Azaya 42:2 - Yálá laawoo hɛɓɛ (dc)

² Hvo pai kɛi tómąi, hva hvaa lɔ tii yaɠa yaɠa, nwoo hvo pai kɛi tɔɔi kwəli hɛ̨ąiɠaa,

Yálá laawoo hɛɓɛ

² Hvo pai kɛi tómąi, hva hvaa lɔ tii yaɠa yaɠa, nwoo hvo pai kɛi tɔɔi kwəli hɛ̨ąiɠaa,

Bible

² Vé pâi kɛ̂i lâɣii, nûa dí kɛ́ ŋ̀óo mɛni ɣelêi-pere, kpaa máŋ bere lêe-ŋai ma.

Azaya 42:2 Referans Kwoze

Timote veelɛ 2:24

Yaan, gu Nąmu ŋą tímun, mąą hvo nɛ̨ɛ̨li a hvaa kɛmun, kɛlaa nu kəlee wɛli ə kɛ mą, bɛliɛ nuą mąąkwɛlii, niikpəlɛɛ nuą woo mu.

Lukə 17:20

Farisiɛ̨ɠaa di Jesus mąąni kɛ, diɛ mą: mįnɛ̨ lɔwai ɓə Yálá-taa tɔɔlaa kaa pai la? Jesus ə di woo pulu pənə yɛ diɛ: «Yálá nwɔ tɔɔlaai hvo pai pai ŋɛ̨i nuą di hvo gaa.

Maafîu 11:29

Ka ka nwun ɉee nwɔ́ tiɛ̨i mu, həɠə ka nwɔ́ liɛwooɠaa hon. Mąąhɔlɔɓo, níí laai, kaa kpɛli, ka hvii tɔɔ hɔlɔɓo ka lii ə laa.

Piɛrə dɔlɔɔ 2:23

yai di nalan, hvo gwələ kulɔ li a lalan, mɔ̨nɔ̨i di naa mą, hvo woo ɲɔ̨n mo, kɛlaa, ə gbɔwɔ lɛɛ giti haŋąą tee mun ɲəi;

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Azaya 42:3

Hvo pai hveen gbaɠa woloɔ huyalii, nwɔ̨n nən gaa liɛliɛ, hvo pai gbəli luwun ɉii, ga pai kɛi tɛ̨ą ɓoi a nelee.