Azaya 48:5 - Yálá laawoo hɛɓɛ (dc)

⁵ ya ɓə gɛ, gɛ́ mɛ̨nįɠaai tii lɛɛ kwɛala, gɛ́ di ɓo yɛ́, ŋį́ di mąą mɛ̨nį hukulɔ yɛ́, di hvo teɠa kɛ pai həlii, hvo pa nee kɛ diɛ: «Nwɔ́ halii ka ŋɛ̨i mɛ̨nį kɛi, nwɔ́ hali mąą nįnįn ɓə mɛ̨nįi ŋɛ̨i ɓo.»

Yálá laawoo hɛɓɛ

⁵ ya ɓə gɛ, gɛ́ mɛ̨nįɠaai tii lɛɛ kwɛala, gɛ́ di ɓo yɛ́, ŋį́ di mąą mɛ̨nį hukulɔ yɛ́, di hvo teɠa kɛ pai həlii, hvo pa nee kɛ diɛ: «Nwɔ́ halii ka ŋɛ̨i mɛ̨nį kɛi, nwɔ́ hali mąą nįnįn ɓə mɛ̨nįi ŋɛ̨i ɓo.»

Bible

⁵ M̀ɛni-ŋai kélee kɛ̂i lônii mai, ŋa wɔ́lɔ dímaa mɛni ƃó kâa. Ŋá gɛ̀ tí a gɛ́ɛ káfa la m̀ó la a gɛ́ɛ kákpɛtɛ ɣâla-ŋai ƃé gɛ̂i díkɛ kɛ̀.

Azaya 48:5 Referans Kwoze

Azaya 48:3

Mɛ̨nį tɔlɔɔɠaai tii daa tɛɛi, ŋį́ di lɛɛ kpɔ kwɛaa la, ŋį́ mo, bələ ə kulɔ ná, ŋį́ ɉukulɔ, ŋį́ gɛ́ tii kɛ ɉu, di pa lɔ nu kəlee tɛɠii.

Lukə 1:70

Yili ɓə wɔlɔ Yálá kwəi mɛ̨nį hukulɔ nuą di mo.

Gɛlaɠaa 15:18

A gwəi kiliɠaa ti kɛ ə kɛ a di kɔlɔnŋąą wɔlɔ-wɔlɔ ɓa.›»

Azaya 46:10

Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Azaya 44:7

Gbɛɛ ɓə gaa yɛ ɲą́ą́? Mąą-nu ə muhəɠə, ə hvaa! Mɛ̨nį gaa yɛnɛ̨ɛ̨ mɛ̨nį hu ə nɛ, ɛlɛɛ, ə gbaɠala lɛ mą́ą́, ə həɠə kpɔ ɲələi ŋį́ nu kan bɛli la mą, mɛ̨nįɠaa daa tɛɛ, yɛ ɉukulɔ, ɛlɛɛ, yiiɠaai pai kɛi, nu ta ə ɉukulɔ kan kuɔ wɛ!

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Azaya 43:19

Mɛ̨nį nįnɛ̨ɠaa kɛ hiɛ ka ɲɛ̨i ɲə́i, di kaa mun kɛa ɓɔn ɉi, ka hvo mɔ̨ɔ̨ gbaɠala kaai? A neelee, gáá pai pələ laai lɔi pun ɉu, gɛ́ nu tɛɛ kpaaləɠaa kulɔ kpomóɠaa hu.