Azaya 45:9 - Yálá laawoo hɛɓɛ (dc)

⁹ Kpalo ɓaa nu da bɛlimun diɛ dɔɔnwuɔ̨ kɔ́, ləɠi a pɛli mɔ̨ɔ̨ tɔɔi da ləɠi tɔɔmun diɛ woo hukulɔ kɛ? Ɛlɛɛ, yá hɛn da pɛli, mąą hɛn a pɛli kɛi diɛ: «Nui ɲɛ̨i ɲee hvo mą?»

Yálá laawoo hɛɓɛ

⁹ Kpalo ɓaa nu da bɛlimun diɛ dɔɔnwuɔ̨ kɔ́, ləɠi a pɛli mɔ̨ɔ̨ tɔɔi da ləɠi tɔɔmun diɛ woo hukulɔ kɛ? Ɛlɛɛ, yá hɛn da pɛli, mąą hɛn a pɛli kɛi diɛ: «Nui ɲɛ̨i ɲee hvo mą?»

Bible

⁹ Kpalo-ƃêlai ǹúui ma a tɔ̂ɔ gbɛtɛ nûu lai. Íkaa nɔ́ yɛ̂ɛ pɔ̂rɔ-leɣi. Pɔ̂rɔ-leɣe fa mò gbɛtɛ nuu ma ǹyɛɛi, “Ya ŋ́gɛtɛ-pere kɛ̂i léŋ tí?” Pɔ̂rɔ-leɣi a pɔ̂ri m̀ôi ǹyɛɛ gbɛtɛ nuu fé yɛrɛ ní?

Azaya 45:9 Referans Kwoze

Azaya 64:8

Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!

Ɉeremi 18:6

«Akɛti, kaa ŋɛ̨i a Israɛlə nuą, vá mɔ̨ɔ̨ pɛli ka hon bələ kɛi yɛ bələi nəɠi tɔɔ mun ŋɛ̨i kaa gɛi la? Ɲą́ą́ Yai-Laa nwóó li! Israɛlə lonnii, ka káá ɲə́ə́ ŋą yɛ bələi lɔ ləɠi tɔɔ mun nwɔ ləɠi pɔlɔ kaa la ɲəi.

Azaya 29:16

Lə mɛ̨nį həɠɛɛ li a gbowola pələ! Da mɔ̨ɔ̨ pɛli ləɠi tɔɔmun ɉon ɉii yɛ ləɠi pɔlɔ? Kóló a mɔ̨ɔ̨ pɛli kɛi gɛmun mą: «Yɛ́ hvə bɛ́li?» Ləɠi kpɛli a mɔ̨ɔ̨ pɛli kɛi diɛ: «Ləɠi tɔɔmun hvo mɛ̨nį kɔ́lɔn?»

Azaya 10:15

Akɛtii, yowa a mɔ̨ɔ̨ nwun dɛ, nui kóló kɛi la mɛ̨i? Gbɛa a mɔ̨ɔ̨ nwun dɛ nui kóló kɛi la mɛ̨i? Awala kɛtii, gbɔn a mɔ̨ɔ̨ pɛli nui gaa ɲee ŋą, ə dənən dɔɔi? Tunwɔ̨n a mɔ̨ɔ̨ pɛli dumo dɔɔi, nąmu tɛɠii?

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Ɉeremi 50:24

Ŋą́ hɛlɛn dɛ ə́ tɔwɔ Babilonə, ya ka yaa gɔ́ la ə́ tɛɠii, ə́ mąą kali aa ɓo, daa ə́ kaa, daa ə́ hon, mąąhɔlɔɓo, ə́ tɔɔ, yɛ́ kɔ́ pɛlɛ Yai-Laa ɓa.

Korɛntə dɔlɔɔ 10:22

Akɛti, gu kaa bɔ gu Ną́mu nwɔ toloi muhəɠə? Gaa ká kwəi gu hvaŋą kɛnɛ̨i gu tɛɛ mą?

Zôo 9:12

A hɛn ɉon, gbɛɛ ɓə a gulɔ ɲəi? Gbɛɛ ɓə a kɛ mą: Lə ɓə ŋɛ̨i ə́ kaa gɛi?

Zôo 33:13

Lə mɛ̨nį ɓa ə́ kaa hvaa kwɛlii Yálá ɓa, Yaai hva mɛ̨nį ta pɔɔ kulɔi?

Zôo 40:2

Nui ŋɛ̨i hea tooi Huwalawala Kəlee Nąmu lai, mɛ̨nį ta kaa ni gwəi yɛ kɛ ə mo? Nui ŋɛ̨i da Yálá di kaa mɛ̨nį ɓoi, wooɲąą pənə ləi ɓə mąą nu la?

Ikilisiati 6:10

ɉɛn kpɔ gaa yɛnɛ̨ɛ̨, laa kaa wɔlɔ gəlee ɓa. Ɛlɛɛ, bələi nu kan gaa la, gu gɔlɔn. Nu da naa tɛɛ mąąmun di hva kiti kɛ.

Azaya 45:10

Nui a kɛ gaa-nąn mą: «Lə mɛ̨nį ɓa, ə́ gáá a lon?» Ɛlɛɛ yɛ kɛ gaalee ɓa: «Lə mɛ̨nį ɓa ə́ gɛ́ yɛnɛ̨ɛ̨?»

Ɉeremi 36:29

Yili pulu, yɛ́ Ɉuda tɔɔmun Yoyakimə ɓa: Yai-Laa woo ka: Ə́ ɉɛɓɛ́ yilii tii kələn, yɛ́ kɛ mą́ą́ lə ɓə kɛ yai ə́ bɛ̨ɛ̨ ɉu, yɛ́ kɛ diɛ: ‹Yai-Laa yɛ; Babilonə tɔɔmun gaa pai nɔi woloi, hva ɉəɠə mą, ɛlɛɛ yɛ nuą da taatɛlɛɛɠaa di kpɛɛ ɉu.›

Zôo 9:4

Nwɔ mɛ̨nį kɔ́lɔn ŋąą kɛnɛ̨i, da nwɔ huwalawala laa, gbɛɛ ɓə a pɛli tɔɔi na, yii hva mąą nu hutɔɔ?

Zôo 10:9

Gbaɠala kaa yɛ́, yɛ́ ɓə bɛ́li a ləɠi pɔlɔ. Ya ka ə́ kaa bɔ ə́ pənə ə́ nɔ́ pɔlɔ hu.

Azaya 64:7

Ɛlɛɛ yaan, yɛ́ lɔ ɓə ə́ kaa a ku Nąn, ləɠi pɔlɔ ɓaa a kuɔ, yɛ́ lɔ ɓə ku tɔɔi, ku kəlee, ku kaa a ə́ yee ŋą koló.