Azaya 33:9 - Yálá laawoo hɛɓɛ (dc)

⁹ Nɔi kaa haa wɔlɔ ɓoi, yɛ kpala; Liban aa nwumɛ̨, yɛ kpala, Sarɔn aa kɛ yɛ Ɉurdɛn ɲa-ɓoloon bɔ lɔi, Basan da Karmɛlə wuluɠaa di laa aa pu.

Yálá laawoo hɛɓɛ

⁹ Nɔi kaa haa wɔlɔ ɓoi, yɛ kpala; Liban aa nwumɛ̨, yɛ kpala, Sarɔn aa kɛ yɛ Ɉurdɛn ɲa-ɓoloon bɔ lɔi, Basan da Karmɛlə wuluɠaa di laa aa pu.

Bible

⁹ Ǹɔii a lɛɛ a lɔii kpâla. Va ŋɔ́nɔ sí-sɛŋ da kpɛ̀tɛ. Lɛƃanɔŋ wola-ŋai su wuru-ŋai da kpála. Sarɔŋ tiŋ-tiŋ su lɔii lɛ́lɛɛ-ŋai da pene a fɛ̃ɛ-kpâlaŋ. Basãŋ da Kamɛɛ Yeei ma wuru-ŋai da kpála, dílaa kɛ́ pù.

Azaya 33:9 Referans Kwoze

Azaya 35:2

Kpomó hu wuluɠaa kəlee 'di powa! Kpomó, 'ə pili yələi yɛ mąną! Yɛ pili yələi a kwəinɛ̨ɛ̨! Liban nwɔ mąąwiɛi aa həli mą, Karmɛlə da Sarɔn yee di wɔ lɛlɛi aa pənə aa pa di pɔ, ɛlɛɛ, nuą kaa pai Yai-Laa nwɔ mąąwiɛ kaai, a guɔ Yálái nwɔ lɛlɛ laa kɛnɛ̨ɛi.

Nahumə 1:4

A tómą gboloyá mɛ̨i, yili ə kpala, ə tɛɛ yaɠaa kpala. Basan da Karmɛlə da yohva, Liban lɔwɔ a yohva.

Azaya 65:10

Sarɔn a kɛ a ɓɛlaaɠaa da ɓoluɠaa di pɛlɛi, Akɔrə yɛakɔwɔ yɛ lɛɛ a niŋɛ̨ɠaa laa mįi, gəlee di ɓo a nwɔ nuąi gwɛlii di wɔɔ.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.

Ɉeremi 50:19

Gáá pai pənəi ŋį́ pa a Israɛlə, naa mį́i lɔi pɔlɔ pɔlɔ ɓa, gaa pai naa mįi Karmɛlə da Basan yeeɠaa nwuɔ̨, ɛlɛɛ, yɛ pulu kulɔ ma Ɛfraimə da Galaadə yeeɠaa nwuɔ̨.

Azaya 37:24

Yaa Ną́mu lalan a nuąi ə́ di tɔɔ, ɛlɛɛ yɛ́ kɛ diɛ: ‹Nwɔ́ kɔ́ kɔ́ wotoloɠaai kpulu kɛnɛ̨ pələ, ŋą́ą́ tɛ yeeɠaa tonna, ɓɛi nuą di kɛi di loo laa Liban lɔi hu, ɓɛi nu takpɛli hvo kɛi pɛli həlii laa, ŋą́ą́ tɛ laa, əgɛ, ŋą́ nwɔ hɛan gbɛa-kpɛaɠaa tee, da nwɔ kpitili lɛlɛɛɠaai, ŋą́ həli kpɔ nɔi kpɛlai, ŋą́ həli kpɔ ɲee tonna lə́ɠə́-lə́ɠə́ ɓa. Ŋą́ həli kpɔ nwɔ lɔwɔi nɛlɛi ɓa.

Azaya 24:1

Ka kɛɛ kaa! Yai-Laa kaa lɔi hu kalai, yɛ nɛɛ a gboloon, gaa lɔi mɛ̨i hɛnŋąą kalaɠalai, yɛ ɉu hee ɓo nuą taɠa taɠa.

Azaya 14:8

Ə mą kɛ wuluɠaa, di kaa kwəinɛ̨ɛ̨ kulɔi ə́ mąą mɛ̨nį ɓa, ɛlɛɛ, yii kɛa ə́ kaa laani lɔi ɓa, Liban kpitiliɠaa kaa kɛi diɛ: «Nui kɛi ku pɔn, hva kɛa tɛ ɓɛ hvo ku pɔn.»

Azaya 3:26

Siɔn taa kaa pai ɲiŋɛ̨i, yɛ nwoo laa; a lɛɛ a ɲee howolo, ə ɓo heeni lɔi ɓa.

Azaya 2:13

Liban kpitiliɠaai, di kwɛa kwɛaa, da Basan wɛla, a gəlee kiti tee.

Wɛli 2:1

Ɲą́ą́n gáá a Sarɔn yagbudɛn, a yaɓoloon bɔ wulu powa.

Dutɛrɔnome 3:4

Gu lɔ nwɔ taaɠaai kəlee hu, taa hvo kɛ di pɔɔli yii gu hvo ɉon. Taa pow mɛ̨ida yai kɛ a Argɔvə lɔi kəlee Basan lɔi hu yii Ogə ə kɛi tɔɔlaa kɛ mɛ̨i.

Gɛlaɠaa 9:35

Nąą kaai Lida nuą di mo, da Sarɔn nɛŋɛ̨ hu nuą kəlee, di tínɛ̨n gu Ną́mu Jesus pɔ pələ.

Azaya 10:34

Daa kwɛli pɛlɛ nwɛla hu wuluɠaa diɛ, diɛ ka tooi, Liban mąą ɲįnɛ̨n aa too nɔi ɓa.

Azaya 29:2

Gáá pai heei Ariɛlə ɓa, di kaa pai kɛi di woolaai, diɛ ɲiŋɛ̨; gaa pai kɛi ɲə́i a kuláá ta.

Osia 4:3

Nɔi ɲɛ̨i mąą aa wɛli, ɉu nuą kəlee diɛ kpala, ə mą kɛ lɔwɔ huwɔɠaa, da yələi nwɛ̨niɠaa. Ə mą kɛ gboloyá hu hɔ̨nwɔ̨leeɠaa di kaa pai kpɛɛi.

Zôo 15:33

yɛ viɲə yii ma a lɛɛ a bɛlɛɛ ə pu, yɛ olivə wulu, yii bowa a kulɔ ɲəi.

Amɔsə 1:2

Amɔsə tii hvaa woo ka, yɛ diɛ: Yai-Laa kaa haŋąi Siɔn taa ɓa, nwoo yɛ tɛ Ɉerusalɛmə daai yɛ yələgbaląą. Ɓɛlaa pulu nuą di wɔ ɓɛlaaɠaai laa míí, gala mąą aa wɛli. Karmɛlə Yee ton na aa kpala.