Bib sou entènèt

Azaya 44:22 - Yálá laawoo hɛɓɛ (dc)

²² Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Gade chapit la Kopi

Yálá laawoo hɛɓɛ

²² Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Gade chapit la Kopi

Bible

²² Ŋá kásu mɛni lɛ̀ɛ kásɔnyɔ̂ŋ kélee mɛni ma yɛ̂ɛ lúu a tàa. Ka pá ḿbɔ. Ńyãa ƃa káŋuŋ ma ƃó nuui.”

Gade chapit la Kopi

tounen moute ⬆

Azaya 44:22
39 Referans Kwoze

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Korɛntə dɔlɔɔ 6:20

Nu ta ɓə ka nwun mąąɓo a ɉɔ̨nwɔ̨ kɛnɛ̨. 'Ká Yálá mąąwiɛ kan a ka kɔlɔ.

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Mąątɛ̨nɛ̨ 103:12

Bələi lɔ hvóló həɠəi mąąkwɛaa la hvóló tooi ɓa, bələ lɔ ɓə a gu hɔn mąąkwɛa la guɔ.

Ɉeremi 33:8

Mɛ̨nį ɲɔ̨nwɔ̨ɔ̨ɠaai kpɔ di gɛ mą́ą́ a di hɔn, gɛ́ gəlee waa diɛ. Nɛŋɛ̨nŋaai di ɉəɠə mą́ą́ a di hɔn, gɛ gəlee lɛɛ diɛ a kpɛli.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Mąątɛ̨nɛ̨ 51:9

Nwɔ́ nɛ̨ŋɛ̨n kulɔ mą́ą́ a isopə, mą́ą́ ə həɠə. Nwáá, ŋį́ kwələ, ŋį́ tɛɛ yeehunwɔ̨ ɓa.

Mąątɛ̨nɛ̨ 51:1

Nwələ ɲɛ̨itɔwɔmun. Davidə nwɔ wələ.

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Azaya 51:11

Nuąi Yai-Laa ə di nwun mąąɓo, di kaa pai pənəi di pa, di kaa pai lɔi Siɔn, nuą diɛ di yee lɔwa diɛ, diɛ kwəinɛ̨ɛ̨ kulɔ yii kpɛɛ hva kɛ mą, kwəinɛ̨ɛ̨ da mąną di hvilɛn ŋąą di pulu, a kɛ tii kɛa wɔlɔ da ɲin ŋą mįi daa li.

Azaya 1:27

Mɛ̨nį haŋąą kaa pai Siɔn taa nwun mąąɓoi, ɉu hee ɓo nuą di di pulu tɔɔ mɛ̨nį ɲɔ̨n ma, diɛ mɛ̨nį haŋąą kɛ.

Mąątɛ̨nɛ̨ 109:14

Di nąnni di wɔ nɛ̨ŋɛ̨n gili ə lɛɛ Yai-Laa ŋą, nee nwɔ nɛ̨ŋɛ̨n mąą hvaa hvo lɛɛ.

Zôo 37:11

Yələɓoɔ lɛlɛɛ a pa a tulɔ kpinįn, yɛ tulɔ kpinįn daɠa taɠa gee ɓa, da mąną-mąną.

Nehemi 4:5

Ku yowoɠaa diɛ kɛ diɛ, gɛɛ di kili hvo pu ɉu, ɛlɛɛ di hvo ku kaa, kwa tɛ di mɛ̨i, ku wɔ di paa, ɛlɛɛ, ku goló kpəla bələi.

Ɉeremi 3:1

Yai-Laa woo ka, yɛ diɛ: Hulɔnu a nɛ̨ą kulɔ lɔwɛi, mąąnɛ̨ɛ̨nui ə həɠə ɉilɛ pɔ, ə li ə hee hulɔnu takpɛli nwuɔ̨, akɛti, ɉulɔnu dɔlɔɔ tii a mɔ̨ɔ̨ pənə yɛ li Nɛ̨ɛ̨nui tii pɔ? Kpaa-o! Kɛlaa, yɛ́ Israɛlə; yɛ́i ŋɛ̨i yáá hvilɛn nu tamąą pulu, yɛ́ nwɔ̨nɔ̨ ə́ pənə ə́ pa bɔ́? Ɲą́ą́ Yai-Laa nwóó li!

Azaya 1:18

Yai-Laa yɛ diɛ: 'Ka pa, gu gu keeni woo ŋąą kaa, Akɛ ka kɛ nɛ̨ŋɛ̨n gbɔluɔ yɛ ɲąmą, a kwələ yɛ yeehunwɔ̨. Ka kɛ nɛ̨ŋɛ̨n a kɛ a gbɔluɔ mutɛɠiɛ, a kwələ yɛ wiɛ hunwɔ̨.

Ɉeremi 18:23

Kɛlaa yɛ́i a Yai-Laa, ə́ di kwəi kili ɲɔ̨nwɔi tii kɔ́lɔn, yɛ hvilɛn na mą́ą́. 'Hvó nɛ̨ŋɛ̨n tii mąąhvaalɛɛ diɛ, 'hvó di wɔ nɛ̨ŋɛ̨n tii hu pu ə́ ɲɛ̨i mu. 'Gɛ di too ə́ ɲɛ̨i mu, 'hee di hu a ə́ wɔ liiholi yələ.

Kɔlɔnikɔ Veerɛi 6:21

Ə́ mąąnɛ̨ɛ̨ wooɠaai yɛ́ tímun da yɛ́ nu huwui Israɛlə di kaa moi yɛ́, gɛɛnąą ŋɛ̨i ɓa, nɛ̨ɛ̨ Yɛ́! Ə́ wəli tɔɔ mą! Ɓɛi tii Ə́ kaa laa yələ kɔ́lɔn ɉu, Ə́ wəli tɔɔ laa diɛ, Ə́ ku mąąhvaalɛɛ.

Azaya 31:6

Israɛlə lonnii, nui kaa ka pulu tɔɔ mą a ɉu kwɛa, ka pənə ka pa bɔ.

Azaya 33:24

Nɔi lon da hva kɛa kɛ diɛ: «Ɲɔn gaa mą́ą́.» Nuąi di kaa heeni Ɉerusalɛmə, di kɛ nɛ̨ŋɛ̨n gaa pai waai diɛ.

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Zakari 1:3

'Kɛ́ diɛ: «Yai-Laa Mɛ̨nį Kəlee ŋą Hééɓomun, woo ka: 'Ká pənə ka pa bɔ́! Yai-Laa Mɛ̨nį Kəlee ŋą Hééɓomun woo li! Ɲą́ą́n, ŋą́ pənə ŋį́ pa ka pɔ, Yai-Laa Mɛ̨nį Kəlee ŋą Hééɓomun woo li.

Lɛɛ gbɔwɔ ɓa 18:9

Mɛ̨inɛ̨ɛ̨ kpɔ Yai-Laa ə gɛ Israɛlə nuą diɛ, yɛ di kulɔ Eziptə luwɔlaa hu, Ɉetro kwəi ə nɛ̨ɛ̨, mąą mɛ̨nį ɓa.

Dutɛrɔnome 32:43

Yɛnɛ̨ɛ̨ nąą kəlee ə ɲee lɔwa nwɔ nu huwui ɓa. Mąąhɔlɔɓo, gaa pai nwɔ tínuą nwąną kulɔi, gaa pai nwąną kulɔi gɔyɔwɔɠaa diɛ; Yɛ nwɔ lɔi da nwɔ nuą mąąhəɠə.

Samia Veerɛi 12:13

Nąąlɔwai Davidə yɛ Natan ɓa: «Ŋą́ą́ nɛ̨ŋɛ̨n ɉəɠə Yai-Laa ɓa.» Natan yɛ Davidə ɓa: «Yai-Laa aa ə́ kɛ nɛ̨ŋɛ̨n mąąhvaalɛɛ, hvo pai haai.

Mąątɛ̨nɛ̨ 130:8

Ya ɓə a Israɛlə nwun mąąɓo nwɔ nɛ̨ŋɛ̨nŋaai kəlee yəi.

Azaya 52:9

'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Ɉeremi 50:20

Nąąlɔwai, ɲələ lee lee tii, di kaa pai kɛi di ɲɛ̨i laai a Israɛlə nwɔ túwɔ́ pələ ɲɔ̨n, di hva kɛa gaa, da Ɉuda nwɔ nɛ̨ŋɛ̨nŋaai, di hva kɛa di kaa; Mąąhɔlɔɓo, nuą gbəliɠai da lɛɛ yɛnɛ̨ɛ̨, ŋą di mąąhvaalɛɛ, Ɲą́ą́ Yai-Laa nwóó li!

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Zakari 3:4

Nuąi kɛ tɔɔni niila, yɛ diɛ: 'Ka nwɔ həɠə mąąliɓɛɛ tii kulɔ gwąną. Yili pulu, yɛ Ɉosue ɓa: «Yáá gaa, ŋą́ą́ ə́ wɔ nɛ̨ŋɛ̨nŋaai kulɔ yɛ́, di kaa pai hɛli həɠə tooi ə́ kwąną.»

Swiv nou:

Lyen patwone

Piblisite

Piblisite