Azaya 46:12 - Yálá laawoo hɛɓɛ (dc)

¹² 'Ka ka wəli tɔɔ, kili wala wala nuą, kaai, kaa ka mąą kwɛa tələnmo yíi ɓa:

Yálá laawoo hɛɓɛ

¹² 'Ka ka wəli tɔɔ, kili wala wala nuą, kaai, kaa ka mąą kwɛa tələnmo yíi ɓa:

Bible

¹² “Wolii-kpɔ̂lɔ-ƃela, ka káwoli tɔ́ɔ ḿâ. Káwolii kpɔ̂lɔi a gɛ́ kákɛ kákili-ŋa sìa a gɛɛ káfe pâi ŋuŋ ma ƃô sɔlɔ ƃôi a maa félaa.

Azaya 46:12 Referans Kwoze

Ɉeremi 2:5

Mɛ̨nįi Yai-Laa kaa moi ya ka; yɛ diɛ: Hulu mɛ̨nį lə kɛɛ kpɔ ɓə ka nąnni di gaa ɲéé pɔ, yaai di di pulu tɔɔ mą́ą́? Diɛ hvilɛn na kpɛli-kpɛli maniɠaa pulu, ya ka daa lɛɛ a nu kpɛli-kpɛliɠaa!

Azaya 46:3

'Ka ka wəli tɔɔ, Ɉakɔbə nwɔ nuą, kaai kpɔ tii, kaa lɛɛ a Israɛlə yəi bɛlɛ́n nuą, kaa kpɔ tii di ka ɲąąkɔn, ə həɠə ka káá yələ ɓa, kaai tii lɛɛ ka leeni kwəi, gɛ́ ka mąą mɛ̨nį ɲɛ̨i kulɔ;

Mąątɛ̨nɛ̨ 119:150

Biɛn doo nuąi tii, a nwąnąlɔ nuąi tii, di kaa lɛɠɛi mą́ą́, a diɛi tii daa di mąą kwɛa ə́ wɔ tɔn nwooi ɓai.

Ifisiɛŋ 2:13

Kɛlaa yiihu kɛa, Jesus Kristə hu, káái wɔlɔ kɛ, ká mąąkwɛaa Yálá ɓa, Kristə ɲąmą aa ká mąąkpuɔ mą.

Azaya 48:4

Ŋą́ gɔlɔn gɛ, gɛ́ diɛ ə́ kili wala walaai, ɛlɛɛ ə́ kpowola wala walaai yɛ kwɛli, ə́ tɔwɔla wala walaai yɛ ɓala kwɛli,

Azaya 28:23

'Ka ka wəli tɔɔ, ka nwóó mɛ̨n, 'ka ka wəli tɔɔ a nɛlɛɛ, ka váá woo mɛ̨n;

Mąątɛ̨nɛ̨ 119:155

Nwun mąąɓo mąą kwɛai nwąnąlɔ nuą diɛ, mąąhɔlɔɓo, di hva ə́ wɔ tɔn nwooi kwɛli.

Mąątɛ̨nɛ̨ 76:5

Ə́ wɔ kɔ́ honŋaai mɛ̨i tɛ pələ ɓa, yɛ yee, a Ə́ mąąɲįnɛ̨n gɛ kpɔ yɛ́ kɛnɛ̨, yɛ kɛ mąi-mąi

Mąątɛ̨nɛ̨ 49:1

Nwələ ɲɛ̨itɔwɔ mun. Kore lonnii di wɔ wələ woo.

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Azaya 48:1

'Ka ka wəli tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i mu nuą, kaa Israɛlə laa kaa kaa, kaai kulɔ Ɉuda huwu hu, kaai ka ka kwɛla a Yai-Laa laa, kaa Israɛlə nwɔ Yálái hvɛli kɛlɛ kɛlɛ, Kɛlaa, hva kɛ tələnmolaa hu da tɛ̨ą mɛ̨nį.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Azaya 9:9

«Bɛlɛ́ kpoloon ku gulɔ ɉu a bɔlɔ kɔ́w, aa pu, ku kaa pənəi ku dɔɔ a kwɛni; gbaɉai kɛ a ɓɔhɔ, hvili aa gala, ku kaa mąąhvalin ɉii a kpitili.»

Azaya 59:14

Yili mąą mɛ̨nį ɓa, daa giti tee mɛ̨nį pili pulu, ɛlɛɛ, tələnmolaa aa mąą tɛ pulu, aa tɔɔ. Mąąhɔlɔɓo, tɛ̨ą aa kalin gwəli hɛ̨ąi, ɛlɛɛ, nui kpɔ yɛ ə haŋąn hva pɛli dɔɔi hɔlɔɓoi laa.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Azaya 28:14

Ka ka wəli tɔɔ Yai-Laa woo ɓa, kaai ɓaa a yɛlɛ mąą kɛ nuą, kaai nu huwui ŋɛ̨i ɲąąwooɓoi Ɉerusalɛmə.

Azaya 59:15

Tɛ̨ą mɛ̨nį hva kaa laa, ɛlɛɛ nui a bulu tínɛ̨n mɛ̨nį ɲɔ̨n mą, da too mɛ̨i, gɛɛ tii, Yai-Laa ə nąą kaa, yili ə ɲɔ̨nwɔ̨ kpɔ ɲɛ̨i mu ha ha, a kɛi tii kiti hvo mo li laai.

Amɔsə 5:7

Diɛi da mɛ̨nį haŋąą mąąhvalin a mɛ̨nį ɲɔ̨nwɔ̨ɔ̨, diɛ tələnmolaa too lɔi ɓa.

Habakukə 1:3

Lə mɛ̨nį ɓa, mɛ̨nį kpəlaan ŋąą ɓə ə́ kaa gaai? Ɛlɛɛ, yɛ́ hvaa mą, yɛ́ mɛ̨nį ɲɔ̨n gɛ nuą kɛi kaa? Ŋą́ ɲɛ̨́i hee gwɛ́lɛ, nwąnąlɔ da mɛ̨nį ɲɔ̨n nɔ ɓə ŋą́ gaa; hvaa kɛɛ, da kiti mɛ̨nį lɔ ɓə gaa kɛɛnąą kəlee.