Azaya 40:22 - Yálá laawoo hɛɓɛ (dc)

²² Ɉɛn ŋɛ̨i pɛlɛ ni lɔi nwun mɛ̨i, yili mɛ̨i pələ ɓə gaa laa heeni, a nɔi ŋɛ̨i ɉu nuą kaa yɛ peeləɠaa. Ə yələkɔlɔn ɉɛlɛn yɛ həɠə ɓɛla, ə ɉu lɛan, nuą diɛ pɛlii di taa tɔɔi mu.

Yálá laawoo hɛɓɛ

²² Ɉɛn ŋɛ̨i pɛlɛ ni lɔi nwun mɛ̨i, yili mɛ̨i pələ ɓə gaa laa heeni, a nɔi ŋɛ̨i ɉu nuą kaa yɛ peeləɠaa. Ə yələkɔlɔn ɉɛlɛn yɛ həɠə ɓɛla, ə ɉu lɛan, nuą diɛ pɛlii di taa tɔɔi mu.

Bible

²² Ǹyaa ƃa ǹúui gáa seê-ni ŋɔkâloŋ sèe sɛŋ ŋá ǹɔii mɛi pere gɛ̀ ƃò ŋ̀ele-kɔlɔŋ mɛi perei, diai díkaa ǹaa m̀u perei, díkaa nɔ́ yɛ̂ɛ pumu pɛlɛɛ-pɛlɛɛ ŋa. A ŋ̀ele-kɔ̂lɔŋ fùlomo nɔ́ yɛ̂ɛ wôna-la seɣe, yɛ̂ɛ berei tí da sua-kɔ̂lɔ seɣe nyii da pɛ́rɛ tɔ̀ɔ lai, fûloŋ la núu kɛ́ nyìi m̀ui.

Azaya 40:22 Referans Kwoze

Mąątɛ̨nɛ̨ 104:2

Ə́ kwaną həɠə kaa a kɛɛpono, yá yələkɔlɔn ɉu lɛan, yɛ həɠə múmu.

Azaya 42:5

Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Hanwon 8:27

ɓɛlɔwai ə kɛi yələkɔlɔn ɉɛlɛn na, ŋį́ kɛ laa. Gɛɛ hvo lɔi ɲɛn dɔɔ, gboloyá mɛ̨i, ŋį́ gbɛa kɛ laa.

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Ɉeremi 10:12

Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Azaya 40:17

Lɔi kəlee kaa ɲɛ̨i mu a kpɛli-kpɛli, gaa lɔ yɛ da wala kɛ yɛnɛ̨ɛ̨.

Mąątɛ̨nɛ̨ 68:33

Yɛnɛ̨ɛ̨ tɔɔlaaɠaa, 'ka wələ too Yálá ɓa, 'ka hvɛ́li kɛ Nąmu ɓa.

Zôo 22:14

Tulɔ kpinįn gaa mɔ̨ɔ̨ a həɠə ɓɛla, yii Yálá hva pɛli bulu pələ kaai a kɛi hiɛ yələ kwəi?»

Zôo 9:8

Yaa tɔ́nɔ̨ ɓə yələkɔlɔn bɛli, yɛ hiɛ gboloyá mɛ̨i.

Azaya 51:13

Yɛ́ lia ə́ pɛli mun Yai-Laa ɓa, yai yələkɔlɔn bɛli, yɛ lɔi laa, ə́ mąą yɛ kpɛlin nɔ a yələ kəlee ə́ mɔ̨nɔ̨ ɓomun dɔwɔ, yɛ a kɛi pa lamui gɛɛ kalaa tii hu? A kɛ tii, ə́ mɔ̨nɔ̨ ɓomun nwɔ liiholii tii kaa mį?

Azaya 44:24

Mɛ̨nįi Yai-Laai ə́ nwun mąąɓo, gaa moi ya ka: a yai tii ə́ mąąkwɛli, ə́ ɓo nii ə́ lee kwəi, yɛ kɛ yɛ́: Ɲą́ą́ ɓə gáá a Yai-Laa, yai hɛn gəlee pɛli; ɲą́ą́ danɔ̨n gbən mə yələ kɔ́lɔn ɉuhvólóon, ŋį́ lɔi laa, gbɛɛ kpɔ ɓə kpɔmąą tɛɛ bɔ́?

Azaya 40:15

Lɔiɠaa kaa lɔ yɛ yai a ɓɔ kɔ́wɔ wolo ɓa, yɛ hvilɛn tən tən; di kaa yɛ munuun gbala, a gboloyá hɛ̨ąi lɔiɠaa kpəŋə ɲee ŋą, yɛ bili yələi, yɛ munuun.

Mąątɛ̨nɛ̨ 2:4

Nui hɛn gəlee nwun mɛ̨i yələ kɔ́lɔn ɉu, gaa yɛ́lɛ́i diɛ, Yai-Laa kaa yɛlɛ kulɔi di hu.

Lonon mo 13:33

Ku nu yee muhəɠɛɛ kowolo kowoloɠaa kaa hɔlɔ laa, diɛ ɓo a Anakə lonnii. Diɛi kulɔ nu kwɛa hveelɛi tii hu. Ku kɛi ku kpɔɔ kaa di mu yɛ poninŋąą, ɛlɛɛ bələ kpɔlɔ ɓə di kɛi ku kaa la.»

Zakari 12:1

Mɛ̨nįi Yai-Laa ə mo Israɛlə ɓa, 'mo a lolo. Yai-Laa woo ka; yai yələ kɔ́lɔn bɛli, ə lɔi laa, ə kili tɛɛ nu pɔ; yɛ:

Mąątɛ̨nɛ̨ 29:10

Yai-Laa a heeɓolaa kɛ yánwąną mɛ̨i, Yai-Laa kaa a heeɓomun a yələ kəlee mɛ̨nį.

Zôo 36:29

Gbɛɛ ɓə a pɛli tulɔ kpinį mąą mɛ̨nį kpaɠala kaai, yɛ yələgbąnąą yɛlɛ pələ kpaɠala kaa?

Azaya 19:1

'Ka mɛ̨nį kponąą ŋɛ̨i laa həli Eziptə ɓa, 'kaa mą: Yai-Laa ka tii həəni tulɔ kpinįn gɔwɔ mąąhulaa mɛ̨i; yɛ pa Eziptə. Eziptə haliɠaa mąą kaa kpɛlin ɉii Yai-Laa tɔwɔ, Eziptə nwɔ liikpələ yɛ həɠeen gwəi.

Zôo 37:18

Yá pɛli ə́ yee haŋąi yɛ́ tulɔ kpinįn ɉiɛ voló ɲɛ̨i nąąlɔwai, yɛ da kɛi kwɛli ɓɛla hiɛ ɲɛ̨i?

Zɛnɛse 1:6

Yálá yɛ nwɔ̨nɔ̨ diɛ: «Gɛ́ hɛn da ə kɛ yələ kwəi, ə yələi pələ yáɠaa da lɔi ɓa yáɠaa di ɓɛlaɓo!»

Mąątɛ̨nɛ̨ 18:11

Ə kɛ heeni mąąkpɛ malaka ta mɛ̨i, yɛ koon yɛ li vaŋą lii pələ kəlee.

Mąątɛ̨nɛ̨ 19:4

Hvo pɛ̨ɛ̨ li, di woo hva tɔɔ, nu hva di woo mɛ̨n.

Azaya 37:16

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ́i heenin mąąkpɛ malakaɠaa lɔwai, yɛ́ tanɔ̨n gbən ɓə ɓaa a yɛnɛ̨ɛ̨ tɔɔlaaɠaa kəlee di wɔ Yálá, yɛ́ ɓə yələ kɔ́lɔn da lɔi di pəli.

Zôo 26:7

Ya ɓə yələkɔlɔn ɉɛlɛn, ə lɔi kpalan naa ɓɛi hɛn da hvo kɛ laa.

Azaya 42:4

Nwɛi, vįi hvo pai kpɛɛi, di hva ɲee pɛlɛ lɔi ɓa, hvo kɛ li a kiti mɛ̨nį hee gban ɲą lɔi mɛ̨i, ɛlɛɛ, gboloyá hɛ̨ąi lɔiɠaa ɲɛ̨i kaa nwɔ tɔ́n nwooɠaa tɔwɔ.