Azaya 41:22 - Yálá laawoo hɛɓɛ (dc)

²² Di pa, mɛ̨nįi pai kɛi di ɉukulɔ, mɛ̨nį tɔlɔɔɠaai tɛɛ, pələi di kɛ pələ ə kɛ la, ka yili kɛ pələ lɛ kuɔ. Mɛ̨nįɠaai di mo, ka nąą kili too ku ŋą, kwa nąą kili lɛɛ ku ŋą, mɛ̨nįɠaai tii ɲələ a ɉəli, ku gbaɠala kaa. A wala kɛti, mɛ̨nįɠaai tinąą pai kɛi, ka yili bələ too ku wəlii, ka gu kəlee, gu nąą mąąkpɔn gu gaa.

Yálá laawoo hɛɓɛ

²² Di pa, mɛ̨nįi pai kɛi di ɉukulɔ, mɛ̨nį tɔlɔɔɠaai tɛɛ, pələi di kɛ pələ ə kɛ la, ka yili kɛ pələ lɛ kuɔ. Mɛ̨nįɠaai di mo, ka nąą kili too ku ŋą, kwa nąą kili lɛɛ ku ŋą, mɛ̨nįɠaai tii ɲələ a ɉəli, ku gbaɠala kaa. A wala kɛti, mɛ̨nįɠaai tinąą pai kɛi, ka yili bələ too ku wəlii, ka gu kəlee, gu nąą mąąkpɔn gu gaa.

Bible

²² Ka m̀ɛni-ŋai lɛ́ kûa pâi kɛ̂i tínaa tuɛ-pere, a gɛ́ɛ da kɛ̀, kú kɛ́ a gɔ́lɔŋɔɔ. M̀ɛni-ŋai da wɔ́lɔ kɛ́i, ka maa mɛ̂ni-ŋai ŋáa lɛ́ ŋaŋ kûa da sâpoi dí díkɛ̀ lai.

Azaya 41:22 Referans Kwoze

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Azaya 48:14

'Ka kəlee ka ka ɲąąkpɔn, ka ka wəli tɔɔ, di nɛlɛ ɓə a mɛ̨nįɠaai ŋɛ̨i lɛɛ tɔwɔ, ə di hukulɔ, yɛ kɛ diɛ: Nui Yai-Laa a nwɛli la kɛ, gaa pai niiɓa mɛ̨nįɠaa ɲɛ̨i kulɔi, yɛ hvilɛn na Babilonə da bulu nuą diɛ, diɛi a Kalde nuą?

Azaya 46:10

Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Azaya 44:7

Gbɛɛ ɓə gaa yɛ ɲą́ą́? Mąą-nu ə muhəɠə, ə hvaa! Mɛ̨nį gaa yɛnɛ̨ɛ̨ mɛ̨nį hu ə nɛ, ɛlɛɛ, ə gbaɠala lɛ mą́ą́, ə həɠə kpɔ ɲələi ŋį́ nu kan bɛli la mą, mɛ̨nįɠaa daa tɛɛ, yɛ ɉukulɔ, ɛlɛɛ, yiiɠaai pai kɛi, nu ta ə ɉukulɔ kan kuɔ wɛ!

Ɉaan 16:14

Gaa pai mą́ą́wiɛ pələ lɛi kaa, mɛ̨nį yiiɠaai da həɠə ɲą́ą́ bɔ diɛ ɓə gaa pai kɛi nɛi kaa.

Ɉaan 13:19

Yiihu, gáá mɛ̨nįɠaa tii ɓoi kaa, ə gɛ, ɲələ a ɉəli, əgɛ, ka gɔlɔn kaa: ‹Ɲą́ą́ ɓə gáá a Yaai Gaa Lɔ Laa.›

Azaya 42:9

Tɔwɔ-tɔwɔ mɛ̨nįɠaa di wɛi, daa tɛɛ, ɲą́ą́ nwɛ̨́i, mɛ̨nį nįnɛ̨ɠaa ɓə gáá di lɛɛi tɔwɔ, gɛ́ di hukulɔ; gɛɛ di hvo teɠa kɛ pai həlii, diɛ ka tii gáá di mąą mɛ̨nį hukulɔi kaa.

Azaya 41:26

Gbɛɛ ɓə aa ta mąą mɛ̨nį hukulɔ, ə həɠə yɛnɛ̨ɛ̨ kɔwɔ tɔɔi lɔwai ɓa, ku pɛli mąą nu kɔ́lɔn ɉii, yɛ mɛ̨nįɠaai tii lɛɛ kpɔ kwɛaa la, yɛ ɉukulɔ, kuɔ pɛli kɛi diɛ: «Aa kɛ tɛ̨ą ɓo.» Nu ta hvo kɛ nąą lɛɛ li kwɛa la hvo bələ ɓo, ɛlɛɛ, nu ta hvo kpɛli ta nuą kili pu li ɉu, kpələ, nu hvo kpɛli ka woo mɛ̨n.

Azaya 48:3

Mɛ̨nį tɔlɔɔɠaai tii daa tɛɛi, ŋį́ di lɛɛ kpɔ kwɛaa la, ŋį́ mo, bələ ə kulɔ ná, ŋį́ ɉukulɔ, ŋį́ gɛ́ tii kɛ ɉu, di pa lɔ nu kəlee tɛɠii.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.