Azaya 45:2 - Yálá laawoo hɛɓɛ (dc)

² Ɲą́ą́ gbinįi, gáá pai kɛi hiɛi ə́ ɲɛ̨i tɔwɔ, gɛ́ gbu-kpuɠaa mąą yɛɛ, gɛ́ gwɛli kponŋąą hu yali, gɛ́ bɛlɛ́ laa kpulu kwɛliɠaa hu yali yali.

Yálá laawoo hɛɓɛ

² Ɲą́ą́ gbinįi, gáá pai kɛi hiɛi ə́ ɲɛ̨i tɔwɔ, gɛ́ gbu-kpuɠaa mąą yɛɛ, gɛ́ gwɛli kponŋąą hu yali, gɛ́ bɛlɛ́ laa kpulu kwɛliɠaa hu yali yali.

Bible

² “Ńyãa kpîŋ ƃé pâi tɔɔ̂i ítuɛ. Ŋa pâi ǹyée pɛlɛ-pɛlɛɛi da gbaya-kpayai wôloi íperêi, ŋá m̀ara siɣãŋ-ŋai wólo, ŋá ǹá kɔli kôya-goyai fũa-fũa.

Azaya 45:2 Referans Kwoze

Azaya 40:4

'Ka moloonŋaa kəlee laahvɛɛ, 'ka ɲeeɠaa kəlee taɠa; 'ka nowa pɛlɛɛɠaa kəlee hu kpulu, 'ka bələ hu heɛɠaa kəlee haŋą.

Lukə 3:5

Ka molonŋąa kəlee laahvɛɛ, Ka ɲee kpɛa-kpɛaɠaa kəlee taɠa. Ka bələ huhiɛɛɠaa kəlee haŋą, Ka nowa pɛlɛɛɠaa kəlee hu kpulu.

Azaya 42:16

Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Mąątɛ̨nɛ̨ 107:16

Mąąhɔlɔɓo, ə kwɛli kponŋaa ɓɛla, ə di laakpulu kwɛliɠaa hu yali yali.

Ɉeremi 51:30

Babilonə kɔ́kulááɠaa daa lənə gɔ́ ɓa, daa hee so-so, hoŋonŋaa hu, di hvaai aa kpɛɛ di yəi, daa kɛ yɛ nɛ̨ąą, di kaa nwɔ pɛlɛ́ɠaai kələn ɉii. Diɛ nwɔ kponŋaai ɓɛla.

Gɛlaɠaa 1:15

Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:

Azaya 14:31

Kponŋąą, ka ka woo laa, taaɠaa, ka tómą, Filisti lɔi kəlee aa too, nwɔ̨n nulu kaa həɠəi ɲánwuɔ̨ pələ, nu ta hvo gɔwɔ kulɔ mɛlaa kɔ́wɔ pɔ.

Azaya 24:12

Mɔ̨nɔ̨ kɛnɛ̨ lɔ ɓə kɛa daa kwəi, daa kpon aa kala, yɛ too.

Azaya 45:13

Ɲą́ą́ ɓə ɉulɔnui ŋɛ̨i kulɔ, a tələnmolaa, gáá pai nwɔ pələɠaa kəlee hu lalai, ya ɓə pai nwɔ́ taai tɔɔi a nįnɛ̨; ŋą́ nuąi kɔluwɔlaa hu, gɛ́ pənə gɛ́ pa a diɛ di wɔ lɔi hu. Wali kulɔ mɛ̨nį, da hvɛla kulɔ mɛ̨nį da hva kɛ ɉu. Mɛ̨nį Kəlee ŋą Hééɓomun Yai-Laa woo li!

Azaya 48:15

Ɲą́ą́, ɲą́ą́ ɓə hvaa; gaa tii, ɲą́ą́ ɓə ɲą́ą́ ɓə dəli, ɛlɛɛ, gɛ kóló hu kaa pai nɛ̨ɛ̨i!

Ɉeremi 28:13

«Lí, yɛ Hanania ɓa: Yai-Laa woo ka, yɛ diɛ: ‹Wulu kpɔ̨nɔ̨ ka tii ə́ ɉu yali, ə́ kaa pai kwɛli kpɔ̨nɔ̨ kɛi a mąąhvalin.›»

Ɉeremi 51:58

Yai-Laa Mɛ̨nį Kəlee ŋą Hééɓomun woo ka, yɛ mą: «Babilonə taa mąąkpɛɛ hįį ŋąą kɛnɛ̨i, aa pu kpɔ tɛ̨ɛ̨tɛ̨ɛ̨?. Nwɔ̨n aa nwɔ kpon gbɛa-kpɛaa kələn. Nuą kaa mɔ̨nɔ̨ mįi kpɛli kpɛli, tɔ̨nɔ̨i lɔiɠaa kaa gwɛlii, nwɔ̨n gɔ̨nɔ̨n ni.»

Danîa 5:28

‹Parsin› mukulaa ɓaa: Di kaa pai ə́ wɔ tɔɔlaai ɲąąkwɛlɛi Medi nuą, da Pɛrsə nuą di lɔwai.»

Nahumə 3:13

Ə́ wɔ kɔ́kulááɠaai kaa lɔ a nɛ̨ąą, kpɛli kpɛli ə́ wɔ lɔi hu pələɠaa laaɓoɔi lɔ kpanągalan, ə́ yowoɠaa tɔwɔ, gbon gəlee aa lɛɛ a nwɔ̨n gɔ̨nɔ̨n, aa nwulukpiɛɠaa kəlee kələn.

Azaya 13:2

«'Ka tɛ yee ta nwuɔ̨, ɓɛi lɔwɔ hvo laa, 'ka ɉilɛyili tɛ ɲələi, 'ka tómą, 'ka ka yee tɛ yələi, 'ka di təli galanɉonŋąą yəi bɛlɛ́ laaləi,

Danîa 8:4

Ŋą́ mɛlaa hilɛi tii kaa, yɛ nwun bili voló tooi pələ, ɲələi pələ da ɉɛɠɛɛ pələ, huwɔ lɔpee ta hva kɛ pɛli tɔɔi dɔwɔ, nui lɔpee ta hvo kɛi pɛli hɛn da kulɔi ɲəi. Yii a nɛɛ mą, ya ɓə a gɛ, ə lɛɛ, yɛ kɛnɛ̨.