Azaya 44:19 - Yálá laawoo hɛɓɛ (dc)

¹⁹ Di kili hva mɛ̨nį hukpɛ, di hva kpɛli di kiliŋąhiɛ, di hvo kɛ mą: «Ŋą́ą́ háá bələ tɔ̨nɔ̨ kələn nwɔ̨n ɉu, ŋą́ą́ bələ tɔ̨nɔ̨ kɛ a gɔnɔ̨n ɲili kwɛi, ŋą́ą́ huwɔ mɔ̨n dəŋą ɓa, ŋą́ą́ mįi, ɛlɛɛ gbuɔ woloi aa lɛɛ, ya ka gáá pɛlɛi gɛ́ kwɛli hvilɛ mą!»

Yálá laawoo hɛɓɛ

¹⁹ Di kili hva mɛ̨nį hukpɛ, di hva kpɛli di kiliŋąhiɛ, di hvo kɛ mą: «Ŋą́ą́ háá bələ tɔ̨nɔ̨ kələn nwɔ̨n ɉu, ŋą́ą́ bələ tɔ̨nɔ̨ kɛ a gɔnɔ̨n ɲili kwɛi, ŋą́ą́ huwɔ mɔ̨n dəŋą ɓa, ŋą́ą́ mįi, ɛlɛɛ gbuɔ woloi aa lɛɛ, ya ka gáá pɛlɛi gɛ́ kwɛli hvilɛ mą!»

Bible

¹⁹ Da fa gíli ŋá sìa ǹyɛɛi, “Zɛŋ ŋí ŋá gbɛ̀tɛ, ŋ́gɛ vɛ̀lii, gbua da-ŋa nɔ́ ƃé ŋa ŋɔŋ tôo dîa, ŋ́gɛ ŋ́gɔlɔ ƃó m̀a, ŋ́gɛ kpólo kpɛ̀tɛ m̀a, ŋ́gɛ sua ŋɔ̂ŋ m̀aa ŋɔ́ŋ ŋá. Wúru gbua-ŋa ƃé ŋa toôi díkɔɔ mu ŋ́gɛ dífɛlii.”

Azaya 44:19 Referans Kwoze

Dutɛrɔnome 27:15

«‹Nui lɔpee pai hali ta pɛlii a wala kɛ tii, hɛn da mąą nįnįn, a yɛlɛ kɛ mun da yee pɔɔ, ɛlɛɛ, yɛ di tɔɔ kɛɛnąą loɔ ɓa! Mɛ̨nįi gɔhɔɓoɔ Yai-Laa ɲɛ̨i ɓa yaa li! Yálá! Mąą nu nɛ̨ŋɛ̨n naai!› Ɛlɛɛ nɔi lonnii kəlee di di nwoo mu hon, diɛ mą: ‹Mįįną!›

Tɔɔɓɛlaa dɔlɔɔ 11:7

Nąąlɔwai ɓə Salomɔn ə Kemɔsə hali kɔ́ pɛlɛ́ ta tɔɔ la, yai kɛ a Moabə lɔi hu nuą di wɔ ɓɛlɛkpɛɛmąą halii, ɛlɛɛ, da Molɛkə, yai kɛ a Amɔn lonnii di wɔ ɓɛlɛkpɛɛmąą halii, ə di wɔ haláá kulɔi kɛ ɲeei tii Ɉerusalɛmə tənən ma, nwuɔ̨.

Tɔɔɓɛlaa dɔlɔɔ 11:5

Salomɔn ə hvilɛn Astarte pulu, yai kɛ a Sidɔn nuą di wɔ hali, da Milkomə, yai kɛ a Amɔn lɔi hu nuą di wɔ ɓɛlɛkpɛɛmąą halii.

Osia 7:2

Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Izikiɛ 40:4

Ɉulɔnui tii yɛ mą́ą́: Hulɔnu lon, ə́ ɲɛ̨i hee kpɔ laa a nɛlɛɛ; ə́ ə́ wəli tɔɔ kpɔ a nɛlɛɛ, mɛ̨nįɠaai kpɔ gáá pai nɛi yɛ́, ə́ kili lɛɛ gəlee hu. Maahɔlɔɓo, di lɛ yɛ́ mɛ̨nį ɓə gɛ diɛ pa a yɛ́ ɓɛ. Mɛ̨nįɠaai kpɔ ə́ kaa pai gaai, a kɛ ə́ gəlee hukulɔ Israɛlə nwɔ pɛlɛ́i mu nuą diɛ.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Azaya 5:13

Yili mąą mɛ̨nį ɓa, «di kaa pai lii a nwɔ́ nu huwui kɔluwɔlaa hu, mąąhɔlɔɓo, kili hvo kɛ li mą, nɔi kalanɉonŋąą, kaa pai haai a pulu, nɔi lonnii, diɛ haa a kpələ wɛli.»

Tɔɔɓɛlaa veelɛ 23:13

Ɉaláá kulɔiɠaa ŋɛ̨i Salomɔn ə dɔɔ ɉɛɠɛ pələ Olivə yee ɓa, Ɉerusalɛmə tənən mą, ɉaláá kulɔiɠaa tii, da ə kɛ a: Astarte nwɔ, yai kɛ a Sidɔn nuą di wɔ hali nwɔnwɔɔ. Da ə ɓo a: Kemɔsə nwɔ, yai kɛ a Moabə nuą di wɔ hali nwɔnwɔɔ; dɔ̨nɔ̨ ə ɓo a: Milkomə nwɔ, yai kɛ a Amɔn nuą di wɔ hali ɓɛlɛ kpɛɛ mą, gɔhɔɓoɔ; Ɉosiasə ə gəlee nąą wolo.

Dutɛrɔnome 32:46

ə mo diɛ, yɛ diɛ: «Nwooɠaa ŋɛ̨i ŋį́ ka kalan na háákələi, ka ɉon a ka nwąnąąi; gaa a gu lɔwai kɛla. Ka ka lonnii kalan a dɔ́n nwooɠaa ŋɛ̨i hon mɛ̨nį.

Lɛɛ gbɔwɔ ɓa 7:23

Eziptə tɔɔmun ə pənə ə li ɲəi bɛlɛ́ laaləi, hvo kpɛli gaa a mɛ̨nį walawala.

Egaa 1:5

Ɲą́ą́ Yai-Laa Mɛ̨nį Kəlee ŋą Hééɓomun, gɛ́ ka ka kiliŋąhiɛ, mɛ̨nįɠaai daa həli kaa diɛ.

Azaya 46:8

'Ka ka kili lɛɛ mɛ̨nįi tii hu, ɛlɛɛ, ka tɔɔ a hulɔnulaa, kulɔ nwoo mu nuą, 'ka ka kiliŋąhiɛ mɛ̨nįi tii ɓa, ka ka kwəi kili mąą hvalin, ka kwəi tɔ̨nɔ̨ mɛ̨i.

Tɔɔɓɛlaa veelɛ 23:14

Gwɛniɠaa ŋɛ̨i di kɛi haláá kulɔ mą, da nwului di dɔɔ diɛ haláá kulɔ mą, Ɉosiasə ə gəlee taɠa. Ə nu kɔ́wɠaa pu laa.

Azaya 44:18

Di hvo mɛ̨nį kɔ́lɔn, di hva mɛ̨nį kpaɠala kaa, mąąhɔlɔɓo, di ɲɛ̨i kpinį pələ diɛ, di hva pɛli kɛɛ kaai, di kili wala wala pələ, mɛ̨nį ta hva pɛli lɔi di kili hu!

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Osia 4:12

Ɉɛn nwɔ́ nu huwui a mąąnikɛ, ya ɓaa a nwɔ wului, ɛlɛɛ, nwɔ wulu wonwoi ɓə a gili ɲą pɔ̨nɔ̨, mąąhɔlɔɓo, wɛli mɛ̨nį a nwun ɉu lan, ɛlɛɛ, daa lɔ wɛli mɛ̨nį hu, diɛ kulɔ la di wɔ Yálái, woo mu.