Azaya 42:16 - Yálá laawoo hɛɓɛ (dc)

¹⁶ Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Yálá laawoo hɛɓɛ

¹⁶ Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Bible

¹⁶ “Ŋa pâi tɔɔ̂i ŋánûa ŋɛ́i púɔɔ-ŋai túɛ, ŋá tɛ́ɛ a dia a berei dífe tá tɛ̀ɛ ní lai. Ŋa pâi díkpinii kɛ̂i a kwaa ponoɔɔ. Ŋa pâi bere kilɛ-kilɛ-ŋai su sãâi. Ŋákono teei ká ŋí, ǹyaŋ fé pâi wɔ́lɔ m̀aa fálenîi.

Azaya 42:16 Referans Kwoze

Azaya 30:21

Woo kaa pai kɛi tooi ka wəlii, yɛ ka tənən dɔɔ, akɛ mąąnɛ̨ɛ̨ ka li ɓa-mįi-yee hu pələ, a wala kɛti kɛɓɛyee hu pələ, yɛ kɛ kaa: «Bələ ka, 'ka ɉon na.»

Lukə 3:5

Ka molonŋąa kəlee laahvɛɛ, Ka ɲee kpɛa-kpɛaɠaa kəlee taɠa. Ka bələ huhiɛɛɠaa kəlee haŋą, Ka nowa pɛlɛɛɠaa kəlee hu kpulu.

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Azaya 40:4

'Ka moloonŋaa kəlee laahvɛɛ, 'ka ɲeeɠaa kəlee taɠa; 'ka nowa pɛlɛɛɠaa kəlee hu kpulu, 'ka bələ hu heɛɠaa kəlee haŋą.

Ifisiɛŋ 5:8

Tɔlɔɔ yələ, ká kɛ a kpinį, kɛlaa, yiihu, káá kɛ a kɛɛ pono gu Nąmu hu. 'Ká ɲɛnɛ̨ɛ̨ kɛ kɛa, a kɛɛ pono lonnii di wɔɔ yɛnɛ̨ɛ̨ kɛ pələ.

Azaya 32:3

Gɛɛ kaa nuą ɲɛ̨i la hva kɛa kpulu, mɛ̨nį mɛ̨n nuą wəli a kɛ a dɔɔ a nɛlɛɛ.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Azaya 29:18

Mąą yələi tii, wəli wolo nuą kaa pai ɉɛɓɛ́ hu woo mɛ̨n ɉii, ɛlɛɛ, diɛ kulɔ kpinįi; ɲɛ̨ipunuą kaa pai kɛɛ kaai.

Mąątɛ̨nɛ̨ 94:14

Mąąhɔlɔɓo, Yai-Laa hva gili kulɔ nwɔ nu huwui hu, hva lɛ̨ą gwɛlin ma tanɔ̨n gbɛli.

Azaya 48:17

Yai-Laa woo ka, yai tii ə́ nwun mąąɓoi, Israɛlə nwɔ nu mąąhəɠɛɛi, Ɲą́ą́ Yai-Laa, ɲą́ą́ ɓə gáá a ə́ wɔ Yálái, yai a ə́ mąąkwɛli, yɛ pɛli ɉu tɔ̨nɔ̨ hɔlɔɓoi, yai gɛ bələi tii yáá ɉon na, yɛ́ hiɛ mɛ̨i.

Azaya 45:2

Ɲą́ą́ gbinįi, gáá pai kɛi hiɛi ə́ ɲɛ̨i tɔwɔ, gɛ́ gbu-kpuɠaa mąą yɛɛ, gɛ́ gwɛli kponŋąą hu yali, gɛ́ bɛlɛ́ laa kpulu kwɛliɠaa hu yali yali.

Azaya 35:5

Nąąlɔwai, ɲɛ̨ipu nuą kaa pai kɛi kɛɛ kaai, wəli wolo nuą, wəli diɛ mɛ̨nį mɛ̨n.

Osia 2:14

Díi tii, da nwɔ ɓawuluɠaai tii ə kɛli kɛ di mąą mɛ̨nį ɓa: «vɛ́lai nwɔ́ wɛliɠaa di dɛɛ bɔ́, ya ka», ŋį́ di hu kala, gɛ́ di mąą pənə a kpomó, lɔwɔ huwɔɠaa diɛ nąą kɛ a di kɔ̨nɔ̨n gwɛlii.

Osia 2:6

Vá kɛa nonnii ɲɛ̨imąąwɛli kaa, mąąhɔlɔɓo di kaa a wɛlin nonnii,

Azaya 29:24

Nuąi lan bələ mɛ̨i, di kaa pai kili hɔlɔɓoi, yiiɠaai di nwun nwala walaa, diɛ kɛa hvaa mą diɛ mɛ̨nį lɛ diɛ.

Zasua 3:4

Kɛlaa ka kɛi hiɛ, yee laa mą waa hveelɛ ɲɔ̨nwɔ̨mą ə kɛ ka lɔwai; yili ɓə a gɛ, bələi mąąnɛ̨ɛ̨ ka ɉon na, ka kɛ a gɔlɔnŋąą, mąąhɔlɔɓo, ka hvo ta pa li ɓɛ pələ.»

Izikiɛ 14:23

Di kaa pai ka lii laai; mąąhɔlɔɓo ka káá pai di tuwɔ pələ kaai, kaa gɔlɔn kaa mɛ̨nįɠaai kpɔ ŋį́ naa daai ɲɛ̨́i ɓa nwun gaa mą. Mɛ̨nį kəlee ŋą Hééɓomun Yálá woo li.»

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Azaya 41:3

A hee mɛlaa hu, yili pulu, ə nwɔ li ɓo nɛkpɛlɛɛ, hva kpɛli gɔwɔ hvilɛn lɔi ɓa.

Ikilisiati 7:13

Ka gu Yálá kɛ mɛ̨nįɠaa mąąkpɛɛ tai! Hɛn Yálá ə mąą pɛlɛ, nu ta hva pɛli ɉaŋąi.

Ikilisiati 1:15

Mąąhɔlɔɓo, hɛn gbinįn ŋąą, nu hva pɛli ɉaŋai, hɛn hvo yɛnɛ̨ɛ̨, nu nwɔ kiliŋąhiɛ hva hvilɛn mą.

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Azaya 26:7

tələnmomun nwɔ pələi haŋąą dədən, ɛlɛɛ, Yá tələnmomun gbaalə hu lala.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Azaya 41:17

Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Azaya 52:12

Ka hvo pai kulɔi laa a gilɛ, hvo nwɔ̨nɔ̨ pai kɛi yɛ ka ki pu, mąąhɔlɔɓo, Yai-Laa kaa pai kɛi ka tɔwɔ, ɛlɛɛ, Israɛlə nwɔ Yálái ɓə pai kɛi a tɔɔ bulu.

Azaya 58:10

Ya ə́ kɔ̨nɔ̨n gulɔ ə́ la, yɛ́ dɛɛ pulu həɠəmun bɔ, nui daa mąą wɛli, yɛ́ bilɛ a kɔ̨nɔ̨n, yɛ́ kɛɛ pɔ̨nɔ̨i kaa pai ɓɛlai kpinį, ɛlɛɛ, ə́ wɔ kpinį ə ɓo yɛ, hvóló tɔɔ nwun mą.

Azaya 62:12

Di kaa pai kɛi di laa ɓa: «Nu huwu mąąhəɠɛɛ», «Nuąi Yai-Laa aa di nwun mąąɓo», diɛ nwɔ̨nɔ̨ kɛ ə́ laa ɓa: «Nííɓa hɛn», «Daai di hva kɛa di kili kulɔ ɉu.»

Amɔsə 5:8

Ya ɓə a pɛmɛ̨lɛ̨n-gɔw kpulu heei kulɔ yələ kwəi. Bɛmɛ̨lęn-gɔwɠaa yii ŋɛ̨i da kɛ mą Pleiadɛsə, diɛ ɓɛ da hvóló laa tee lɔwai lɛ. Yiiɠaa ŋɛ̨i da kɛ mą: Oriɔn, diɛ hąmą lɔi lɔwai lɛ. A pɛli kpinį mąą pənəi a yələwala pɔ. Yɛ yələɓoɔ hu kpinį, ə gɛ, kpinį ə pɛlɛ. A pɛli mą ə gboloyá hvɛɛ, ə naa lɔi mɛ̨i nąą kəlee. Yálái a mɛ̨nįɠaa tii kɛ, naa ɓaa: Yai-Laa.