Azaya 40:2 - Yálá laawoo hɛɓɛ (dc)

² 'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Yálá laawoo hɛɓɛ

² 'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Bible

² Ka Zerusâlɛŋ-ƃelai kíli kúla. Ka m̀ó dîa a gɛ́ɛ da mɔ̃́lɛ a zu kôyaa. Ŋa dísu-mɛni lɛɛ dísɔnyɔ̂ŋ-ŋai mɛ̂ni ma. Ŋá díkula maa kɛ̂ é seri góyaŋ ma zɔnyɔ̂ŋ-ŋai dí gɛ̀i mɛ̂ni ma.”

Azaya 40:2 Referans Kwoze

Zakari 9:12

'Ka pənə ka lɔ daa kɛnɛ̨ɛ̨ hu, kaai a gɔluwɔɠaa, ka ɲɛ̨i ə ɓo bələi. Háákələi kpɔɔ kpɔɔ, gáá moi yɛ́: Gáá pai ə́ wɔ mɔ̨nɔ̨ɠaai mąą hvɛla tɛɛi ə́ pɔ, gee mɛ̨i hveelɛ.

Azaya 61:7

Gɛɛ ka ɲɛ̨i paa mɛ̨nį ta ə pɛlɛi mą, ka lalan nwoo yɛ too nu kəlee la kɛɛnąą kəlee ɓa, yaamun, ka káá pai hɔlɔɓoi di wɔ lɔi hu geemɛ̨i hveelɛ, ɛlɛɛ gwəinɛ̨ɛ̨ tii wɔlɔ ka kɛi gulɔ, kaa pənə kaa gulɔ.

Osia 2:14

Díi tii, da nwɔ ɓawuluɠaai tii ə kɛli kɛ di mąą mɛ̨nį ɓa: «vɛ́lai nwɔ́ wɛliɠaa di dɛɛ bɔ́, ya ka», ŋį́ di hu kala, gɛ́ di mąą pənə a kpomó, lɔwɔ huwɔɠaa diɛ nąą kɛ a di kɔ̨nɔ̨n gwɛlii.

M̀ɛni-lɛɛi 18:6

'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Ɉeremi 29:11

Ɲą́ą́ Yai-Laa, mɛ̨nįi ŋą́ mąą kili tee gwə́i, yɛ hvilɛn na káá, gbaɠala kaa mą́ą́. Gaa a ka wɔ nwun na nɛ̨ɛ̨ mɛ̨nį, hvo a mɛ̨nį ɲąąnwąnąą, liilaa yɛnɛ̨ɛ̨ ɓə, ŋį́ ɉee ka tɔwɔ, ŋį́ ka tinąą tɔwɔ hee a nwun na nɛ̨ɛ̨.

Azaya 35:4

Nuąi ɲɔw kaa di hu pui diɛ, ka kɛ diɛ: 'Ka ka liikpələ, ka hvo ɲɔw. Ka wɔ Yálái ka: Nwą́nąkulɔ ka tii! Pɔɔkulɔ li! Yaa kpinįi ɓə pai ka ɓaloi.

Gɛlaɠaa 1:7

Jesus ə di woo ŋąą pənə yɛ diɛ: «Yii hvilɛn na ɲələi ti kɔ́lɔn mɛ̨nį ɓa, ka wɔɔ naa hvəli, Ną́n yaa kpinįi ɓə ɲələ kɔlɔn, ə ɉee a nwɔ Hééɓolaa.

Danîa 11:35

Nwun gɛ ɉu nuąi tii, damaa da haa, di wɔ haai a nuą mąąhəɠə, ə di mąą waa, di kwələ, ə lɛɛ la ɉu, ŋaakpɛɛi lɔwai. Kɛlaa, yili hvo pai kɛi a ŋaakpɛɛi lɔwai.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Galatə 4:4

Kɛlaa, ɲələi Yálá ə vaaɓo, yii kɛa ə ɉəli, Ə Non dɛɛ yɛnɛ̨ɛ̨, nɛ̨ɛ̨nu ta ə gaa a lon, ɛlɛɛ, non ti ə ɓo dɔ́n ɲee mu.

Azaya 49:25

Yai-Laa yɛ diɛ, gaa pai kɛi tii: di kaa pai kɔ́ kuláa nwɔ kɔ-hon kulɔi ɲəi, di kɛɛ kalamun ə ɉon, da nwun mąąɓo! Nui a hvaa pɛlɛ yɛ́, ɲą́ą́ ɓə pai vaa kɛi, ə́ lonnii di wɛi, ɲą́ą́ ɓə pai di ɓaloi.

Azaya 33:24

Nɔi lon da hva kɛa kɛ diɛ: «Ɲɔn gaa mą́ą́.» Nuąi di kaa heeni Ɉerusalɛmə, di kɛ nɛ̨ŋɛ̨n gaa pai waai diɛ.

Mąątɛ̨nɛ̨ 32:1

Davidə nwɔ nu mąąkwɛli woo. Nui daa ɉɔn mąąhvaalɛɛ, nwun na nɛ̨ɛ̨i ɓə, ɛlɛɛ, diɛ nwɔ nɛ̨ŋɛ̨n lɛɛ mą a kpɛli.

Zakari 1:15

Nwɛ́i, níí hvo kɛ holi li kpɔ tii kɛnɛ̨ nwɔ́ nuąi pɔ, kɛlaa, nɔiɠaai tii di kpɔwɔ ɲąą kɛnɛ̨i, diɛ ɓə nííholiɛ di pɔ kpɔ kɛnɛ̨. Mąąhɔlɔɓo diɛi tii ɓə pa, diɛ Israɛlə nwɔ mɔ̨nɔ̨i ta pɛlɛ mą.

Danîa 12:9

Ə mo mą́ą́, yɛ mą: «Daniɛlə, yili hvo ə́ liihɛlɛn, nwɛlɛɛ tii mąąnɛ̨ɛ̨ kpɔ ə lɛɛ a noɔ ə lɛɛ la ɉu, ŋaakpɛɛi lɔwai.

Danîa 12:4

Daniɛlə, nwɛlɛɛ ŋɛ̨i lɛɛ yɛ́ tɔ̨nɔ̨ ə́ kwəi; hvo ɉɛɓɛ́ ŋɛ̨i hu mɛ̨nį kulɔ pɔ̨nɔ̨ŋa, gɛɛ ŋaakpɛɛi lɔwai hvo kɛ ɉəlii. Nąąlɔwai a ɉəli nu tamąą da gɔlɔn, di wɔ mɛ̨nį kɔ́lɔn ŋąą ta a pɛlɛ ma kɛnɛ̨.

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Danîa 9:2

nwɔ tɔɔlaa gwɛlan dɔlɔɔ hu, gwɛlan bow mɛ̨ihveelɛi ŋɛ̨i di vaa ɓo a Ɉerusalɛmə taa wolo kwɛlan, yii mąą mɛ̨nį pɛ̨ɛ̨ Yálá lawoo hɛɓɛ́ hu, yɛ pələi Yai-Laa yaa kpinį ə mo la gwəi mɛ̨nį hukulɔ mun Ɉeremi ɓa, ɲą́ą́ Daniɛlə ɲá hee, gɛ́ mukulaa kwɛli.

Ɉeremi 17:18

Nuąi di hvilɛn ŋąą bulú, di ɲɛ̨i ə paa a nwumɛ̨, hvo kɛ tii a ɲą́ą́, hee di hu, kɛlaa hvo kɛ tii a ɲą́ą́, kpalo ɓɛla diɛ, di hu yali gee hu pow lee pow.

Kɔlɔnikɔ Veerɛi 30:22

Ezekiasə wooɠaa ə lévi lonnii lii hon, ə kiliŋąhiɛ lɛlɛɛ too diɛ yɛ hvilɛn na Yai-Laa ɓa. Ɛlɛɛ ɉɛli guu ta pɛlɛ mą a hvóló mɛ̨ihveelɛ, diɛ liilaa haláá kulɔ, diɛ di nąnni di wɔɔ Yálái Yai-Laa hɛɠɛɛɓo.

Zɛnɛse 34:3

Kɛlaa, Ɉakɔbə lon Dina wɛli ə too kpɔ mą kɛnɛ̨, ə kɛ bɔ ə ɉəɠə kɛa a nɛ̨ą.

Azaya 6:7

ə ɉee nááləi ɓa, yɛ mą́ą́: «Ɓɛlɔwai ə tunwɔ̨n na ə́ laawulun mą, ə́ kɛ hɔn aa kulɔ yɛ́, ə́ wɔ nɛ̨ŋɛ̨n aa waa yɛ́.»

Azaya 14:3

Ɲələi Yai-Laa kaa pai hvitɔɔ yɛnɛ̨ɛ̨ tɛɛi la ə pɔ, ə́ wɔ mɔ̨nɔ̨ɠaai da ə́ wɔ hviikpɛɛɠaai pulu, da nuwɔ laa ɲąąnwąnąąi ə kɛ ɉu, gəlee pulu,

Azaya 53:5

Ya pa di mɔ a gu wɔ kulɔ nwoo mu laa laa pɔɔ, di giin gu wɔ kwɛlitee laa mąą mɛ̨nį ɓa, gɛlɛɓoi mąąnɛ̨ɛ̨ kɛ ə liilaa tɛɛ gu pɔ, ya ɓə ə həli mą, ɛlɛɛ vaɠa palaɠaai tii ɓə kɛ a gu kɔ́lɔi pɔ̨nɔ̨ hɛn.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Azaya 54:15

Di kaa ɲaba lɔi, diɛ lɔ gilii kɛ ə́ laa ɓa, ɲą́ą́ hvəi di tɔɔ la. Nui a lɔ ə́ kilii, a too ə́ ɲɛ̨i ɓa.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Azaya 66:13

Ɲą́ą́ ɓə pai ka liilaai kaa, lɔ yɛ bələi, hilɔnu nee a nii laa la mą. A tɛ̨ą ka lii kaa pai laai ka kwəi, Ɉerusalɛmə daa kwəi.

Ɉeremi 51:10

Yai-Laa aa gu nwun mąąɓo mɛ̨nį kulɔ pɔ̨nɔ̨ ɲą. 'Ka pa gu Yai-Laa gu wɔ Yálái kɛ mɛ̨nį hukulɔ Siɔn.

Woolaa 4:22

Siɔn nɛ̨ɛ̨kpɛla, ə́ wɔ hɔn ɲɔ̨n, aa kpɛɛ, di hvo kɛa pai ə́ həɠəi ə́ heei. Edɔmə hee ɓo nuą, ka wɔ hɔn mə Yai-Laa kaa pai ɉutɔɔi, ə́ kɛ nɛ̨ŋɛ̨n mə gaa pai kulɔi pono ɲą.

Izikiɛ 16:42

Gáá pai nwąną kulɔi yɛ́ kpɔ tɛ̨ɛ̨ tɛ̨ɛ̨; yili pulu, vá kɛa tolo kulɔ a yɛ́, ŋą́ níílaa, vá kɛa nííholi.

Zakari 1:13

Malakai tii kɛi mɛ̨nį ɓo, Yai-Laa ə nwoo pulu pənə a vąŋą lɔ pələ, a nii laa pələ.

Lɛɛ gbɔwɔ ɓa 22:3

«‹Daataatɛlɛɛi tii di nwuɔ̨, yɛ ə kɛ a nįŋɛ̨, yɛ ə kɛ a hoohvaalən yɛ ə kɛ a ɓɛlaa, da gaa nwuɔ̨mun ɲəi a vulú, mąąnɛ̨ɛ̨ ə yili ɲɔ̨nwɔ̨nmąn veelɛ tɛɛ a bɔɔi.

Mąątɛ̨nɛ̨ 85:3

Yáá ə́ wɔ nu huwui nwɔ nɛ̨ŋɛ̨n kulɔ mą, yáá nwɔ túwɔ pələ ɲɔ̨n gəlee mɛ̨i kpulu.

Ikilisiati 3:4

Nu wɔlɔ yələ kaa mą, nu yɛlɛ yələ yɛ ɓo mą. Woolaa kɛi yələ kaa mą, mąnąkaa yələ yɛ ɓo mą.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Azaya 51:17

'Ə́ muhəɠə, 'ə́ muhəɠə, 'haŋą ə́ tɔɔ Ɉerusalɛmə, yɛ́i ŋɛ̨i Yai-Laa yee ə nwɔ liiholi ya tɔɔ ə́ lai, ə nwun ɉu tínɛ̨n gbama tɛɛ ə́ pɔ, ə́ ɉu lɔɔ kpələ, ə́ ɉu ɓo.

Osia 2:16

Yii gaa tii, ɲą́ą́ ɓə pai ɲɛ̨i kwɛlii, ŋį́ li a yaa lɔi pun ɉu, Gɛ́ nii ɓa wooɠaa ɓo mą.

Sofoni 3:15

Giti ŋɛ̨i too ə́ mɛ̨i, yɛ wiɛ yɛ́, Yai-Laa aa ɉəɠə ə́ mɛ̨i. Aa ə́ yowo ɲɛ̨i haŋą pələ takpɛli. Israɛlə nwɔ tɔɔmun Yai-Laa yaa kpinįi, gaa ə́ pɔ; hvó kɛa pai kɛi ɲɔwi mɛ̨nį ɲɔ̨n da həli mɛ̨nį ɓa yɛ́.