Azaya 33:21 - Yálá laawoo hɛɓɛ (dc)

²¹ Nąą ɓə Yai-Laa kaa pai kɛi laa gu yəi a mɛ̨nį kɛnɛ̨ɛ̨, nąą kaa pai kɛi a yá kpɛa-kpɛa tɛɛ lɔi, da yá heen gbɛa-kpɛa; Kɛlaa, kələn da lɔpee hvo pai tɛɛi laa, ə mą kɛ kələn nɛlɛɛ ɓə, hva tɛɛ laa.

Yálá laawoo hɛɓɛ

²¹ Nąą ɓə Yai-Laa kaa pai kɛi laa gu yəi a mɛ̨nį kɛnɛ̨ɛ̨, nąą kaa pai kɛi a yá kpɛa-kpɛa tɛɛ lɔi, da yá heen gbɛa-kpɛa; Kɛlaa, kələn da lɔpee hvo pai tɛɛi laa, ə mą kɛ kələn nɛlɛɛ ɓə, hva tɛɛ laa.

Bible

²¹ Ǹaa ƃé Yâwɛɛ ŋɔwála-wala laai a pâi kɛ̂i a dínaŋɔɔ naa kûa yɛ̂ɛ ya-lêe. Ǹyaŋ wála-wala-laa da fé pâi kɛ̂i ŋwana-lɔ̂ɔ nuu da yêei ǹyá-lêei ŋí tíyeŋ mɛ̂ni ma.

Azaya 33:21 Referans Kwoze

Gɛlaɠaa 7:2

Etiɛnə ə nwoo ɲąąpənə yɛ mą: «Káái ɓaa a Nąnni da nąnnonnii, 'ká ka wəli tɔɔ; mąąwiɛ-Yálá ə gbɔwɔ lɛ gu kalaɓɔlɔ Abrahamə ɓa, Mesopotami lɔi hu, ɓɛlɔwai hvo ni kɛ hee li la Haran lɔi hu.

Azaya 66:12

Mąąhɔlɔɓo, mɛ̨nįi Yai-Laa kaa moi, ya ka: Gáá pai liilaa yɛɛi mɛ̨i yɛ tɛɛ ya. Ɛlɛɛ, gɛ́ hįįɠaa di wɔ mąąwiɛ tɛɛ bɔ, yɛ ya a kɛi kulɔ yee hu a vąŋą kɛnɛ̨. Di kaa pai kɛi ɲįnį tɔɔi ka la, diɛ ka pomo, diɛ ka hee di kɔ́wɔ mɛ̨i.

Azaya 48:18

Ee kə! Akɛ kɛ ə́ ə́ wəli tɔɔ nwɔ́ tɔ́n nwooɠaai diɛ, ə́ wɔ liilaai ə li kɛ yɛ ya lee kɛnɛ̨, ə́ wɔ tələnmolaa ə ɓo yɛ gboloyá;

Azaya 41:18

Lɔiɠaai kɛ di hu kpalaa, gáá pai ya kpɛa-kpɛa laai laa, gɛ́ lɔi pun mąąpənə a powa, gɛ́ yá nwun gulɔiɠaa kɛ ɓoloonŋąą hu, gɛ́ lɔi hu kpalaa mąąpənə a ya lɔi.

Mąątɛ̨nɛ̨ 29:3

Yai-Laa woo aa hiɛ yá kəlee mɛ̨i, Yálá mąąwia kaa tomąi yɛ yələgbąnąą; Yai-Laa kaa heeɓolaa kɛi yá kpɛa kpɛa kəlee mɛ̨i.

Azaya 33:17

Ə́ ɲɛ̨i kaa pai tɔɔi tɔɔmun nɛlɛ pələ ɓa, ə́ ɲɛ̨i kaa pai hiɛi nɔi nąą kəlee mɛ̨i.

Azaya 43:19

Mɛ̨nį nįnɛ̨ɠaa kɛ hiɛ ka ɲɛ̨i ɲə́i, di kaa mun kɛa ɓɔn ɉi, ka hvo mɔ̨ɔ̨ gbaɠala kaai? A neelee, gáá pai pələ laai lɔi pun ɉu, gɛ́ nu tɛɛ kpaaləɠaa kulɔ kpomóɠaa hu.

Azaya 43:20

Lɔwɔ huwɔɠaa kaa pai náá tɛi, lɔwɔ-yilɛɠaa, da hɔ̨nwɔ̨nɔ̨gɔlɔnŋaa, mąąhɔlɔɓo, ŋį́ yá kulɔ ɲɛ̨ą-lɔi kpalaa hu, gɛ́ tɛɛ yá kpɛa kpɛa laa kpomó hu, nwɔ́ nuą diɛ di kpələ, diɛi tii a nííɓa nuąi.

Lonon mo 23:21

Və́ mɛ̨nį ɲąąnwąnąą kaai Ɉakɔbə pɔɔli. Və́ mɔ̨nɔ̨ kaai Israɛlə nwɔ lɔi hu. Yai-Laa yai a nwɔ Yálá, gaa bulu, di kaa di yee lɔwai mą yɛ tɔɔmun.

Dutɛrɔnome 23:15

Mąąhɔlɔɓo, Yai-Laa ka wɔ Yálá yaa kpinį lee ga ka lɔwai gɔ́ laɠa hu, yɛ li, yɛ pa ka ɓalo mɛ̨nį ɓa, yɛ ka yowoɠaa lɔ ka yee ŋą. Yili ɓa tii, ɓɛi ka kɛ laa, nwɔ kɛɛnąą li. Mąą hvo nɛ̨ɛ̨li Yai-Laa hvo hɛn da kaa laa a nwumɛ̨ mɛ̨nį yii a gɛ, yɛ bulu tɔɔ la kaa.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Zakari 2:9

Ɛlɛɛ, ɲą́ą́n Gáá pai kɛi laa, ŋą́ ɓo a nwɔ̨n, gɛ́ daa mąąkpɛ. Yai-Laa woo li; ɛlɛɛ gɛ́ kɛ a Ɉerusalɛmə nįį.›»