Azaya 44:11 - Yálá laawoo hɛɓɛ (dc)

¹¹ Ɉali mąą nįnįn tii, ɲeepɔɠaa kəlee kaa pai nwumɛ̨i, yai bɛli nuą kaa lɔ a nu kanŋaa! 'Di kəlee di di ɲąą kpɔn, 'di pa ɓɛ! Di nwun mįnį-mįnį kaa pai yɛɛi a diɛ, di kəlee, diɛ nwumɛ̨.

Yálá laawoo hɛɓɛ

¹¹ Ɉali mąą nįnįn tii, ɲeepɔɠaa kəlee kaa pai nwumɛ̨i, yai bɛli nuą kaa lɔ a nu kanŋaa! 'Di kəlee di di ɲąą kpɔn, 'di pa ɓɛ! Di nwun mįnį-mįnį kaa pai yɛɛi a diɛ, di kəlee, diɛ nwumɛ̨.

Bible

¹¹ Diai da zãâi ŋí fɛ̀lii, Ɣâla a pâi díkula maa kɛ̂i, dí ŋumɛ. Nûa ƃa zãâi ŋí kpɛ̀tɛ. Da dífɛli-ƃelai da pâi tɔɔ̂i mɛni ŋá téɛɛ su, díkɛ yào. Ɣâla a pâi díkula maa kɛ̂i a ŋ̀ánaa, dí ŋumɛ.

Azaya 44:11 Referans Kwoze

Azaya 42:17

Nuąi tii kɛli di kilitɔɔ haliɠaa diɛ, di kaa yalii di pulu a nwumɛ̨ kɛnɛ̨, nuąi da kɛ kwɛli kpɛli kpɛli hɛnŋaa diɛ: «Kaa ɓə ɓaa ku wɔ yáláɠaa!»

Azaya 45:16

Diɛ ka, di ɲąą kpɔnŋąą, daa nwumɛ̨, lalan aa di ɲɛ̨i paa, gaa kpɔ tii, diɛ ka lii, lalan a di ɲɛ̨i paa kpɔ kɔlɔ́-kɔlɔ́, a ɉali pɛli nuą tii.

Azaya 1:29

a tɛ̨ą, nwulu kpɛa-kpɛa ŋɛ̨i ka kɛli gɔ́, ka kilitɔɔ diɛ, ka nwumɛ̨ di mąą mɛ̨nį ɓa. Vaa lɔwɔɠaai ɲɛ̨i ka ɉəɠə ɉu, kaa túwɔ́ laa yɛ nuąi di hvo Yálá kɔ́lɔn, nąą ɓɛlɛ a kpɛɛ ka kwəi.

Mąątɛ̨nɛ̨ 97:7

«Nwumɛ̨ ə tɛ a hali kɔ́ nuą, diɛi da di nwun dɛ a kpɛli kpɛli hɛnŋaa. 'Yáláɠaa kəlee, ka kwɛli hvilɛn Yai-Laa ɓa!»

Ɉeremi 51:17

Nu kəlee da lɛɛ lɔ tín, di hva pɛli hvaai, di hva mɛ̨nį ŋąą kaa. Hali pɛli nuą kəlee diɛ nwumɛ̨ di wɔ haliɠaai mąą mɛ̨nį hu, di wɔ haliɠaai, mąą mɛ̨nįɠaa kaa a lɛɛ, di nɔ̨ɔ̨ hvo di hu.

Ɉeremi 10:14

Nu kəlee daa tɔɔ lɔ tupɛɛ, di hva mɛ̨nį ta ɲąą kaa, diɛ nwumɛ̨ di wɔ haliɠaai di bɛli mąą mɛ̨nį ɓa. Ɉɛn mąąnįnįnŋaa tii kaa a lɛɛ, di nɔ̨ɔ̨ hvo di hu.

Tɔɔɓɛlaa dɔlɔɔ 18:40

Eli yɛ diɛ: «Ka Baalə laa yəlikɛ nuą hon, ka hvo dɔ̨nɔ̨ kpɛli lɛɛ laa hvo pu.» Di nuą tii kəlee hon, Eli ə li a gəlee Kisɔn ɲa ɓoloon bɔ; ə di kəlee di nwun dee laa.

Azaya 44:9

Hali pɛli nuą kəlee kaa lɔ a nu kpɛli kpɛliɠaa, ɉaliɠaai tii a di lííɓa hɛn, di tɔlɔ lɔpee hvo diɛ, ɉɛn di kilitɔɔ mą, hva mɛ̨nį kpaɠala kaa, yili mąą mɛ̨nį ɓa, nwumɛ̨ kaa pai tɛi diɛ.

Azaya 65:13

Yili mąą mɛ̨nį ɓa, Yai-Laa Nąmu woo ka: Nuąi da tí mą́ą́, di kaa pai ɉɔlɔɓoi, diɛ mįi, ɛlɛɛ ka wɛi, kaa mɔ̨nɔ̨ mįi pulu yəi. Nwɔ́ tínuąi diɛ di kpələ, ka wɛi, kpələ wɛli yɛ ka mɔ̨nɔ̨ ɓo, nuąi da tí mą́ą́, di kaa pai kɛi kwəinɛ̨ɛ̨ hu, ka wɛi, nwumɛ̨ yɛ ka ɲɛ̨i paa.

Dutɛrɔnome 4:28

Ka kɛ laa haliɠaa yee mu yii nuą di bɛli a di yee, di ɓo a wulu, a kwɛni; di hva pɛli kɛɛ kaai, di hva pɛli mɛ̨nį mɛ̨n ɉii, di hva pɛli kɔ̨nɔ̨n mįi, di hva pɛli hɛn gun mɛ̨n ɉii.

Osia 13:2

Ɛlɛɛ, ə mą kɛ yiihu, di yee kaa lɔ nɛ̨ŋɛ̨n ɉu, da di yəi wali həɠeen, diɛ haliɠaa pɛli la, a yɛlɛ; yɛlɛ kɛ nuą kɛ kólo lɔ li. Di mąą mɛ̨nį ɓə da kɛ kɛi la diɛ: «Da nu kanŋaa kulɔ a haláá, diɛ kwɛli hvilɛn nįŋɛ̨ lon ɉaliɠaa diɛ.»