Azaya 49:10 - Yálá laawoo hɛɓɛ (dc)

¹⁰ Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Yálá laawoo hɛɓɛ

¹⁰ Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Bible

¹⁰ Puru da kpele wɛ̂li fé pâi wɔ́lɔ dípaâi. Dífe pâi wɔ́lɔ kɛ̂i vɛ̃ɛ-kpâlaŋ su fólo kɛ́ dí kêreŋ. A pâi kɛ̂i tí, kpɛ́ni fêi, dílaa túɛ nuui a pâi kɛ̂i a díwɛliɛɛ. A pâi liî a dia ya-ɣɛ̂li pɛlɛɛ-ŋa ma.

Azaya 49:10 Referans Kwoze

Maafîu 5:6

Nwun na nɛ̨ɛ̨ nuą ɓaa nuąi tələnmolaa wɛli kaa diɛ. Mąąhɔlɔɓo, Yálá kaa pai tələnmolaa tɛɛi di pɔ!

Izikiɛ 34:23

Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.

Azaya 33:16

Mąą nu ɓə pai ɉeei hɔlɔɓoi yələi pələ, gaa pai mąąkilɛi kwɛni kpuwuluɠaa mɛ̨i, yiiɠaai di mąą tínɛ̨n ŋąą a hį́i; di kaa pai kɔ̨nɔ̨n dɛɛi bɔ, yá hvo pai kpɛɛi ɲəi.

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Azaya 35:7

Powa yɛ hee ɓɛi kɛ nąą kpalaa kpɔ kən kən, yánwun ɲɛ kulɔ ɓɛi kɛ a kpələ wɛli lɔi, ɓɛi kɛ a kwɛni lɔi, mąą kaa pai pənəi a wɛla lɔi.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Azaya 25:4

Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.

Azaya 4:6

A kɛ yɛ gbɛɓɛlɛ, yɛ da kələ mąąɓo a kələ laa; yɛ nįnįn gɛ nu mɛ̨i, yɛ kpəɲąn wəleen gɛnɛ̨ tɔwɔ, ə ɓo a nu mąąkilɛ, a tulɔ teen ɉii, da tulɔ hvaŋą.

Azaya 54:10

Ə mą kɛ yeeɠaa kaa di tɔɔi mąąhvalin ɉii kɛ, yee kpukpuɠaa diɛ kpɛlin di wulu ŋą, nwɛli kɛmąą laai gaa níí hu yɛ hvilɛn na yɛ́, mąą hva kɛa kwɛa, ɛlɛɛ nwɔ́ liilaa mįnɛ̨i hva kɛa ɉəɠə mą, Yai-Laa yai ə́ hon ɉii a lii nɛ̨ɛ̨ gwəi laa, nwoo li.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Ɉaan 6:35

Jesus yɛ diɛ: «Ɲą́ą́ ɓə a yɛnɛ̨ɛ̨ hva kpɛɛ kɔ̨nɔ̨n, nui a mįi, pulu hva kɛa ɉon. Nui a laa na, kpələ wɛli hva nwɔ̨nɔ̨ ɉon.

Azaya 35:6

Nąąlɔwai nui tooi gɔwɔ mɛ̨i, gaa pai pilii yələi yɛ lómą, muúgbɛ laaləi yɛ tómą a kwəinɛ̨ɛ̨, tɛɛyáɠaa diɛ laa lɔi pun ɉu kpalaa hu, yálee hvaŋą kpɛa-kpɛaɠaa diɛ laa ɓɛi kɛ nąą kpalaa a bɔlɔ.

Azaya 41:17

Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Azaya 43:19

Mɛ̨nį nįnɛ̨ɠaa kɛ hiɛ ka ɲɛ̨i ɲə́i, di kaa mun kɛa ɓɔn ɉi, ka hvo mɔ̨ɔ̨ gbaɠala kaai? A neelee, gáá pai pələ laai lɔi pun ɉu, gɛ́ nu tɛɛ kpaaləɠaa kulɔ kpomóɠaa hu.

Azaya 48:17

Yai-Laa woo ka, yai tii ə́ nwun mąąɓoi, Israɛlə nwɔ nu mąąhəɠɛɛi, Ɲą́ą́ Yai-Laa, ɲą́ą́ ɓə gáá a ə́ wɔ Yálái, yai a ə́ mąąkwɛli, yɛ pɛli ɉu tɔ̨nɔ̨ hɔlɔɓoi, yai gɛ bələi tii yáá ɉon na, yɛ́ hiɛ mɛ̨i.

Azaya 48:21

Kpələ wɛli hvo di hon nɔi pun tii ə di tɛɛ nąą pələ, ɉu; ə ya kulɔ kwɛni kpuwulu hu di mąą mɛ̨nį ɓa, ə gwɛni kpuwulu ɓɛla, tɛɛ yaɠaa di laa.

Azaya 51:14

Nui kɛ tooni a hviikpɛɛ, ya ka muhəɠəi, hvo pai haai, kámą nwɔ mɛ̨nį hvo mą, ɛlɛɛ, hvo pai hvɛɠɛi kɔ̨nɔ̨n ɉu.

Azaya 52:12

Ka hvo pai kulɔi laa a gilɛ, hvo nwɔ̨nɔ̨ pai kɛi yɛ ka ki pu, mąąhɔlɔɓo, Yai-Laa kaa pai kɛi ka tɔwɔ, ɛlɛɛ, Israɛlə nwɔ Yálái ɓə pai kɛi a tɔɔ bulu.

Azaya 54:8

Níí holi pələ kɛnɛ̨, ŋį́ ɲɛ̨́i lai loo yɛ́, gɛ́ mą́ą́kwɛa yɛ́ lɔ a lɔwai logolo mɛ̨nį, Kɛlaa, ə́ wɛli kɛ pələ mą́ą́ kɛnɛ̨, gáá ə́ hon ɉii a lii nɛɛ gwəi; Yai-Laai ə́ nwun mąąɓoi, nwoo li.

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Azaya 65:13

Yili mąą mɛ̨nį ɓa, Yai-Laa Nąmu woo ka: Nuąi da tí mą́ą́, di kaa pai ɉɔlɔɓoi, diɛ mįi, ɛlɛɛ ka wɛi, kaa mɔ̨nɔ̨ mįi pulu yəi. Nwɔ́ tínuąi diɛ di kpələ, ka wɛi, kpələ wɛli yɛ ka mɔ̨nɔ̨ ɓo, nuąi da tí mą́ą́, di kaa pai kɛi kwəinɛ̨ɛ̨ hu, ka wɛi, nwumɛ̨ yɛ ka ɲɛ̨i paa.

Zôna 4:8

Ɓɛlɔwai hvóló ə kulɔ la, Yálá ə hvaŋą ta tɛɛ yɛ həɠə hvóló kulɔi pələ, a gələn ŋąą. Hvóló ə Ɉonasə nwuɔ̨ kələn gbɔ yɛ kɛ ə hvowa. Ə mo yɛ mą: «Ɉáá hviɛlaɓoɔi gɛ́ɛ́ yɛnɛ̨ɛ̨ ɓa.»

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.