Azaya 32:18 - Yálá laawoo hɛɓɛ (dc)

¹⁸ Nwɔ́ nu huwui kaa pai heei liilaa lɔi hu, di wəli pulu laɠiɛ di wɔ pɛlɛ́ɠaai mu, hvįįtɔɔ ɲąąlaɠiɛ hu.

Yálá laawoo hɛɓɛ

¹⁸ Nwɔ́ nu huwui kaa pai heei liilaa lɔi hu, di wəli pulu laɠiɛ di wɔ pɛlɛ́ɠaai mu, hvįįtɔɔ ɲąąlaɠiɛ hu.

Bible

¹⁸ Ɣâla ŋɔnûai dífe pâi ŋɔ́nɔ kɛ̂i lii-sɛ̂lɛŋ su. Díŋuŋ ma a pâi kɛ̂i a m̀óɔɔ díkɛ ƃò lii-sêe su.

Azaya 32:18 Referans Kwoze

Zakari 2:5

Ŋą́ nwun muhəɠə nwɔ̨nɔ̨, ŋį́ kɛɛ takpɛli kaa, ŋį́ hulɔnu ta kaa, lɔi kɔ́ɔn ɲɛli ə ɓo ɲəi.

Ɉeremi 33:16

A mąą yələi tii, Ɉuda nwun mąą kaa pai ɓoi, Ɉerusalɛmə yɛ nwɔ yɛnɛ̨ɛ̨ kɛ liilaa hu. Naai di kaa pai kɛi dəlii la, ya ka, di kaa pai kɛi mą: ‹Yai-Laa kaa a gu wɔ tələnmolaa.›»

Hebreu 4:9

Vįitɔɔ yələ ta kaa laa a Yálá nwɔ nuąi di wɔ.

Zɔ̂ŋ Maa-ŋuŋ 4:16

Ɛlɛɛ, ku wɛi, ku gaa, ku laai na, nwɛlikɛmąąlaai Yálá ə nɛ gu lɔwai yaa li. Yálá kaa a wɛlikɛmąą, nui gaa wɛlikɛmąą laa hu, gaa Yálá hu, ɛlɛɛ, Yálá yɛ ɓo ɉu.

Zakari 2:8

Ə mo malakai tii ɓa, yɛ mą: «'Li a gilɛ, yɛ́ ɉulɔnon tii lii mą: ‹Ɉerusalɛmə mąąnɛ̨ɛ̨ ə lɛɛ a taa yii hįį hva tɔɔ mą, nu kpulu da daatɛlɛɛɠaai tii pai kɛi laa, di mąą mɛ̨nį ɓa.

Azaya 2:4

Ya ɓə pai hį́i kəlee yee lɔi gee hu, ya ɓə pai nuą lɔwai mɛ̨nįɠaa hutɔɔi, di wɔ ɓɔwa kwɛaɠaai ɓə gaa pai bɛlɛi gee ɓa, di gɛ a kali, di wɔ kpalaɠaai ɓə di kaa pai gɛi a mɔ̨nun dee kɛlɛlɛ, lɔi ta hva kɛa kɔ́ pɛlɛ mɛlan ma, lɔi ta hva kɛa kɔ́ kɔ́ɔ mąą kwɛli.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 14:3

Ɲələi Yai-Laa kaa pai hvitɔɔ yɛnɛ̨ɛ̨ tɛɛi la ə pɔ, ə́ wɔ mɔ̨nɔ̨ɠaai da ə́ wɔ hviikpɛɛɠaai pulu, da nuwɔ laa ɲąąnwąnąąi ə kɛ ɉu, gəlee pulu,

Azaya 26:3

Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Azaya 26:12

Yai-Laa! Yáá ku kɔ́ a liilaa yɛnɛ̨ɛ̨, mɛ̨nįi lɔpee ku kaa gɛi, Yɛ́ lɔ ɓə gɛi kuɔ.

Azaya 28:12

Ə gbɛa mo diɛ, yɛ diɛ: Hviitɔɔ lɔwai aa həli, nui viikpɛɛ, ka nɛɛ laa ə vįitɔɔ, kɛɛnąą ɲąąlaɠiɛ ka.» Kɛlaa di hvo gɛ di hvo di wəli tɔɔ nwoo ɓa.

Azaya 30:15

Mąąhɔlɔɓo, mɛ̨nįi Yai-Laa ka wɔ Yálái, a Israɛlə nwɔ Mąąhəɠəmun ə mo ya ka: Ka ɓalo mɛ̨nį a kulɔ ka hɔn mąą pənə mɛ̨nį hu, kaa ka hvii tɔɔ, ka hvaŋą kaa liilaa hu, da kilitɔɔmąąlaa, Kɛlaa, ka hvo yili pɔ.

Azaya 65:9

Gáá pai nu huwu kulɔi Ɉakɔbə huwu hu, a neelee, nuąi pai nwɔ́ yeeɠaai hɔlɔɓoi a di gwɛlin, ŋą di kulɔ Ɉuda huwu hu, nííɓa nuą kaa pai di hɔlɔɓoi a di wɔɔ, nuąi da tí mą́ą́, diɛ hee laa.

Azaya 65:21

Di kaa pai kɛi pɛlɛ́ɠaa tɔɔi, diɛ di wɛli kulɔ. Diɛ tííɠaa kɛ, diɛ mą mįi.

Zakari 3:10

Yai-Laa Mɛ̨nį Kəlee ŋą Hééɓomun yɛi, Mąą yələ, ka káá pai ka keeni təlii dowələ wulu mu, da nwiɛ mu.»

Lɛɛ gbɔwɔ ɓa 9:26

Gosɛn lɔi hu, ɓɛi Israɛlə lonnii di kɛ laa, nąą lɔ ɓə da hvo pu laa.

Mąątɛ̨nɛ̨ 107:7

Ə di hvilɛn pələ haŋąą mɛ̨i, diɛ pɛli taa hɔlɔɓoi, nuą di ɓo ɉu.

Hanwon 24:15

'Nwąnąlɔmun, 'hvó hɛlɛn dɛ tələnmomun nwɔ pɛ́lɛ́i ɓa, 'Hvó too nwɔ pɛ́lɛ́i mɛ̨i.

Azaya 33:6

Ə́ wɔ yɛnɛ̨ɛ̨ laa hɔn mo hɛn ɓa pai kɛi, a ɓalo mɛ̨nį nwɔ hɛn gɔw, kili mɛ̨nį, mɛ̨nį kɔ́lɔn ŋąą, da nu ɲɔwuɔ Yai-Laa ɓa, yili ɓə pai kɛi a gwɛlin.

Izikiɛ 34:28

Lɔiɠaa di hva kɛa too di mɛ̨i, lɔwɔ huwɔɠaa di hva kɛa di mįi; di kaa pai kɛi liilaa hu, nu ta hva kɛa di mąą kpɛlin.