Azaya 44:15 - Yálá laawoo hɛɓɛ (dc)

¹⁵ Kwɛi lɔ li nuą yəi, diɛ gələn, da da həɠə, diɛ di kwɛlɛɓo mą, diɛ da həɠə, diɛ di kɔ̨nɔ̨n ɲili mą. Nwului tii lɔ ɓə a da həɠə, ə ɉaɠa a gɛnɛ̨, yɛ pɛlɛ níi la, yɛ gɛ nwɔ yálá li, yɛ da pɛli a háli, yɛ kwɛli hvilɛn mą.

Yálá laawoo hɛɓɛ

¹⁵ Kwɛi lɔ li nuą yəi, diɛ gələn, da da həɠə, diɛ di kwɛlɛɓo mą, diɛ da həɠə, diɛ di kɔ̨nɔ̨n ɲili mą. Nwului tii lɔ ɓə a da həɠə, ə ɉaɠa a gɛnɛ̨, yɛ pɛlɛ níi la, yɛ gɛ nwɔ yálá li, yɛ da pɛli a háli, yɛ kwɛli hvilɛn mą.

Bible

¹⁵ A ŋ̀úrui gbua da-ŋa kpɛ̀tɛ a ɣâla pɔkɔɔŋ-ŋa, é da-ŋa kɛ́ a kɔi. Nyíi a gɛ̀ a kɔi, a ŋɔŋ tôo ma gɛ́ gɔ́lɔ ƃo ma, gɛ́ kpólo kpɛ̀tɛ da-ŋa ŋá. Nyíi a gbɛ̀tɛ a ɣâla pɔkɔɔŋ, ǹyaa ƃé a kɛ̂ vɛlîi.

Azaya 44:15 Referans Kwoze

Kɔlɔnikɔ Veerɛi 25:14

Ɓɛlɔwai gɔ́ ə nɛ̨ɛ̨ la Amasiasə Edɔmə nuą mɛ̨i, ɲali bulu yɛ kɛa pa, ə pa a Seirə lonnii di wɔɔ haliɠaa tii kɛ laa di yəi daɠaa; Amasiasə ə ɉaliɠaa tii kɛ kɛa yɛ nwɔɔ yáláɠaa, yɛ kwɛli hvilɛn diɛ, yɛ lansan kələn diɛ.

M̀ɛni-lɛɛi 9:20

Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Azaya 44:10

Gbɛɛ ɓə a ta hali mąą nįnįn ɉaɠa, a wala kɛtii, ə ɲɔw a kwɛli, yii yaan hvo tɔ̨nɔ̨ kwɛli li ɉu?

Nwun mąąɓo 2:19

Kɛlaa, ɓɛlɔwai guláái yili a haa la, da lan gbɔ, di tɛɛ di nąnni diɛ, diɛ haliɠaa həɠə, diɛ kwɛli hvilɛn diɛ, di hvo kɛi kpɛla túwɔ́ pələ ɲɔ̨n ma, di wɔ kili walawala laa ta hvo kɛi kulɔ mą.

Azaya 44:14

Da wulu walawala lɛlɛɛ ta tee, yɛ bələi kpitili kaa la, əgɛ mąą ə wiɛ, awala kɛtii, da kpitili bɔn, da wiyɛ, da nwɔ wulu kɛ a wulu yii vąŋą kɛnɛ̨, lɔwɔi wuluɠaa lɔwai. Di mąn hɛan ɉi, kɛlɛi tulɔ ɓə a pu mą, yɛ kɛnɛ̨.

Azaya 44:16

A bələ tɔ̨nɔ̨ tɔɔ nwɔ̨n mą, ɉuwɔi yɛ ə pa mįi, ə naa nwɛ̨ą, ə mɔ̨n, ə mįi, ə pilɛ la, yili pulu, aa kɛi gwɛlɛɓo, yɛ kɛ diɛ: «Ee kə! Gáá gwɛlɛɓoi kpɔ, gɛ́ ɲąąnɛ̨ɛ̨ kulɔ, wələən yɛ kulɔ mą́ą́!»

Azaya 44:17

Yili pulu, gbəlii tii kɛa a lɛɛ, ə bɛli a hali, ə gɛ a nwɔ yálá, yɛ kwɛli hvilɛn mą, yɛ pɛlɛ nií la, yɛ mąą mɛ̨nį laa həli mą, yɛ kɛ mą: «Málo! Mąąhɔlɔɓo, yɛ́ lɔ ɓə a nwɔ́ yálá!»

Azaya 46:6

Nu taɠaa da di wɔ hɛni hu kala, diɛ wali kɔ́ɔn, diɛ yɛlɛ kɛmun ɉala, hali pɛli mɛ̨nį ɓa, ɛlɛɛ, diɛ di mąąwiɛ, diɛ pɛlɛ di liiɓa, diɛ kwɛli hvilɛn diɛ.

Azaya 2:8

Nɔi laahvɛɛi a haliɠaa, ɉɛnŋaa tii diɛ kpinįi di bɛli a di yee, diɛ kwɛli hvilɛn mą.