Azaya 47:7 - Yálá laawoo hɛɓɛ (dc)

⁷ Ə́ kɛli kɛ diɛ: «Gáá pai kɛi heeni lɔiɠaa mɛ̨i, a yələ kəlee mɛ̨nį.» Hvó ə́ kiliŋąhiɛ li, yɛ́ mɛ̨nįɠaa mukulaa ɓa, hvó gaa, hvó kpɛli ə́ kiliŋąhiɛ li di laa kulɔi ɓa.

Yálá laawoo hɛɓɛ

⁷ Ə́ kɛli kɛ diɛ: «Gáá pai kɛi heeni lɔiɠaa mɛ̨i, a yələ kəlee mɛ̨nį.» Hvó ə́ kiliŋąhiɛ li, yɛ́ mɛ̨nįɠaa mukulaa ɓa, hvó gaa, hvó kpɛli ə́ kiliŋąhiɛ li di laa kulɔi ɓa.

Bible

⁷ Íkɛ gâai ya pâi lɛɛ̂i ǹɛni kâloŋ-laai su wɔ́lɔ-wɔlɔ da wɔ́lɔ-wɔlɔ. M̀ɛni ƃé í ínûai sòŋ la a ǹyɔ́mɔɔ. Ífe íkili ŋá sia ní a gɛ́ɛ mɛni kélee kóyaŋ káa ma.

Azaya 47:7 Referans Kwoze

Dutɛrɔnome 32:29

Ə li kɛ kili kaa diɛ, də li gbaɠala kaa, də li kili hɔlɔɓo di tinąą mɛ̨nį hu.

Azaya 47:5

'Ə́ mąą yɛɛ! Woo tɔ̨nɔ̨ kpɛli hvo kulɔ ə́ la! 'Lɔ kpinį pɛlɛ́ mu, Kalde nɛ̨ɛ̨gbɛla! Mąąhɔlɔɓo, di hvo kɛa pai kɛi ə́ laa ɓa: «Tɔɔ lɔiɠaa ɲąąwooɓomun.»

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Danîa 4:29

Yálá kaa pai ə́ kpɛi nuą lɔwai, ka lɔwɔ huwɔgaa ɓə pai kɛi ka kee ɓa! Ə́ kɔ̨nɔ̨n ma pai kɛi a kala nwunu, yɛ Nįŋɛ̨. Ə́ kaa pai kwɛlan mɛ̨ihveelɛ kɛi yili hu, ə lɛɛ la ɉu, ə́ gɔlɔn yɛ́ diɛ: Yálái gaa yələkɔlɔn ɉu, ya ɓə tɔɔlaa kəlee nwun mɛ̨i. Ə lɛɛ, nui Yálá kaa bɔ, ya ɓə a tɔɔlaa tɛɛ mąą nu pɔ.»

Izikiɛ 29:3

'Mo, yɛ́ mą: Mɛ̨nį kəlee ŋą Hééɓomun Yálá woo ka, yɛ: Faraɔn Eziptə tɔɔmun, aa lɛɛ gwa yɛ́ gu lɔwai, yɛ́i a mąąɲɔw hɛn gwiɛ kwiɛ; ə́ ɓo pɛlɛni Nilə yaɠaa lɔwai; yɛ́ ɓə ya kɛ diɛ: ‹Nwɔ́ɔ́ ɓaa a Nilə ya! Ɛlɛɛ, ɲą́ą́ gbinįlee ɓə gbɔwɔ pɛli!›

Izikiɛ 28:2

«Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

M̀ɛni-lɛɛi 18:7

Bələi lɔ ə ɲąąnɛ̨ɛ̨ kulɔ la nwɔ mąąwiɛ laa hu, bələ lɔ ɓə 'ká mɔ̨nɔ̨ɓo la, ɛlɛɛ, 'ká mąąwɛli. Hvo gaai, ə kɛli mo gwəi pələ, yɛ kɛ: Gáá heeni yɛ tɔɔnɛ̨ɛ̨nu, və́ a galanin, və́ kpɔ pai mąąwɛli mɛ̨nį kaai.

Azaya 57:1

Tələnmo lon a haa, nu ta hva yili kaa a mɛ̨nį wala wala, da nu lɛlɛɛɠaa həɠə di yəi bɛlɛ́n, ɛlɛɛ, nu ta hva gaa yɛ kɛ, kili ɲɔ̨nwɔ̨ɔ̨ ka tii a gɛ, diɛ tələnmomun nwuɔ̨.

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Woolaa 1:9

Nwɔ mąąliɓii hɛlɛnŋąą mąą həɠə won mą. Gili hvo kɛ mą, yɛ kɛ ɲąą kaa pai kɛ kpɛɛi ŋɛ̨i. Aa too kpɔ, muhəɠə mun və mą, «Yai-Laa! Ə́ ɲɛ̨i hee mą́ą́ tai! Ɲówó yee aa tɛɛ mą́ą́!»

Izikiɛ 7:2

«Yɛ́, hulɔnu lon, ə́ wəli tɔɔ, mɛ̨nįi Mɛ̨nį kəlee ŋą Hééɓomun Yálá kaa moi yɛ hvilɛn na Israɛlə lɔi ɓa, ya ka: mɛ̨nį kəlee kpɛɛ li; nɔi hu mɛ̨nį kəlee aa həli gbɛlai ɓa.

Danîa 4:4

Yili ɓə gɛ, ɉalə nąmįnąai di kaa ɲə́ə́ mu, nuąi da kwɛli hvilɛn pɛmɛ̨nɛ̨n gɔwɠaa diɛ, Kilimąą nuą, da tɔlikpɛ nuą di pa. Ŋą́ nwɔ́ hįi mąą mɛ̨nį hukulɔ diɛ, di hvo pɛli mukulaa lɛi mą́ą́.

Lɛɛ gbɔwɔ ɓa 7:23

Eziptə tɔɔmun ə pənə ə li ɲəi bɛlɛ́ laaləi, hvo kpɛli gaa a mɛ̨nį walawala.