Azaya 33:11 - Yálá laawoo hɛɓɛ (dc)

¹¹ Ka koo həɠə a mɔ̨nun gban, kaa ka laa yɛɛ a dɛ̨ɛ̨ kpoloon, ka nɔ̨ɔ̨ kaa pai kɛi a nwɔ̨n, yɛ ka kələn.

Yálá laawoo hɛɓɛ

¹¹ Ka koo həɠə a mɔ̨nun gban, kaa ka laa yɛɛ a dɛ̨ɛ̨ kpoloon, ka nɔ̨ɔ̨ kaa pai kɛi a nwɔ̨n, yɛ ka kələn.

Bible

¹¹ Kákpɛtɛ mɛni-ŋai káa nɔ́ kpɛ́ni-kpɛni. Mɛni lɛ́lɛɛ fa kûla da su. Ŋámɔ̂leŋ káa yɛ̂ɛ ŋɔŋ. A pâi kásu karâi.

Azaya 33:11 Referans Kwoze

Azaya 59:4

Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Mąątɛ̨nɛ̨ 7:14

gbɔwɔ kpinįi mąą mɛ̨nį ka tii gaa nu paa hɛnŋaai tii pɛlii la, yɛ nwɔ tonwąɠaai tí.

Zĩi 1:15

Ɲɛ̨i kulɔbɔ a koo həɠə, ə naayɛɛ a nɛ̨ŋɛ̨n, nɛ̨ŋɛ̨n a pɔlɔ, ə naayɛɛ a haa.

Gɛlaɠaa 5:4

Gɛɛ hvo nɔi ti lɔwɔ́tɔɔ kɛi, ə kɛ a ə́ wɔ́ɔ́, nɔwɔtɔɔi nwɔ̨nɔ̨ ə́ mo, nwali ə kɛ a ə́ wɔ́ɔ́. Lə mɛ̨nį ɓa, ə́ giliŋąhiɛ yii ŋɛ̨i ɉuwu kɛ? Hvo kɛ lɛɛ kɛ li nuą diɛ, kɛlaa, Yálá ka ti ə́ lɛɛ kɛ mą.»

Azaya 26:18

Kwaa koo həɠə, kwaa kwəi nwąną kɛ, Kɛlaa gaa lɔ yɛ kwa ku laayɛɛ a hvaŋą, ku hvo pa li a ɓalo mɛ̨nį yɛnɛ̨ɛ̨ pɔ, ku hvo kpɛli pa li a nu nįnɛ̨ lɔi mɛ̨i.

Azaya 17:13

Lɔiɠaa diɛ gɛ lɔ ɉuwu ɉuwu yɛ ya hvɛɛ. Yálá a tómą di mɛ̨i, diɛ pu diɛ li kwɛa la, da di kpɛ, yɛ yee hu hvaŋą a hee mɔ̨nun gala hu, diɛ li yɛ tulɔ hvaŋą a hee laakpala hu yɛ li la.

Azaya 5:24

A kɛ tii, bələi lɔ nwɔ̨n a dɛ̨ɛ̨ kələn na, bələi lɔ mɔ̨nun gbowo a kələn na nwɔ̨n nən ɉu, bələ ɓə di hamu kaa pai luwun ɉii la; da ɓɔn, hvaŋą yɛ li a di ɓɔn, mąąhɔlɔɓo, daa Yai-Laa Mɛ̨nį Kəlee ŋą Hééɓomun nwɔ mąąkwɛli wooi pili, daa tɛɠɛɓo Israɛlə nwɔ Mąąhəɠəmun nwoo hu.

Azaya 1:31

Huwalawala mun a kɛ yɛ mɔ̨nun gban, gɛ mɛ̨nįɠaa di kɛ yɛ nwɔ̨n gbaalən, gəlee hveelɛi da kələn, nu hva hɔlɔɓo, hvo nwɔ̨n nuwun.

Mąątɛ̨nɛ̨ 2:1

Lə ŋą ɉuwu ɉuwu ɓə lɔiɠaa di hvo ɉui, nu kanŋaa diɛ hvaa lɔ di nwun ɉu nwɔ̨ɔ̨? Ya pa di yee hva lɔ.

Zôo 15:35

Nui a mɛ̨nį ɲɔ̨n ɉee gwəi, a naayɛɛ a mɛ̨nį ɲɔ̨n. Gílíí kɛ mą lon mə a too gwəi.

Mąątɛ̨nɛ̨ 7:15

'Hvó gaai, gaa mɛ̨nį ɲɔ̨n mąą kili teei gwəi, yɛ ɲɛ̨nį mąą koo həɠə, a naayɛɛ, a yee lɛɛ ɉu.

Azaya 9:17

A tɛ̨ą, nwąnąlɔ a nu kələn yɛ nwɔ̨n, yɛ tíi kələn nwɔ̨n, yai a lɔwɔ kələn, yɛ lulu kɛnɛ̨ tɛ yələ kwəi.