Bib sou entènèt

Azaya 44:26 - Yálá laawoo hɛɓɛ (dc)

²⁶ Gɛ́ nwɔ́ tímun hvaa woo pɔ mɛ̨nį lɛɛ mą, gɛ́ nwɔ wɛlɛɛɓo nuą, woo hu nɛ̨ɛ̨, ɲą́ą́ ɓə kɛ Ɉerusalɛmə ɓa: «'Ə́ laa ə hvɛɛ a nu kan», gɛ́ Ɉuda taaɠaa diɛ: «'Ka pɛ̨nɛ̨ ka tɔɔ a nįnɛ̨», yii kpɔ kala, ŋį́ gəlee pu nįnɛ̨ kɔ́lɔi.

Gade chapit la Kopi

Yálá laawoo hɛɓɛ

²⁶ Gɛ́ nwɔ́ tímun hvaa woo pɔ mɛ̨nį lɛɛ mą, gɛ́ nwɔ wɛlɛɛɓo nuą, woo hu nɛ̨ɛ̨, ɲą́ą́ ɓə kɛ Ɉerusalɛmə ɓa: «'Ə́ laa ə hvɛɛ a nu kan», gɛ́ Ɉuda taaɠaa diɛ: «'Ka pɛ̨nɛ̨ ka tɔɔ a nįnɛ̨», yii kpɔ kala, ŋį́ gəlee pu nįnɛ̨ kɔ́lɔi.

Gade chapit la Kopi

Bible

²⁶ Kɛ́lɛ ŋ̀orɛ̂-woo-ŋai ŋá dɛ̀ɛ a ŋákela-ŋai, díŋaa-see a kɛ́ tí-ti ƃo. M̀ɛni-ŋai kélee ŋá gbɛtɛ a gɛ́ɛ ŋá gɛ̂i, gélee ŋaa-see è kɛ̀. Ŋá m̀o a gɛ́ɛ Zerusâlɛŋ taa-leei da Zuda taa-leei-ŋai da pâi tɔɔ̂i ŋɔ́nɔ pôlu, ǹaa láa é fɛ́ɛ a núu-kpune. Ŋa pâi gɛ̂i daa-lêe-ŋai ŋí dí kɛ́ yɛ̂ɛ berei dí kɛ̀ la a bɔlɔi.

Gade chapit la Kopi

tounen moute ⬆

Azaya 44:26
53 Referans Kwoze

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Azaya 60:10

Nwɛąą lonnii ɓə pai ə́ mąą kpɛ hį́i tɔɔi, di wɔ tɔɔɓɛlaa di ɓo a ə́ wɔ tinuą. Teą li, níí holi pələ ɓa, ŋį́ ə́ kɛlɛ, Kɛlaa, níí lɛlɛ pələ gwə́i, ŋą́ą́ ə́ mąąwɛli kaa.

Ɉeremi 33:7

Gáá pai Israɛlə da Ɉuda di pui di nįnɛ̨ kɔ́lɔi. Ŋą́ di tɔɔ yɛ bələi di kɛ la tɔlɔɔ.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Azaya 42:9

Tɔwɔ-tɔwɔ mɛ̨nįɠaa di wɛi, daa tɛɛ, ɲą́ą́ nwɛ̨́i, mɛ̨nį nįnɛ̨ɠaa ɓə gáá di lɛɛi tɔwɔ, gɛ́ di hukulɔ; gɛɛ di hvo teɠa kɛ pai həlii, diɛ ka tii gáá di mąą mɛ̨nį hukulɔi kaa.

Nehemi 1:3

Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Ɛsdrasə 2:70

Ɉaláá laa həli nuą, Levi huwuhu nuą, da nɔi nuą; nwələ too nuą, bɛlɛ́ laaləi mąąkpɛɛ nuą, da tínuąi, nu kəlee ə hee bɔ taai; Israɛlə nuą kəlee də li, di hee di pɔ taai.

Maafîu 26:56

Kɛlaa yili ə kɛ tii, ə gɛ, mɛ̨nįɠaai Yálá kwəi mɛ̨nį hukulɔ nuą di mo naa ə hon.» Nąąlɔwai galan nɛa kəlee di nɛɛ laa, di pu.

Maafîu 5:18

Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

Zakari 12:6

Mąą yələi tii, ŋą́ Ɉuda ɲąąwooɓo nuą kɛ yɛ, da nwɔ̨n gɛnɛ̨ hee kpaɠa hu. Yɛ da kpalan dɔɔ, di nɔ dɛ̨ɛ̨ hu. Di kaa pai lɔiɠaa hukalai, di ɓa-mįi-yee hu pələ, da kɔ́ɓɛyee hu pələ, di kwɛlɛ kəlee ɓa. Kɛlaa, Ɉerusalɛmə a lɛɛ tɔɔni dɔɔi.

Zakari 2:4

Ŋą́ mąąnįn kɛ nwɔ̨nɔ̨ gɛ́ mą: «Yiiɠaai diɛn, lə ɓə di kaa pai gɛi?» Ə nwóó pulu pənə, yɛ mą́ą́: «Nɔiɠaai tii di wɔ huwalawalai gaa di yəi yɛ di mįnɛ̨, yai di Ɉuda lɔi hu taɠa la, nui lɔpee ta hvo pɛli tɔɔi di la, diɛ ɓə gwɛliyɔw nuąi ŋɛ̨i di pa di mąą kpɛlin ɉii.»

Amɔsə 9:14

Israɛlə nu huwui di kaa luwɔlaa hu, ŋį́ gəlee nwun mąąɓo, di pa di pɔ lɔi. Di wɔ taa yiiɠaai daa wɔlɔ wolo, da pənə di dɔɔ, di hee ɉu. Da viɲə yɛaɠaa laa, Diɛ nɔɔ kulɔ, diɛ gbələ, Da hihɛn ɲɛaɠaa laa, diɛ mą kulɔ, diɛ mįi.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.

Izikiɛ 38:17

Mɛ̨nįi Mɛ̨nį kəlee ŋą Hééɓomun Yálá kaa moi ya ka, yɛ: Yɛ́ ɓə ŋį́ kɛi ə́ mąą mɛ̨nį ɓo; wɔlɔ wɔlɔ mɛ̨nį li; gwə́i mɛ̨nį hu kulɔ nuą, diɛ gwə́i mɛ̨nį ɓo, yɛ hvilɛn yɛ́; kwɛlan damąą yee mu, diɛ kɛ gáá pai pai a yɛ́, yɛ́ pɛlɛ diɛ a kɔ́.

Izikiɛ 36:10

Gáá pai nuą ɓuwu ɓoi ka mɛ̨i, ya ɓaa; Israɛlə pɛlɛ́ kəlee. Nuą da pənə di kɛ daaɠaa hu, diɛ daa kpoloonŋaa tɔɔ a nįnɛ̨.

Nehemi 2:3

Gɛ́ tɔɔmun ma: «Ə́ lamun yɛnɛ̨ɛ̨ Yálá ə kɛ! Lə mɛ̨nį ɓa, ɲį́nąą hva kɛ a ɲiliɛ! Daai ną́nni kámą kaa ɉu, aa lɛɛ a taa kpoloon, nwɔ̨n aa ɉįi kponŋąą kəlee kələn!»

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Ɉeremi 32:44

Di kaa pai kɛi tííɠaa yai, diɛ nwali lono, diɛ nɔwɔtɔɔ hɛɓɛ́ pɛ̨ɛ̨, diɛ di kɔ́lɔn ɉii kɛ mą, diɛ kɛlaɠaa hee Bɛnɉamɛn nwɔ lɔi hu, Ɉerusalɛmə kwɛlɛ da Ɉuda taaɠaa hu. Yiiɠaai ɲee hu, da yiiɠaai nɛ̨ŋɛ̨ hu, da yiiɠaai di kaa ɉɛɠɛɛ pələ. Mąąhɔlɔɓo, gáá pai pənəi ŋą́ di pu di nįnɛ̨ kɔ́lɔi. Ɲą́ą́ Yai-Laa, nwóó li.»

Ɉeremi 32:15

Mąąhɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ diɛ: ‹Di kaa nwɔ̨nɔ̨ pai pɛlɛ́ɠaa da tííɠaa yai nɔi ŋɛ̨i hu.›»

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Azaya 58:12

Ə́ haalai, di kaa pai pənəi diɛ taa kpoloonŋaa tɔɔ, pɛlɛ́ɠaai daa di hvilɛn ɉu aa kwɛa, yɛ́ ɓə pai di tɔɔi, di kaa pai ə́ laa heei a: «Hį́i kpoloon dɔɔmun, a nui a kwəli mu həɠə, nuą diɛ hee laa.»

Azaya 54:3

mąąhɔlɔɓo, ə́ huwu hu kaa pai kɛnɛ̨i, ə́ ɓa-mįi-yee hu pələ, da ə́ kɔ́ɓɛyee hu pələ. Ə́ huwu kaa pai hįį tapkɛliɠaa yəi hɛn gɔw hɔlɔɓoi a nwɔɔ, ə́ lonnii diɛ taa kpoloonŋąą laahvɛɛ a nu kan.

Mąątɛ̨nɛ̨ 147:2

Yai-Laa ɓə pənə ə Ɉerusalɛmə tɔɔ, Gaa pənəi yɛ Israɛlə nwɔ kɔluwɔ pɔlɔɠaa ɲąąkpɔn.

Azaya 61:4

Hɛnŋąąi kpɔ kɛ daa di lɛɛ a gboloon, di kaa pai pənəi di gəlee tɔɔ, bɛlɛ́ɠaai wɔlɔ di di pu, da pənə di gəlee tɔɔ, daaɠaai wɔlɔ di di wolo, di kaa pai pənəi di gəlee tɔɔ, da mąąwɛli mɛ̨nįɠaai kpɔ tii wɔlɔ daa lamun a kwɛlan damąą.

Mąątɛ̨nɛ̨ 69:35

Yələkɔlɔn, ka lɔi ka naa mąąwiɛ, gboloyáɠaa da di hu hɛnŋąą 'ka naa tɛ.

Azaya 40:9

Ə́ wɛi, 'tɛ yee tɔɔ ta nwuɔ̨, ə́ woo kulɔ kpɔ a hɔ̨ɔ̨, Siɔn, wɛlɛɛ lɛlɛɛ ɓomun, 'ə́ woo kulɔ, hvo ɲɔw, Ɉerusalɛmə, wɛlɛɛ lɛlɛɛ ɓomun; 'mo Ɉuda taaɠaa diɛ, yɛ diɛ: «Ka gu wɔ Yálái ka!»

Azaya 42:19

Gbɛɛ ɓə kɛ ɲɛ̨i puɔɔ, kɛlɛi nwɔ́ tímun lɔ ɓə kɛ? Gbɛɛ ɓə kɛ nwəli wolɔɔ yɛ nui gáá pai dɔɔi? Gbɛɛ ɓə kɛ ɲɛ̨i puɔɔ ə həli nui aa liilaa hɔlɔɓo bɔ? Gbɛɛ ɓə kɛ nwəli wolɔɔ yɛ Yai-Laa nwɔ tímun?

Azaya 49:8

Yai-Laa woo ka, yɛ yɛ́: ŋį́ ə́ woo mu hon, a mɛ̨inɛ̨ɛ̨ yələ, ŋį́ ə́ mąąkpɔnmąąɓo, a nwun mąąɓo yələ, ŋį́ ə́ tɔɔ a dee, ə́ kɛ a kwa nuą ku lɔwai mįnɛ̨, yɛ́ nɔi tɔɔ, ka kwɛlin nɔiɠaai daa ɉu kala, yɛ́ pɛ̨nɛ̨, yɛ́ dɔɔ.

Azaya 52:9

'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Azaya 55:11

bələ lɔ ɓə nááwoo a túwɔ la, ɓɛlɔwai a kulɔ la ná, hva pənə hvo pa bɔ́ kpɛli kpɛli, yii hvo kóló kɛ li, Kɛlaa, mɛ̨nįɠaai kpɔ gáá bɔ, a gəlee kɛ, ɛlɛɛ, gólóɠaai kpɔ ŋį́ dɛɛ di kɛ mɛ̨nį ɓa, a gəlee ɲɛ̨i kulɔ.

Ɉeremi 1:10

Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Egaa 1:13

Aze yii gaa a Yai-Laa kwəi mɛ̨nį hu kulɔ mun, nwɛlɛɛ ŋɛ̨i Yai-Laa ə dɔɔ la, yii ə mo nuą diɛ, ə pənə nwɔ̨nɔ̨ yɛ diɛ: «Yai-Laa, yɛ diɛ: Gáá pai kɛi ka pɔ.»

Zakari 1:17

'Mɛ̨nįi ɲɛ̨i noloɓo, yɛ́ diɛ: Yai-Laa Mɛ̨nį Kəlee ŋą Hééɓomun, woo ka: Nwɔ́ taaɠaai kaa pai kɛi nwunnąnɛ̨ɛ̨ hu. Yai-Laa kaa pai pənəi ə Siɔn liilaa; Ə pənə nwɔ̨nɔ̨, ə Ɉerusalɛmə kɛ a nwɔ taa.»

Tɔɔɓɛlaa veelɛ 7:16

Gɛɛ tii, nuą di kulɔ Samari, diɛ li Aramə nuą di wɔ kɔ́ɓuwui la, diɛ hɛnŋąą həɠə. Yɛ bələi Yálá nwɔ nui ə mo la, di kɛi lɛɠɛ hunwɔ̨ kilə pow kɔ́w hveelɛ ya a walilə kwələ tɔ̨nɔ̨, diɛ kpai kilə pow hveelɛ kɔ́w nąąn ɲa a wali kwələ tɔ̨nɔ̨ yɛ bələi Yai-Laa ə mą la.

Tɔɔɓɛlaa veelɛ 7:18

Mɛ̨nįi ŋɛ̨i Yálá nwɔ nui ə mo, ə kɛ kpɔlɔɔ tii. Yai ə kɛ mą: «Tínąą ɓɛlɔwai, kpai kilə pow hveelɛ kɔ́w nąąn a kɛ a wali kwələ tɔ̨nɔ̨, lɛɠɛ hunwɔ̨ kilə pow kɔ́w hveelɛ a kɛ a wali kwələ tɔ̨nɔ̨ ɓɛ Samari daai.»

Tɔɔɓɛlaa veelɛ 7:20

Mɛ̨nįi tii pɔ mɛ̨nį ə kɛ. Nu kpului tii di tɔɔmun nwɔ ɓíítiɛ̨i kiin-giin ɉįi la, ə haa.

Mąątɛ̨nɛ̨ 69:36

Mąąhɔlɔɓo Yálá kaa pai Siɔn nwun mąąɓoi, yɛ Ɉuda nwɔ taa kpɛa kpɛai tɔɔ. Nuą kaa pai heei laa, nąą ə ɓo a di wɔɔ.

Mąątɛ̨nɛ̨ 102:17

Ɲələi Yai-Laa kaa pai pənəi yɛ Siɔn tɔɔ la, nuą da gaa mąąwiɛ̨ pələ hu.

Ikilisiati 3:3

Paa ɓo kɛ yələ kaa mą, pala hali kɛ yələ yɛ ɓo mą. Pɛlɛ́ woloi yələ kaa mą, pɛlɛ tɔɔi yələ yɛ ɓo mą.

Ɉeremi 28:9

Kɛlaa Yálá kwəi mɛ̨nį hukulɔ mun da, a kɛi Yálá kwəi mɛ̨nį hukulɔ, yɛ liilaa mɛ̨nį lɛɛ kwɛaa la yɛ mo, hvo kɛ li mɛ̨nįi tii ə mo a nɛ̨ɛ̨mą, ya ɓə da Yálá kwəi mɛ̨nį hukulɔ mun tii kaa la a nui Yai-Laa ə dɔɔ kpɔ a neelee.»

Swiv nou:

Lyen patwone

Piblisite

Piblisite