Azaya 42:3 - Yálá laawoo hɛɓɛ (dc)

³ Hvo pai hveen gbaɠa woloɔ huyalii, nwɔ̨n nən gaa liɛliɛ, hvo pai gbəli luwun ɉii, ga pai kɛi tɛ̨ą ɓoi a nelee.

Yálá laawoo hɛɓɛ

³ Hvo pai hveen gbaɠa woloɔ huyalii, nwɔ̨n nən gaa liɛliɛ, hvo pai gbəli luwun ɉii, ga pai kɛi tɛ̨ą ɓoi a nelee.

Bible

³ Diai dífii kpɛɛ̂i, vé pâi ǹɛɛ̂i naa dí tóo. Diai kili kɛ-zu fé díyêei, a pâi kili-kɛ-zu tɛɛ̂i dípɔ. A pâi pâi a teniŋ ƃô-laa núu kélee mɛni ma.

Azaya 42:3 Referans Kwoze

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

Maafîu 11:28

«Ka pa bɔ́, kaai ka káá mɔ̨nɔ̨ mį́į́ ka nwuɔ̨ tiɛ̨ mu, da ka hviikpɛɛ, ŋą hvįįtɔɔ tɛɛ ka pɔ.

Ɉeremi 31:25

Nuąi kpələ wɛli a kɛ diɛ, gáá pai kpələ wɛli kulɔi diɛ. Nui vii a kpɛɛ, gɛ́ vaŋa lɔ.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Mąątɛ̨nɛ̨ 147:3

Nuąi di lii yalia di kwəi, a di ɓalo, yɛ di wɔ palaɠaai waa.

Ɉaan 5:30

Vá pɛli mɛ̨nį ta kɛi gbɔ́ɔ́ ɓa, yii ŋį́ mąn Ną́n na, ya ɓə ŋą kiti tee la, ɛlɛɛ, nwɔ́ kiti haŋąąi. Mąąhɔlɔɓo, vá nííɓa kwɛli, kɛlaa nui dɔ́ɔ́ nííɓa ɓə ŋą gwɛli.

M̀ɛni-lɛɛi 19:11

Yili pulu, ŋį́ yələkɔlɔn gaa naa ɓoɔ, hoo kwɛlɛɛ ta ə kulɔ laa, nui kɛ heeni mɛ̨i, naa ɓaa a: Tələnmo, da Tɛ̨ą. A kiti tee, ɛlɛɛ, yɛ kɔ́ kɔ́ a ɉaŋąą.

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Ɉaan 20:27

Yili pulu Jesus yɛ Tomasə ɓa: «'Ə́ yeekpiɛ lɛɠɛ ɓɛ, ə́ ɲéé ɲąɠaa kaa, ə́ laa na laa kɛ.»

Mise 7:9

Yai-Laa aa níiholi bɔ́, váái mą, Mąąhɔlɔɓo, ŋą́ą́ nɛ̨ŋɛ̨n ɉəɠə mą. Gaa pai gúlɔi kɛɛ pɔ̨nɔ̨ŋą, ə lɛɛ ɉu ə mą́ą́ mɛ̨nį ɓo, yɛ nwɔ́ tɛ̨ą mɛ̨nį too pɔ̨nɔ̨ŋą. Gɛ́ níí pɔ kɛlɛ nwɔ tələnmo kóloi ɓa.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Azaya 50:4

Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Maafîu 12:20

Hvo pai hveen gbaɠa yaliɛ kulɔi ŋą. Hva wulɔ nwɔ̨n viikpɛɛ luwun, ə lɛɛ la ɉu, ə yeetɛɛmąą kɛ a tələnmolaa.

Mąątɛ̨nɛ̨ 54:5

Mąąhɔlɔɓo, nwɛ̨ąą daa wolo mą́ą́, wɛa nuą diɛ báá pələ kwɛli; Yálá mɛ̨nį hvo di wɔ kiliŋąhiɛ hu.

Mąątɛ̨nɛ̨ 94:15

Di kaa nwɔ̨nɔ̨ pai kiti teei a tələnmolaa, nuąi kpɔ tələnmo kili kaa diɛ, diɛ di yíi pələ kɔ́ɔn mą.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Azaya 42:2

Hvo pai kɛi tómąi, hva hvaa lɔ tii yaɠa yaɠa, nwoo hvo pai kɛi tɔɔi kwəli hɛ̨ąiɠaa,

Azaya 2:4

Ya ɓə pai hį́i kəlee yee lɔi gee hu, ya ɓə pai nuą lɔwai mɛ̨nįɠaa hutɔɔi, di wɔ ɓɔwa kwɛaɠaai ɓə gaa pai bɛlɛi gee ɓa, di gɛ a kali, di wɔ kpalaɠaai ɓə di kaa pai gɛi a mɔ̨nun dee kɛlɛlɛ, lɔi ta hva kɛa kɔ́ pɛlɛ mɛlan ma, lɔi ta hva kɛa kɔ́ kɔ́ɔ mąą kwɛli.

Azaya 63:1

Gbɛɛ ɓə tii kulɔi Edɔmə pələ, yɛ həɠə Bɔsra pələ, yɛ pai? Hɛn gbɔlu pɔɔ ə ɓo mąą həɠə hui? Ganąnŋąą nwɔ həɠəi hu, ɉaŋąą dədən, vaŋą kɛnɛ̨ pələ ɓai? Ɲą́ą́ li, ɲą́ą́i ŋą́ hvaa a tələnmolaa, gɛ́ vą́ŋą́ lɛ nu ɓalo mɛ̨nį ɓa.