Azaya 34:7 - Yálá laawoo hɛɓɛ (dc)

⁷ Nąąlɔwai, lanŋąą, nįŋɛ̨ hilɛ gbɔnŋąą da nįŋɛ̨ hilɛɠaa di kaa pai tooi, nɔi kaa pai pilɛi ɲąmą hu, munuun gbala yɛ pilɛ nu wulɔ hu.

Yálá laawoo hɛɓɛ

⁷ Nąąlɔwai, lanŋąą, nįŋɛ̨ hilɛ gbɔnŋąą da nįŋɛ̨ hilɛɠaa di kaa pai tooi, nɔi kaa pai pilɛi ɲąmą hu, munuun gbala yɛ pilɛ nu wulɔ hu.

Bible

⁷ Ǹûai su a pâi karâi yɛ̂ɛ da tóu da niŋa sîrɛ-ŋa pàa. Ǹɔii lá a pâi fɛ̂ɛi a ŋãa da núu-wûlɔ tee-tee.

Azaya 34:7 Referans Kwoze

Mąątɛ̨nɛ̨ 68:30

Tɔɔɓɛlaa daa pa, Ə́ wɔ tɔɔ pɛlɛ́i mąą pui, yai nwun nąŋąą Ɉerusalɛmə taa mɛ̨i.

Lonon mo 23:22

Yálá ə gulɔ Eziptə lɔi hu, vaŋą kɛnɛ̨i yɛ lan.

Ɉeremi 50:27

'Ka Nįŋɛ̨ gbɔnŋaa kəlee paa, 'ka li a diɛ Nįŋɛ̨ paai. Aa kɛ a mɔ̨nɔ̨ aa laa diɛ, di wɛi ɲələ aa həli. Ɲələi da di nwąną kulɔ la diɛ, ɲələ li.

Ɉeremi 50:11

Gaa tii! 'Ka kwəinɛ̨ɛ̨ kulɔ! 'Ka hɛli pu, kaai a gwɛlin ɉu kala nuą. 'Ka pili yələi, yɛ nįŋɛ̨ lonnii da kɛ kala tiliin ɉu. 'Ka tomą yɛ hoo hilɛɠaa.

Ɉeremi 46:21

Ə mą kɛ, gɔ́kulááɠaai da di ya, nwɔ lɔi hu, di kaa yɛ Nįŋɛ̨ hilɛ gbɔnŋaa, kɔ̨nɔ̨n nɔ ɓə da mį́i; diɛ kpɛli mąn, daa yali di pulu, di kaa pui. Di hvo pɛli li gɔ́ mu, di nwun na pili yələ aa həli diɛ; a ɲələi mąąnɛ̨ɛ̨ di di woo hukulɔ la.

Mąątɛ̨nɛ̨ 92:10

Yai-Laa! Ə́ yowoɠaa kaa li! Ə́ yowoɠaa kaa li, di nwun na pili hiɛ li; mɛ̨nį ɲɔ̨n gɛ nuą kəlee taɠa hiɛ li.

Dutɛrɔnome 33:17

Ɓáá ə lɔ Ɉosɛfə ɓa, ya ɓə gaa a nįŋɛ̨ hilɛ lon dɔlɔɔ tɔlɔɔ. Mįnɛ̨ɠaa kaa yɛ lán mįnɛ̨, ya ɓə gaa pai kɛi nuą tuwɔi la, yɛ nuą kpala kpɛ yɛ li a diɛ lɔi kpɛlai. Mįnɛ̨ tɔ̨nɔ̨ kaa a Ɛfraimə nwɔ kɔlaɠa waa nwun damaa, dɔ̨nɔ̨ yɛ ɓo a Manase nwɔ nu kpulu.»

Lonon mo 24:8

Yálá ɓə Israɛlə kulɔ Eziptə lɔi hu, a vaŋą kɛnɛ̨ yɛ laŋ mįnɛ̨ mąą. Israɛlə a ɲonwoɠaa hukala, yɛ di kɔ́wɠaa kiin giin, yɛ di hon a nwɔ mɛ̨ikɔwɠaai.

Mąątɛ̨nɛ̨ 22:21

'Ŋą́ yɛnɛ̨ɛ̨ kulɔ kɔ́ kɔ ɓowa yəi, gúlɔ yilɛɠaa yeeɲąnin ɉu.

Azaya 63:6

Ŋą́ lɔiɠaa kiin nííholi pələ ɓa, nwɔ́ líiholii ə di kɛlɛ, di kɛ tupɛ-tupɛ, gɛ́ di wɔ mąąwiɛ pənə a pɔlɔ.

Ɉeremi 25:34

Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Izikiɛ 32:6

Ə́ ɲąmąi tii pai kɛi yɛɛi ɲeeɠaa diɛ, ŋą́ nɛɛ lɔi yəi yɛ gbələ. Tɛɛyá pɛlɛɛɠaa kəlee laa a hvɛɛ la.

Izikiɛ 39:17

Ə́ wəli tɔɔ, hulɔnu lon, Mɛ̨nį kəlee ŋą Hééɓomun Yálá woo ka: 'Mo nwɛ̨niɠaa diɛ, huwɔi lɔpee a koon, lɔwɔ huwɔɠaa kəlee, yɛ́ diɛi: 'Ka ka ɲąą kpɔn, 'ka pa, 'ka həɠə pələ kəlee, 'ka pɛlɛ kee ɓa, ɉaláái gáá pai gulɔi ka mąą mɛ̨nį ɓa, a halaa ɲɛ̨́i kɛnɛ̨, Israɛlə yeeɠaa hu. Ka káá pai huwɔ mį́į́, kaa ɲąmą kpələ.

Izikiɛ 39:18

Ka kɔ́kulááɠaa huwɔ mį́į́; ka yɛnɛ̨ɛ̨ tɔɔɓɛlaa ɲąmą kpələ; ɓɛlaa hilɛɠaa li, da ɓɛlaa lonnii, da ɓolu hilɛɠaa, da niŋɛ̨ hilɛɠaa; gəlee kaa a Basan huwɔ wulaaɠaa.