Azaya 33:6 - Yálá laawoo hɛɓɛ (dc)

⁶ Ə́ wɔ yɛnɛ̨ɛ̨ laa hɔn mo hɛn ɓa pai kɛi, a ɓalo mɛ̨nį nwɔ hɛn gɔw, kili mɛ̨nį, mɛ̨nį kɔ́lɔn ŋąą, da nu ɲɔwuɔ Yai-Laa ɓa, yili ɓə pai kɛi a gwɛlin.

Yálá laawoo hɛɓɛ

⁶ Ə́ wɔ yɛnɛ̨ɛ̨ laa hɔn mo hɛn ɓa pai kɛi, a ɓalo mɛ̨nį nwɔ hɛn gɔw, kili mɛ̨nį, mɛ̨nį kɔ́lɔn ŋąą, da nu ɲɔwuɔ Yai-Laa ɓa, yili ɓə pai kɛi a gwɛlin.

Bible

⁶ A pâi káŋuŋ ma ƃôi. A pâi ká maa kɔ̃ɔ̂i, é táre da kili-ŋa-pôno tɛɛ kápɔ. Yâwɛɛ ƃé ka vɛ̀li.

Azaya 33:6 Referans Kwoze

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Hanwon 19:23

Nu ya ɲɔw Yai-Laa ɓa, a nu ɓalo. Ɲɔw mąą tii, a nu niilɔ, ya yɛnɛ̨ɛ̨ kɛ, mɛ̨nį nwąnąą hva ə́ hɔlɔɓo.

Timote dɔlɔɔ 6:6

A tɛ̨ą, Yálá mɛ̨nį, dɔlɔ kɛnɛ̨i kpɔ a neelee, a gɛ nu ə gwəinɛ̨ɛ̨ a ɉɛn gaa ɲəi.

Ikilisiati 7:19

Kili a kilimąą mun daalə tɔɔ, ə tɛɛ, lɔi ɲąąwooɓo nuą pow kɛɛ taalee tɔ̨nɔ̨ ŋąąwoo ɓoi ɓa.

Hanwon 14:27

Ɲɔw Yai-Laa ɓa, kaa a yɛnɛ̨ɛ̨ yáton, ya ɓə a gɛ nu yɛ haa nwɔ ɓaaləɠaa mąąlaa.

Mąątɛ̨nɛ̨ 28:8

Yai-Laa ɓə a nwɔ nu huwui di wɔ huwalawala, a nui ə ɉəɠə ɉu, mąąkpɛ taa wala wala.

Azaya 51:6

'Ka ka ɲɛ̨i hee yələkɔlɔn mą, yili pulu ka lɔi ɓa kaa, yələkɔlɔn gaa lɔ pai lɔi gbąi yɛ nwɔ̨n nulu, lɔi yɛ haɠa yɛ həɠə; ɉu nuą diɛ haa yɛ koo koon ɉɛnŋąą. Kɛlaa nwɔ́ ɓalo mɛ̨nįi nwɛi gaa lɔ laa a yələ kəlee, nwɔ́ tələnmolaai hva too.

Ikilisiati 7:12

Hvó gaai, bələi lɔ wali a nu mɛ̨i kpulu la, bələ lɔ ɓə kili a kilimąą mun mɛ̨i kpulu la, mąąhɔlɔɓo, nui kili kaa mą a dɔlɔ hɔlɔɓo. Mɛ̨nįi gɛi mąąnɛ̨ɛ̨ nu kili ə kɛ la ɲəi, yaa li.

Hanwon 28:2

Kwɛlitee a lɔ lɔi, ɲąąwooɓo kɛ nuą da tamą, Kɛlaa ɲąąwooɓomun a kɛ a kilimąą mun, yɛ ɓo a yɛnɛ̨ɛ̨ kɔ́lɔn ŋąą, a lííla a hee laa tin-tin.

Hanwon 15:16

Hɛn nogolo kɛɛ nu ɲəi, yɛ ɲɔw Yálá ɓa, hviɛlaɓoɔi, hɛn gɔw kɛnɛ̨ɛ ɓa lii hɛlɛn ɉu.

Mąątɛ̨nɛ̨ 140:7

Ŋį́ kɛ Yai-Laa ɓa: «Nwɔ́ Yálá ɓaa a yɛ́!» Yai-Laa, ə́ wəli tɔɔ nwɔ́ nɛ̨ɛ̨mąą hvə wooi ɓa.

Mąątɛ̨nɛ̨ 45:4

Ee kə! Kuláá kpəɠɛ! 'Kɔ-kɔ-ɓɔwa kpulɔn ə́ ləŋəi, ə́ mąąɲinɛ̨n ni, ə́ ɲɛ̨i pɔ̨nɔ̨ hɛn ni.

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

Hanwon 29:4

Tɔɔmun a ɲąąwooɓo laa kɛ a tələnmo, a nɔi tɔɔ. Kɛlaa nui a nįįhɔ̨nwɔ̨ hon lɔi lonnii yəi kɛlɛ-kɛlɛ, a nɔi too.

Tɔɔɓɛlaa veelɛ 18:7

Yai-Laa ə kɛ bɔ, mɛ̨nįi lɔpee kɛ a ɲee lɔ ɉu, ɉu a nɛ̨ɛ̨ ɲəi. Ə nwun gulɔ Asiri tɔɔmun nwɔ heeɓolaa mu, hvo kɛa pənə hvo lɛɛ ɲee mu.

Hanwon 14:26

Nui a ɲɔw Yai-Laa ɓa, dɔɔi a walawala, Yai-Laa kaa a mąą nu mąąkilɛi, nonnii wəli pulu laɠiɛ.

Azaya 11:9

Kɛɛ kala mɛ̨nį da mɛ̨nį ɲɔ̨n nɔpee hva kɛa kɛ, nwɔ́ yee mąąhəɠɛɛi nwuɔ̨, mąąhɔlɔɓo, nɔi laahvɛɛi a Yai-Laa kɔ́lɔn gili, yɛ bələi yaɠaa kəlee kaa la gboloyá mu, bɛlɛɛ di mɛ̨i.

Azaya 26:1

Mąą yələ, di kaa pai kɛi nwələi ŋɛ̨i tooi Ɉuda lɔi hu, diɛ kɛ diɛ: Kɔtaa wala wala kaa ku yəi, ɓalo mɛ̨nį ɓə a mąąkɔ̨nwɔ̨ hįį.

Azaya 33:20

Ə́ ɲɛ̨i hee Siɔn taa ɓa, yai gaa a guɔ hɛliɠaai pu taa, ə́ kaa pai Ɉerusalɛmə kaai, yai gaa a liilaa kɛɛnąą, həɠə pɛ́lɛ́ yii di hva kɛa gulɔ, yai di hva kɛa gɔwɔ hvilɛn nwuluɠaa kulɔ, yai di hva kɛa ɲɛliɠaa kulɔ.

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

Azaya 51:14

Nui kɛ tooni a hviikpɛɛ, ya ka muhəɠəi, hvo pai haai, kámą nwɔ mɛ̨nį hvo mą, ɛlɛɛ, hvo pai hvɛɠɛi kɔ̨nɔ̨n ɉu.

Zôo 4:6

Akɛti, ə́ wɔ ɲɔw Yálá ɓa laa dɔ̨nɔ̨ ə kɛ lɔ ma, ɓɛlɔwai ə́ kɛ la ə́ nɛɛ hu? Yɛ bələi ə́ túwɔ́ pələ ə kɛ la a kɔ́ɔn mąą lɛlɛɛi, yili hva pɛli kɛ ə́ kili tooi ə́ yəi ɓaa?

Hanwon 2:5

yá yili kɛ tii, bələi mąąnɛ̨ɛ̨ ə́ ɲɔw la Yai-Laa ɓa, yá kɔ́lɔn, yá pɛli mą ə́ Yálá kɔ́lɔn.

Hanwon 14:24

Kilimąą nuą di wɔ tɔɔɓɔlɔ ɓaa di wɔ hɛn gɔwi, Kɛlaa, kilikpɛɛgwəi nuą di wɔ hupumąą laai, ɓowo lɔ ɓə.

Azaya 32:17

Tɛ̨ą kaa pai ɓai a liilaa; tələnmolaa yɛ pa yɛnɛ̨ɛ̨ wəli pulu laɠi, a yələ kəlee mɛ̨nį.

Azaya 32:18

Nwɔ́ nu huwui kaa pai heei liilaa lɔi hu, di wəli pulu laɠiɛ di wɔ pɛlɛ́ɠaai mu, hvįįtɔɔ ɲąąlaɠiɛ hu.

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Habakukə 2:14

A tɛ̨ą, Yai-Laa, nwɔ mąąwiɛ kɔ́lɔn ŋąą a lɔi mɛ̨i kəlee laahvɛɛ, yɛ pələi yaɠaa da gboloyá hu hvɛɛ la.