Azaya 4:5 - Yálá laawoo hɛɓɛ (dc)

⁵ Siɔn yee nwuɔ̨ nąą kəlee, da ɲąąkpɔnŋąą kəlee mɛ̨i, Yai-Laa kaa pai tulɔ kpinįn bɛlɛi di mɛ̨i hvóló ŋą, ə kɛ a nwɔ̨n nən di mɛ̨i kpinįi. Yai-Laa nwɔ mąąwiɛ a gbąnąn bili gəlee mɛ̨i,

Yálá laawoo hɛɓɛ

⁵ Siɔn yee nwuɔ̨ nąą kəlee, da ɲąąkpɔnŋąą kəlee mɛ̨i, Yai-Laa kaa pai tulɔ kpinįn bɛlɛi di mɛ̨i hvóló ŋą, ə kɛ a nwɔ̨n nən di mɛ̨i kpinįi. Yai-Laa nwɔ mąąwiɛ a gbąnąn bili gəlee mɛ̨i,

Bible

⁵ À kɛ̀ tí, Yâwɛɛ a pâi Zãiyɔŋ Yeei da ǹûai kélee díkaa naai dí mɛi pɛlɛ̂i a ɣele-kɔ̂lɔŋ kole a fólo ŋá. É gɛ́ ŋɔŋ leŋ da luri kɛ́ ƃò naa dí mɛi a gbínii. Ɣâla ŋɔfólo-laai a pâi kɛ̂i ḿɛi gɛ́ daa-lêei gwaa kélee maa kɔ̃ɔ.

Azaya 4:5 Referans Kwoze

Nehemi 9:12

Ə́ kɛi di tənən dɔɔ hvóló ŋą a tulɔ kpinįn, yɛ́ di tənən dɔɔ kpinį hu a nwɔ̨n nən, bələi di kɛi hiɛ ɉu, ɉu pɔ̨nɔ̨ mɛ̨nį ɓa.

Mąątɛ̨nɛ̨ 78:14

Ə kɛi di tənən dɔɔ hvóló ŋą a tulɔ kpinįn, ɛlɛɛ, kpinį a pɛlɛ kɛ, yɛ ɓo a nwɔ̨n nən.

Azaya 60:1

Ɉerusalɛmə, 'haŋąn ə tɔɔ, 'kɛ a kɛɛ pɔ̨nɔ̨, mąąhɔlɔɓo, ə́ wɔ kɛɛ pɔ̨nɔ̨i kaa pai, Yai-Laa nwɔ mąąwiɛ aa muhəɠə, yɛ pa ə́ mɛ̨i.

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Azaya 33:20

Ə́ ɲɛ̨i hee Siɔn taa ɓa, yai gaa a guɔ hɛliɠaai pu taa, ə́ kaa pai Ɉerusalɛmə kaai, yai gaa a liilaa kɛɛnąą, həɠə pɛ́lɛ́ yii di hva kɛa gulɔ, yai di hva kɛa gɔwɔ hvilɛn nwuluɠaa kulɔ, yai di hva kɛa ɲɛliɠaa kulɔ.

Mąątɛ̨nɛ̨ 85:9

Mɛ̨nįi Yai-Laa nwɔ́ Yálá kaa moi, nwə́li tɔɔi mą, yɛ «liilaa ə pa» nwɔ lɔi mɛ̨i, da nwɔ tələnmo nuąi mɛ̨i, Kɛlaa, di hvo kɛa pənə di hvo di yee lɔ di wɔ ɓowo mɛ̨nįi ta hu.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Mąątɛ̨nɛ̨ 89:7

Gbɛɛ ɓə yələkɔlɔn ɉu da Yai-Laa di pɛliɛ-o? Yáláɠaa lɔwai, nɛlɛ ɓə gaa yɛ Yai-Laa?

Lɛɛ gbɔwɔ ɓa 14:24

Yələɓoi lɔwai, Yai-Laa kɛ dulɔ kpinįn ɉu da nwɔ̨n nən, ə tinɛ̨n ə ɲɛ̨i ɲɔ̨nwɔ̨ɔ̨ hee Eziptə nuą diɛ, ə di hu pu diɛ.

Azaya 37:35

Gáá pai daa ŋɛ̨́i mąąkɔ̨nwɔ̨i, ŋį́ nwun mąąɓo, ɲą́ą́ mą́ą́ mɛ̨nį ɓa, kwa nwɔ tímun Davidə.»

Azaya 32:18

Nwɔ́ nu huwui kaa pai heei liilaa lɔi hu, di wəli pulu laɠiɛ di wɔ pɛlɛ́ɠaai mu, hvįįtɔɔ ɲąąlaɠiɛ hu.

Mąątɛ̨nɛ̨ 111:1

'Kánikookwəi! Gáá Yai-Laa laa tɛi a níi kəlee, Tələnmolonnii lɔwai, ɲąąkpɔn gɛnɛ̨ɛ̨ hu.

Lɛɛ gbɔwɔ ɓa 26:7

«Yili pulu, ə́ həɠə ɓɛlaɠaa pɛli a ɓolu ləɠa, yɛ́ pɛli bɛlɛi ɉəɠə pɛlɛ́ mɛ̨i, ə kɛ yɛ kələ lon, ya ɉəɠə ɓɛlaɠaai tii kɛ pow kɔ́w tɔ̨nɔ̨.

Lɛɛ gbɔwɔ ɓa 26:1

«Gee kaa kələ kɛ pələ ka: Akɛ a həɠə ɓɛla, bɛ̨ɛ̨ ɲɛ̨i ə ɓo pow, gəlee, a yeekali walawalaa, dɛɠiɛ mu kpɔluɔ, gbɔluɔ gbələ tətə da viliiɓoɔ. Mąąnɛ̨ɛ̨ ə́ mąąkpɛ malakaɠaa pɛli, diɛ mɛ̨i kaa, di pɛliɛ a yɛlɛ.

Maafîu 18:20

Mąąhɔlɔɓo, ɓɛi nu hveelɛ Ɉaaɓa ɉaakpɔn ɉaai laa ɲá náá hu, gáá laa di pɔ.»

Lɛɛ gbɔwɔ ɓa 24:16

Yai-Laa nwɔ Mąąɲinɛ̨n ə kɛ Sinai yee mɛ̨i, dulɔ kpinįn ə pɛlɛ ɲee mɛ̨i hvóló mɛ̨ida yeemu, voló mɛ̨ihveelɛ yələ, ə lɛɛ dulɔ kpinįn ɉu, ə Moisə təli.

Mąątɛ̨nɛ̨ 105:39

Ə tulɔ kpinįn bɛlɛ nuą mɛ̨i, yɛ di mąą kpɛ, ə nwɔ̨n dɔɔ, yɛ di mɛ̨i pono kpinįi.

Azaya 60:2

Ɓɛ kaa li, kpinį aa pɛlɛ lɔi mɛ̨i, nąnąąn aa taaɠaa mɛ̨i kpinį. Kɛlaa, ə́ wɛi, Yai-Laa kaa pai pai ə́ pɔ, diɛ nwɔ mąąwiɛ kaa ə́ mɛ̨i.