Azaya 46:8 - Yálá laawoo hɛɓɛ (dc)

⁸ 'Ka ka kili lɛɛ mɛ̨nįi tii hu, ɛlɛɛ, ka tɔɔ a hulɔnulaa, kulɔ nwoo mu nuą, 'ka ka kiliŋąhiɛ mɛ̨nįi tii ɓa, ka ka kwəi kili mąą hvalin, ka kwəi tɔ̨nɔ̨ mɛ̨i.

Yálá laawoo hɛɓɛ

⁸ 'Ka ka kili lɛɛ mɛ̨nįi tii hu, ɛlɛɛ, ka tɔɔ a hulɔnulaa, kulɔ nwoo mu nuą, 'ka ka kiliŋąhiɛ mɛ̨nįi tii ɓa, ka ka kwəi kili mąą hvalin, ka kwəi tɔ̨nɔ̨ mɛ̨i.

Bible

⁸ “Sɔnyɔ̂ŋ-ƃela, ka kákili ŋá sía é pîlaŋ m̀ɛni-ŋai dîa ŋa wɔ́lɔ gɛ́i. Káfe ǹia dîa.

Azaya 46:8 Referans Kwoze

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Lukə 15:17

Hvóló ta, ə hee, ə giliŋąhiɛ, yɛ mą: ‹Kóló kɛ nuą tamąą kaa ną́n ɲəi bɛlɛ́n, diɛ kɔ̨nɔ̨n mį́į́ diɛ gbəli lɛɛ! Kɛlaa, ɲą́ą́ mun, gɛ́ ɓo ɓɛ, gɛ́ haa a pulu!

Egaa 1:7

Ɲą́ą́ Yai-Laa Mɛ̨nį Kəlee ŋą Hééɓomun, gáá pənəi ŋį́ mo kaa, gɛ́ ka ka kiliŋąhiɛ mɛ̨nįɠaai tii di kaa həli kaa diɛ.

Egaa 1:5

Ɲą́ą́ Yai-Laa Mɛ̨nį Kəlee ŋą Hééɓomun, gɛ́ ka ka kiliŋąhiɛ, mɛ̨nįɠaai daa həli kaa diɛ.

Izikiɛ 18:28

gili a pu nwɔ kulɔ nwoo mu laai kəlee hu, ɛlɛɛ, a bulu tinɛ̨n gəlee ɓa, gaa pai lɛɛi yɛnɛ̨ɛ̨, ɉəɠə mąą hvo mą, hvo pai haai.

Ɉeremi 10:8

Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Azaya 47:7

Ə́ kɛli kɛ diɛ: «Gáá pai kɛi heeni lɔiɠaa mɛ̨i, a yələ kəlee mɛ̨nį.» Hvó ə́ kiliŋąhiɛ li, yɛ́ mɛ̨nįɠaa mukulaa ɓa, hvó gaa, hvó kpɛli ə́ kiliŋąhiɛ li di laa kulɔi ɓa.

Mąątɛ̨nɛ̨ 135:18

Nuąi da di pɛli, di kɛ pələ kaa lɔ yɛ diɛ, ə mą kɛ, nuąi da di kilitɔɔ diɛ.

Mąątɛ̨nɛ̨ 115:8

Nuąi di pɛli, di kɛ pələ kaa yɛ diɛ, da nuąi kpɔ da di kilitɔɔ diɛi.

Dutɛrɔnome 32:29

Ə li kɛ kili kaa diɛ, də li gbaɠala kaa, də li kili hɔlɔɓo di tinąą mɛ̨nį hu.

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Azaya 48:8

Hvo nii ta kɛ bələ mɛ̨nį ni, hvo kɛ di kɔ́lɔn, və́ ni kɛ ə́ wəli lon doo li ɉu nąąlɔwai tɔwɔ, mąąhɔlɔɓo, gbaɠala ə kɛ mą́ą́, gɛ kɛ ya kulɔ nu pulu, ə́ kɛ ni ə́ lee kwəi, diɛ kɛ yɛ́: «Kulɔ nwoo mun lon.»

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.