Azaya 38:18 - Yálá laawoo hɛɓɛ (dc)

¹⁸ Mąąhɔlɔɓo, ɲɔ̨muątaa hva pɛli ə́ laa tɛi, ə mą kɛ haa, hva pɛli ə́ laa tooi a wələ. Nuąi kɛa daa yɛɛ kámą hu, di kili hvo kɛa tɔɔ li ə́ wɔ tələnmolaa ɓa.

Yálá laawoo hɛɓɛ

¹⁸ Mąąhɔlɔɓo, ɲɔ̨muątaa hva pɛli ə́ laa tɛi, ə mą kɛ haa, hva pɛli ə́ laa tooi a wələ. Nuąi kɛa daa yɛɛ kámą hu, di kili hvo kɛa tɔɔ li ə́ wɔ tələnmolaa ɓa.

Bible

¹⁸ Saa-nûu da fa pɔ̂ri ílaa maa tɛ̂i saa-táa. Kili kɛ-zu fé saa-nûu da yêei íteniŋ ƃô-laai mɛ̂ni ma.

Azaya 38:18 Referans Kwoze

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Mąątɛ̨nɛ̨ 6:5

Yai-Laa, 'pənə ə́ pa, ə́ nį́į́ kulɔ mɛ̨nįi, 'málo, mąąhɔlɔɓo, yá kulɔ ə́ woo ɓa.

Mąątɛ̨nɛ̨ 30:9

Yai-Laa, ŋį́ ə́ toli, Gɛ́ Ną́mu mąąnɛ̨ɛ̨, gɛ́ kɛ:

Maafîu 25:46

«Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Maafîu 8:12

Kɛlaa, kaa mun ŋɛ̨i a Ɉuifəɠaa, dɔɔlaa yɛ ɓo a ka wɔɔ, da ka kpɛ, di ka pili kpinį hu, ɓɛi wɔlɔ da ɲį́n ɲą mį́į́ di kaa laa.»

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Lonon mo 16:33

Da di yəi hɛnŋąą kəlee di lɛɛ a di hvulú, di yɛɛ ɲąmuątaa, nɔi ə pənə ə naa kpulu di mɛ̨i. Bələ ɓə di kulɔ la nuą lɔwai.

Mąątɛ̨nɛ̨ 28:1

Davidə nwɔ wələ woo. Yai-Laa, gáá ə́ təli, mą́ą́ kɔ́nwɔ̨ kwɛni, hvó ə́ kili kulɔ ɉú, akɛ yá wala hvaa nwóó mu hon, gɛ́ pələ a kɛ yɛ nu a kɛi pa haai.

Mąątɛ̨nɛ̨ 6:6

Hvo gaai, haamun va kɛa pɛli giliŋąhiɛi yɛ vilɛn yɛ́, gbɛɛ ɓə pai ə́ laa mąąwiɛi ɲąmuątaa?