, a kɔ́ nɛ̨ɛ̨ mąą wələ. Mąąhɔlɔɓo, ɉu wolo nuą kaa həɠəi ɲələi pələ. Ɲą́ą́ Yai-Laa nwóó li!

Izikiɛ 35:14

«Mɛ̨nii Mɛ̨nį kəlee ŋą Hééɓomun Yálá kaa moi ya ka; yɛ: Mąąhɔlɔɓo nɔi nąą kəlee ka kwəinɛ̨ɛ̨ hu, gáá pai ə́ kɛi a lɔi pun;

Mąątɛ̨nɛ̨ 65:13

Lɔi pun ɉu-kpomóɠaa laa hvɛɛi a hɛngɔw, yeeɠaa kəlee diɛ di mąą yili, a kwəinɛ̨ɛ̨ kala tiliin.

Mąątɛ̨nɛ̨ 89:13

Ɲələi pələ mąn, ɉɛɠɛɛ pələ mąn, yɛ́ ɓə gəlee pɛli, Tabɔrə yee da Hɛrmɔn yee, da ə́ laa mɛ̨n, da tóma a kwəinɛ̨ɛ̨.