Azaya 42:15 - Yálá laawoo hɛɓɛ (dc)

¹⁵ Gáá kɛa pai yeeɠaa da yee kpukpuɠaa di hu taɠai, gɛ́ di mɛ̨i kalaɠaa kəlee laa kpala di ɲą, gɛ́ tɛɛyá kpɛa-kpɛa hu tee a gbįnįn-gbįnįn, gɛ́ powaɠaa hu kpala.

Yálá laawoo hɛɓɛ

¹⁵ Gáá kɛa pai yeeɠaa da yee kpukpuɠaa di hu taɠai, gɛ́ di mɛ̨i kalaɠaa kəlee laa kpala di ɲą, gɛ́ tɛɛyá kpɛa-kpɛa hu tee a gbįnįn-gbįnįn, gɛ́ powaɠaa hu kpala.

Bible

¹⁵ Ŋa pâi ǹyée pɛlɛ-pɛlɛɛi da gbaya-kpayai wôloi. Ŋa pâi gɛ̂i gala-ŋai da ŋ̀úru-ŋai kélee dí kpála. Ŋa pâi nyá-ŋai kélee kpâlai, ǹaa é kɛ́ a fɛ̃ɛ-kpâlaŋ, ǹya-ɣɛ̂li pɛlɛɛi kélee dí kpála.

Azaya 42:15 Referans Kwoze

Azaya 50:2

Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Azaya 44:27

Ɲą́ą́ ɓə ŋą́ kɛ gboloyá ɓa: «'Kpala, gáá pai yá kpɛa kpɛaɠaa kpalai!»

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.

M̀ɛni-lɛɛi 16:18

Ə kɛ lɔ tii, mąną-mąnąɠaa di kɛ, wooɠaa di tɔɔ, ɛlɛɛ, yələgbąnąąɠaa ə pola, ɛlɛɛ, lɔi ə kpɛlin ɉuwu ta ɓo, ɲɔ̨nwɔ̨mąn hvo ta kɛli ə həɠə kpɔ nu kan ŋą yɛnɛ̨ɛ̨ kɔwɔ tɔɔ yələ ɓa, ə həli la yiihu ɓa.

M̀ɛni-lɛɛi 16:12

Malaka mɛ̨idanąą ə nwɛi hu ɓo Eufratə ɲálee ɲą: Ɲá ə kpala, ə kɛ a pələ dɔɔɓɛlaai həɠəi vóló kulɔi pələ di tɔwɔ.

M̀ɛni-lɛɛi 11:13

Nąąlɔwai tii hu kpɔlɔɔ, lɔi a kpɛlin gbɔ kɛnɛ̨, mɛlaɓoɔ ɉu pow, ɉeei tɔ̨nɔ̨, ə ɓuwɔ, nu waa nwun mɛ̨ihveelɛ di nwun na ə pili mɛ̨nįi tii hu. Yiiɠaai da lɛɛ a di hvúlú, di ɲɔw pələ, di mąąwiɛlaa tɛɛ yələkɔlɔn ɉu Yálá pɔ.

Zakari 10:11

Di kaa pai Eziptə gboloyá teen ɉi, Yai-Laa kaa pai gboloyá kɛlɛi ɉɛ̨ąi. Nilə paləɠaa kəlee hu a kpala, Asiri nwɔ kpɔwɔ ɲąąkɛnɛ̨ ɲɛ̨i a paa, Eziptə nwɔ tɔɔ hvili yɛ kulɔ ɲəi.

Egaa 2:6

A tɛ̨ą, Yai-Laa Mɛ̨nį Kəlee ŋą Hééɓomun kaa moi kaa, yɛ kaa: ɉu hvo kwɛa li, gáá pai yələkɔlɔn da lɔi, ə mą kɛ gboloyá di kpɛlin ɉi.

Izikiɛ 38:20

Gboloyá hu hɔ̨ŋɔ̨leeɠaa, yələi nwɛ̨nįɠaa, da lɔwɔ huwɔɠaa, hɛn lɔpee a tala lɔi ɓa; lɔi mɛ̨i nukan gəlee kaa pai kɛi kpɛlin ɉii ɲɛ̨́i tɔ́wɔ́; yeeɠaa mąą kaa pai kɛi yɛɛi, kwɛniɠaa diɛ ɓuwɔ, pɛlɛ́ nwąnąɠaa kəlee diɛ pu.

Ɉeremi 4:24

Ŋą́ ɲɛ̨i hee ɲeeɠaa diɛ; di kaa kpɛli ɉii. Ɲee kpu kpuɠaa kəlee diɛ gɛ ɉuwu-ɉuwu.

Azaya 49:11

Gáá pai pələ laai yee kəlee nwuɔ̨, diɛ bələ lɔwaaɠaa laa hvɛɛ mą́ą́ mɛ̨nį ɓa.

Mąątɛ̨nɛ̨ 18:7

Gɛ́ɛ́ mɔ̨nɔ̨i tii hu, ŋą́ Yai-Laa təli, ŋą́ nwóó tɛ nwɔ́ Yálái pɔ pələ, ə lɛɛ nwɔ pɛ́lɛ́i mu, ə nwóó mu hon, tomąi tii ŋį́ mo, nwóó ə too nwəlii.

Azaya 41:15

Ŋą́ą́ ə́ kɛ a ɉugbun ɲąą kuláa, ə́ kaa pai yeeɠaa ɓuwɔi, yɛ́ di hu taɠa taɠa; ə́ kaa pai yee kpukpuɠaa hunwɔ̨i, yɛ di kɛ a munuun,

Izikiɛ 38:19

A tɛ̨ą, ya ka tii gáá moi, lɔi a kpɛlin a gɛnɛ̨ Israɛlə lɔi hu, nwɔ́ tolo kulɔ pələ ɓa da nííholi pələ ɓa.