Azaya 36:8 - Yálá laawoo hɛɓɛ (dc)

⁸ Akɛ hulɔnu ɓaa yɛ́, nwɔ́ mɛ̨nį námu Asiri tɔɔmun paa pɔlɔn dɔɔ! Yá gɛ tii, ŋą́ hoo waa hveelɛ tɛɛ ə́ pɔ; akɛ yá pɛli nuą hɔlɔɓoi, di tɛ gəlee mɛ̨i.

Yálá laawoo hɛɓɛ

⁸ Akɛ hulɔnu ɓaa yɛ́, nwɔ́ mɛ̨nį námu Asiri tɔɔmun paa pɔlɔn dɔɔ! Yá gɛ tii, ŋą́ hoo waa hveelɛ tɛɛ ə́ pɔ; akɛ yá pɛli nuą hɔlɔɓoi, di tɛ gəlee mɛ̨i.

Bible

⁸ Ŋánuu-namui Asiria kaloŋ a Ɛsekaya maa fôoi. A pâi soo wála feerɛ (2,000) tɛɛ̂i bɔ́ à kɛ̀ kɔ́-kɔ-ƃela díkaa ǹyêei dí dísia a tɛ̀ɛ-ŋa.

Azaya 36:8 Referans Kwoze

Tɔɔɓɛlaa veelɛ 18:23

Yiihu kɛa, ku wɔ mɛ̨nį nąmu Asiri tɔɔmun paapɔlɔn dɔɔ kani; ŋą́ pɛli ŋą́ hoo waa hveelɛ tɛɛ ə́ pɔ, akɛ yá nuą hɔlɔɓo diɛ pɛli di gilɛ həɠəi!

Tɔɔɓɛlaa veelɛ 14:14

Ɉɛnii kpɔ kɛ Yai-Laa yəi bɛlɛ́n, da nwali, da bɛlɛ́n ɉɛnŋąą kəlee, tɔɔmun yəi bɛlɛ́n ɉɛnŋąą, nuąi kɛ laa tolaa laa hu, Israɛlə tɔɔmun ə gəlee həɠə, ə li la Samari daai.

Tɔɔɓɛlaa dɔlɔɔ 20:18

Yɛ diɛ: «Akɛ di kaa pai gu lɔwai pɛli mɛ̨nį ɓa, ka di hon a di hvulú, akɛ nwɔ̨nɔ̨ di kaa pai kɔ́ kɛ mɛ̨nį ɓa, ka di hon a di hvulú.»

Tɔɔɓɛlaa dɔlɔɔ 20:10

Bɛn-Hadadə ə pənə nwɔ̨nɔ̨ ə di tɔɔ, yɛ diɛ, ka li kaa mą: «Yiihui, Samari lɔi a wala wolo nąą hvo lɛɛ a muluun gbala, ną́nni di wɔ haliɠaai di báá.»

Tɔɔɓɛlaa veelɛ 18:13

Ezekiasə nwɔ tɔɔlaa gwɛlan bow nąąn nɔwai, Asiri tɔɔmun Senakeribə ə pa ə kɔ́ pɛlɛ Ɉuda nwɔ kɔ́ taaɠaa kəlee ɓa, ə di hon.

Azaya 36:2

Asiri tɔɔmun, ə lɛɛ Lakisə, ə nwɔ kɔ́kuláái gɛnɛ̨mun dɔɔ, tɔɔmun Ezekiasə pɔɔli Ɉerusalɛmə, da kɔlaɠa kpulu kɛnɛ̨. Ə pa, ə tɔɔ ɲá nwuɔ̨ pələ ya haɠai, ɉəɠə waa pələ kwɛlɛ.

Azaya 36:7

Ə́ kaa nwɔ̨nɔ̨ kɛi mą: Yai-Laa ɓə a ku wɔ Yálá, ya ɓə kwa ku kilitɔɔmą. Kɛlɛi yaa tii ɓə Ezekiasə ə nwɔ haláá kulɔiɠaa taɠa, da gɛɛnąąɠaai da gɔ laa? Yɛ kɛ Ɉuda lɔi da Ɉerusalɛmə taa diɛ: Ɉaláá kulɔi ŋɛ̨i ɓɛ Ɉerusalɛmə, nąą ɓə mąąnɛ̨ɛ̨ ka pa kaa kwɛli hvilɛn naa mą.

Azaya 36:9

Yɛ́, yá pɛli gɛi nwɔ́ kilɛn-nąŋąlon daanɔ̨n gbən yɛ pu ə́ tɔwɔ, a námu nwɔ kɔ́ kuláa nogolo laamun da; yɛ́i ə́ kilitɔɔ Eziptə ɓa, ŋą kɔ́ kɔ́-wotoloɠaa, da ŋą hoo gilɛ həɠə nuą diɛ?