Azaya 38:16 - Yálá laawoo hɛɓɛ (dc)

¹⁶ «Yai-Laa kaa nwɔ nuą pulu, di kaa pai ɓaloi, ɛlɛɛ ɉaalai ɓə gáá la a vúlú, gɛ́ nɔ̨ɔ̨.» Ə́ kaa pai búi nwúnú kɔ́lɔi, gɛ́ pənə gɛ́ yɛnɛ̨ɛ̨ kɛ.

Yálá laawoo hɛɓɛ

¹⁶ «Yai-Laa kaa nwɔ nuą pulu, di kaa pai ɓaloi, ɛlɛɛ ɉaalai ɓə gáá la a vúlú, gɛ́ nɔ̨ɔ̨.» Ə́ kaa pai búi nwúnú kɔ́lɔi, gɛ́ pənə gɛ́ yɛnɛ̨ɛ̨ kɛ.

Bible

¹⁶ Ǹuu-namui, ŋa pâi kɛ̂i ɣele ma yá tɔnɔ í mɛni ma. Ḿalo mî, í ǹɛɛ naa ŋá lɛ́ɛ ɣele ma.

Azaya 38:16 Referans Kwoze

Korɛntə dɔlɔɔ 11:32

Kɛlaa, gu Ną́mu a gu kiti tee gu hutɔɔ mɛ̨nį ɓa, ə gɛ, kiti hvo pa kala guɔ gwa yɛnɛ̨ɛ̨ nuą.

Maafîu 4:4

Jesus ə nwoo ŋąąpənə yɛ mą: «Bɛ̨ɛ̨i Yálá laawoo hɛɓɛ́ hu, diɛ mą: ‹Nu hva yɛnɛ̨ɛ̨ kɛ lɔ a laa mį́į́ hɛn yaa tɔ̨nɔ̨, kɛlaa hvo kɛi woo yii a kulɔ Yálá la.›»

Mąątɛ̨nɛ̨ 119:25

Ɓɛ kaali, ɲą́ą́ ka tooni munuun ɉu, yɛ bələi ə́ mo lai: 'Pənə kani ə́ dóó nwų́nų kɔ́lɔ hu.

Azaya 64:5

Ku kəlee ku kɛ yɛ nu kɔ́hɔɓoɔ, ku wɔ təlimo túwɔ́ɠaa kəlee di kɛ yɛ həɠə kɔ́hɔɓoɔ, ku kəlee kwaa yohva yɛ laakpala, ku wɔ túwɔ́ pələ ɲɔ̨nŋąą diɛ li a kuɔ yɛ hvaŋą.

Mąątɛ̨nɛ̨ 71:20

A Yɛ́i, yáá ku ɲɛ̨ikɔw kpɔlu a mɔ̨nɔ̨ da kwəi pili mąą, ə́ kaa pai nwɔ̨nɔ̨ pənəi, ə́ hvaŋą nįnɛ̨ pu kuɔ; ə́ kaa nwɔ̨nɔ̨ pai gúlɔi ɲąmuątaa yəi lɔi mu.

Dutɛrɔnome 8:3

Ə ka kɛ a yeehowolo nuą, ə pulu too kaa, ɛlɛɛ, ə manə tɛɛ ka pɔ a ka kɔ̨nɔ̨n. Kaa-o, ka nąnni man-wo, ka hvo kɛ gɔlɔn a bɔlɔ. Ə kɛi nɛ tii kaa, yɛ kɛ kaa: nu hva nwɔ yɛnɛ̨ɛ̨ kɛ lɔ a laa mįi hɛn, kɛlaa, nu nwɔ yɛnɛ̨ɛ̨ kɛ hɛn mąą a: Yai-Laa hvaa woo.

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.

Hebreu 12:9

Gu nąnnii kɛ ɓɛ lɔi mɛ̨i, di kɛli gu hutɔɔ, yili ə ɓo guɔ a mɛ̨nį lɛlɛɛ, gu hvo mun kɛ gu Nąn yələi, a tɛ̨ą, mąąnɛ̨ɛ̨i, 'ká gu lɛɛ nwoo mu, əgɛ, gu yɛnɛ̨ɛ̨ hɔlɔɓo.

Mąątɛ̨nɛ̨ 39:13

Yai-Laa! Ə́ wəli tɔɔ nwɔ́lɔ woo da dómą woo ɓa, Ə́ wəli mąąlaa ə́ nwóó mɛ̨n, ɲɛ̨́iyá kələ, hvó ə́ wəli laa kpulu! Mąąhɔlɔɓo, gáá ə́ yəi yɛ nwɛ̨ą, yɛ tɛɛmun lɔ yɛ bələi ną́nni di kɛ la.

Mąątɛ̨nɛ̨ 119:71

Mą́ą́ yɛɛ mɛ̨nį ə́ yəi, kaa mą́ą́ a mɛ̨nį lɛlɛɛ, əgɛ, ŋį́ ə́ wɔ tɔn nwooɠaai mąąkwɛli.

Mąątɛ̨nɛ̨ 119:75

Yai-Laa, ŋą́ą́ gɔlɔn gɛ́ diɛ, ə́ kwəi kiliɠaai haŋąąi, ɛlɛɛ, nwún mąąyɛɛ mɛ̨nį ə́ yəi, dɛ̨ą kaa ə́ pɔ.

Mąątɛ̨nɛ̨ 30:3

Yai-Laa nwɔ́ Yálá! Ŋą́ tomą ə́ pɔ pələ, yɛ́ ɓə málo.