Azaya 44:18 - Yálá laawoo hɛɓɛ (dc)

¹⁸ Di hvo mɛ̨nį kɔ́lɔn, di hva mɛ̨nį kpaɠala kaa, mąąhɔlɔɓo, di ɲɛ̨i kpinį pələ diɛ, di hva pɛli kɛɛ kaai, di kili wala wala pələ, mɛ̨nį ta hva pɛli lɔi di kili hu!

Yálá laawoo hɛɓɛ

¹⁸ Di hvo mɛ̨nį kɔ́lɔn, di hva mɛ̨nį kpaɠala kaa, mąąhɔlɔɓo, di ɲɛ̨i kpinį pələ diɛ, di hva pɛli kɛɛ kaai, di kili wala wala pələ, mɛ̨nį ta hva pɛli lɔi di kili hu!

Bible

¹⁸ Táre da kili ŋa-sîa da fé ǹúu kɛ́ɛ-ŋai ŋí dîa. Díŋɛi pûɔɔi, dífa mɛni ŋá kàa.

Azaya 44:18 Referans Kwoze

Ɉeremi 5:21

«'Ka ka wəli tɔɔ! Kai ka kiliŋaa pɛlɛɛ, ka hva ŋąą hiɛ. Ɲɛi kɔ́w kaa ka, ka hva kɛɛ kaa la! Wəli ə ɓo ka, ka hva mɛ̨nį mɛ̨n na!»

Mąątɛ̨nɛ̨ 81:12

Kɛlaa, nwɔ́ nu huwui hvo kɛ nwəli tɔɔ li nwóó ɓa, Israɛlə hvo gɛli mą́ą́.

Ɉaan 5:44

Nuą di wɔ mąątɛ̨nɛ̨ ɓə ka gwɛli, ka hvo Yálá nwɛi pɔ. Ka pɛli ka laa pələ kɛ ləi ná?

Ɉaan 8:43

Lə mɛ̨nį ɓa ka hvo nwóó ŋąą kai? Mąąhɔlɔɓo, ka hva pɛli ɉu gbɛɛ ɓoi.

Azaya 29:10

Mąąhɔlɔɓo, Yai-Laa aa kwəi pilimąą hvə kaa, Yálá kwəi mɛ̨nį hukulɔ nuą, aa ka ɲįnąą kpulu, kɛɛ kaa nuą, aa ka nwun mɛ̨i kpulu.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Danîa 12:10

Ŋaatɛ mɛ̨nį ɓə pai nu tamąą mąąhəɠəi ə di waa, di kwələ. Nuą yiiɠaai di túwɔ́ pələ ɲɔ̨nwɔ̨ɔ̨, di kaa pai kɛi túwɔ́i lɔ a ɲɔ̨nwɔ̨ɔ̨, di hvo pai pɛli ŋąą kaai. Kɛlaa, nuąi a nwun gɛ ɉu nuą diɛ ɓə pai mɛ̨nįɠaai tii ŋąą kaai.

Hanwon 28:5

Nuąi da di kpɔwɔ tɛɛ mɛ̨nį ɲɔ̨n bɔ, di hvo mɛ̨nį haŋąą kɔlɔn. Kɛlaa, nuąi da Yai-Laa kwɛli, diɛ ɓə da mɛ̨nį kəlee kpaɠala kaa.

Azaya 1:3

Nįɲɛ̨ ə nąmu kɔ́lɔn. Hoohvalən yaan, ə naa mįi kɔ́lɔn nąmi pɔɔli. Kɛlaa, Israɛlə hva mɛ̨nį kpaɠala kaa. Nwɔ́ nu huwui hva mɛ̨nį ɲąą kaa.

Ɉeremi 10:14

Nu kəlee daa tɔɔ lɔ tupɛɛ, di hva mɛ̨nį ta ɲąą kaa, diɛ nwumɛ̨ di wɔ haliɠaai di bɛli mąą mɛ̨nį ɓa. Ɉɛn mąąnįnįnŋaa tii kaa a lɛɛ, di nɔ̨ɔ̨ hvo di hu.

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Gɛlaɠaa 14:16

Tɔwɔ-tɔwɔ yələ, Yálá ə nuą lɛɛ laa, diɛ ɉon a di liiɓa pələ.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Maafîu 12:34

Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, ka pɛli ka mɛ̨nį lɛlɛɛ ɓo pələ kɛi ləi? Yaan, ka hɔn ɲɔ̨nwɔ̨ɔ̨? Mąąhɔlɔɓo, mɛ̨nįi gaa nu kwəi, ya ɓə a tɛ na.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Ɉeremi 10:8

Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Azaya 56:11

Ɛlɛɛ, di kaa lɔ nwɔ̨nɔ̨ a yilɛɠaai di kwaną wolo hu kɛnɛ̨ɛ̨, di hva pɛli kɛi diɛ: «Aa pɛli.» Ɛlɛɛ, diɛ ɓə a daatɛlɛɛ pulu nuą, di hva mɛ̨nį kpaɠala kaa, di kəlee di ɲɛ̨i haŋąą lɔ di kpɔwɔ pələɠaa pɔ pələ, diɛ li ɓɛi di wɔ tɔ̨nɔ̨ kaa laa; diɛ hvo kɛi lɔ da ɉɔlɔɓo.

Mąątɛ̨nɛ̨ 92:6

Ə́ kɛ mɛ̨nįɠaa kpɛa kpɛai tai, Yai-Laa! Ɛlɛɛ, ə́ kwəi kili kpon ɉukwɛa pələ, nu hva pɛli gɔlɔn ɉi.

Azaya 44:9

Hali pɛli nuą kəlee kaa lɔ a nu kpɛli kpɛliɠaa, ɉaliɠaai tii a di lííɓa hɛn, di tɔlɔ lɔpee hvo diɛ, ɉɛn di kilitɔɔ mą, hva mɛ̨nį kpaɠala kaa, yili mąą mɛ̨nį ɓa, nwumɛ̨ kaa pai tɛi diɛ.

Piɛrə veelɛ 2:14

Wɛli hon nɛ̨ą ɓə di kaa bɔ diɛ di kaa, nɛ̨ŋɛ̨n ɉəɠɛɛ hva di hviikpɛɛ, nuąi hvaŋą hvo di yəi, diɛ ɓə da too di mɛ̨i. Hulu hɛn Ɉɔlɔɓoɔ mąą gbana laa ɓə gaa di yəi. Yálá nwɔ nɛ̨ŋɛ̨nnaa kaa di mɛ̨i.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 44:19

Di kili hva mɛ̨nį hukpɛ, di hva kpɛli di kiliŋąhiɛ, di hvo kɛ mą: «Ŋą́ą́ háá bələ tɔ̨nɔ̨ kələn nwɔ̨n ɉu, ŋą́ą́ bələ tɔ̨nɔ̨ kɛ a gɔnɔ̨n ɲili kwɛi, ŋą́ą́ huwɔ mɔ̨n dəŋą ɓa, ŋą́ą́ mįi, ɛlɛɛ gbuɔ woloi aa lɛɛ, ya ka gáá pɛlɛi gɛ́ kwɛli hvilɛ mą!»

Ɉeremi 51:17

Nu kəlee da lɛɛ lɔ tín, di hva pɛli hvaai, di hva mɛ̨nį ŋąą kaa. Hali pɛli nuą kəlee diɛ nwumɛ̨ di wɔ haliɠaai mąą mɛ̨nį hu, di wɔ haliɠaai, mąą mɛ̨nįɠaa kaa a lɛɛ, di nɔ̨ɔ̨ hvo di hu.

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Izikiɛ 12:2

«Hulɔnu lon, ə́ kaa kulɔ nwoo mu nuą lɔwai; ɲɛ̨i kɔ́w kaa diɛ, kɛɛ kaa mɛ̨nį ɓa, kɛlaa di hva kɛɛ kaa; wəli kaa diɛ mɛ̨nį mɛ̨n mɛ̨nį ɓa, kɛlaa di hva mɛ̨nį mɛ̨n; mąąhɔlɔɓo kulɔ nwoo mu nu huwu li.