Azaya 40:11 - Yálá laawoo hɛɓɛ (dc)

¹¹ Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Yálá laawoo hɛɓɛ

¹¹ Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Bible

¹¹ A pâi ŋɔƃála-ŋai ŋá kɔnîi yɛ̂ɛ ƃála mɛi káa-nuu. A pâi ŋɔƃála lônii ŋá tɛ́i gîe m̀a ǹyée-tɔ̃ɔi, é lí a dîa. A pâi tɔ̂ɔi dílee-ni túɛ é lí a dia a gɔlɔ-saá m̀a.

Azaya 40:11 Referans Kwoze

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»

Mise 5:4

Yaa kpinįi tii, gaa pai kɛi a liilaa, Ɲələi lɔpee Asiri a həɠə yɛ kɛ gaa pilii la ku wɔ lɔi hu, yɛ gɔwɔ hvilɛn ku wɔ tɔɔ pɛlɛ́ɠaai mu, kwa taatɛlɛɛ pulu nuą mɛ̨ihveelɛ ɲąątɔɔi mą, da ɲąąwooɓo kɛ nuą mɛ̨ihaaɓa.

Izikiɛ 34:23

Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Izikiɛ 34:31

«Ka kaa a nwɔ́ taatɛlɛɛɠaai a nwɔ́ kalai taatɛlɛɛɠaa, kaai a nu kanŋaa; ɲą́ą́n, ŋą́ ɓo a ka wɔ Yálá. Mɛ̨nį kəlee ŋą Hééɓomun Yálá woo li.»

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Zakari 11:7

Yili ɓə gɛi, daatɛlɛɛɠaai tii yɔw ɓɛlaa di kɛi pa di paai, ŋą́ li a diɛ kala tiliin nɛlɛɛ kɛɛnąą. Tunwɔ̨n veelɛ ɓə kɛ ɲə́i, ŋą́ dɔlɔɔ laa hee a: Mɛ̨inɛ̨ɛ̨, gɛ́ veelɛnąą ɓa: woolaamąą. Ɛlɛɛ, gɛ́ ɲɛ̨́i kɛ daatɛlɛɛɠaa diɛ.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Zɛnɛse 33:13

Ɉakɔbə yɛ Esau ɓa: «Nwɔ́ mɛ̨nį nąmu, ə́ kili kaa ɉu yɛ́ lɛapɛlɛɛ hiɛ kɛ laa walaai, ɛlɛɛ, ɓɛlaa kɔ̨nwɔ̨leeɠaa da nįŋɛ̨ kɔ̨nwɔ̨leeɠaa kaa ɲə́i, nuą ka kpɔlu di la a mɔlɔ, ə mą kɛ a hvóló tɔ̨nɔ̨ hiɛ, daatɛlɛɛ pɛlɛɛɠaa da haa.

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

Zɛnɛse 49:24

Kɛlaa, a nwɔ kilɛn hon gbɔ pin pin; a Ɉakɔbə nwɔ hu walawalai hɛn da hva tɔɔ na, Israɛlə mɛ̨i kaa kwɛni laa hu.

Azaya 63:11

Nwɔ nuą di di kiliŋąhiɛ kɛa, Moisə nwɔɔ hvolóɠaai diɛ, «Nui nwɔ taatɛlɛɛ pulunuą, kulɔ gboloyá yəi gaa mįnɛ̨? Nu kpɔ ə wɔɔ? A yai nwɔ Nįį-Mąąhəɠɛɛi tɛɛ bɔi?

Azaya 42:3

Hvo pai hveen gbaɠa woloɔ huyalii, nwɔ̨n nən gaa liɛliɛ, hvo pai gbəli luwun ɉii, ga pai kɛi tɛ̨ą ɓoi a nelee.

Mąątɛ̨nɛ̨ 27:10

Nán da néé di di kili kulɔ ɉú, Yai-Laa ɓə ɲee hee mú.

Mąątɛ̨nɛ̨ 28:9

'Ə́ wɔ nuąi nwun mąąɓo, lúwɔ́ too ə́ kwɛlin ma, 'kɛ a di mɛ̨i kaamun, ə́ ə́ yee kɛ diɛ a yələ kəlee.

Mąątɛ̨nɛ̨ 37:3

'Ə́ kilitɔɔ Yai-Laa ɓa, 'túwɔ́ a nɛlɛɛ yɛ́ pɛli heei nɔi hu, yɛ́ kɔ̨nɔ̨n ɉɔlɔɓo laa liilaa hu.

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Ɉeremi 31:8

Gáá pai di kulɔi ɲánwuɔ̨ pələ lɔiɠaa hu, gɛ́ pənə gɛ́ pa a diɛ; gɛ́ di kulɔ lɔi kpon ɉeei, gɛ́ di ɲąąkpɔn. Ɲɛ̨ipu nuąi di lɔwai, gɔwɔ nwąną nuą, goonɛ̨ąɠaa, da gɔ̨nwɔ̨leeɠaa kəlee da pa. Nu kpulu kɛnɛ̨ ka tii pai ɓɛ.

Ɉeremi 31:10

Lɔiɠaa! 'Ká ka wəli tɔɔ Yai-Laa woo ɓa! 'Ká ɉukulɔ gboloyá pulu lɔiɠaa diɛ, káá diɛ: «Nui Israɛlə lonnii hu taɠa lɔiɠaa lɔwai, gaa pənəi yɛ di ɲąąkpɔn, yɛ di laa honmo, yɛ bələi taatɛlɛɛ mɛ̨i kaa mun a nwɔ taatɛlɛɛɠaa mɛ̨i kaa la.»

Izikiɛ 34:2

«Hulɔnu lon, Israɛlə ɲɛ̨itɔwɔ nuą hvala, náá hu; nwooi ŋɛ̨i ɓo diɛ a di hvala woo, kɛ diɛ; Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai Israɛlə ɲɛ̨itɔwɔ nuą diɛ, diɛi tii di kpɔwɔ lɔ ɓə da ɲąąkɔn. Kɛlɛi taatɛlɛɛ kpulu ɓə mąąnɛ̨ɛ̨ daatɛlɛɛ mɛ̨i kaa nuą di ɲąąkɔn gɛi-ee?

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Izikiɛ 34:15

Ɲą́ą́ gbínii, gáá pai kɛi nwɔ́ taatɛlɛɛi ɲąąkɔn ɉii, ɲą́ą́ gbínii, gáá pai bɛlɛ́i, Mɛ̨nį kəlee ŋą Hééɓomun Yálá woo li.