Azaya 32:15 - Yálá laawoo hɛɓɛ (dc)

¹⁵ Ə lɛɛ ɉu, Yálá nwɔ Kilii ə həɠə yələi ə pa gu pɔ. Nąąlɔwai tii, lɔi pun a mąą pənə a nɔw-yɛa lɛlɛɛ, nɔw yɛ lɛlɛ yɛ wɛla wulu.

Yálá laawoo hɛɓɛ

¹⁵ Ə lɛɛ ɉu, Yálá nwɔ Nįį ə həɠə yələi ə pa gu pɔ. Nąąlɔwai tii, lɔi pun a mąą pənə a nɔw-yɛa lɛlɛɛ, nɔw yɛ lɛlɛ yɛ wɛla wulu.

Bible

¹⁵ Ǹaa à kɛ̀ tí, Ɣâla a pâi ŋɔmɔ̂leŋ tɛɛ̂i. Ǹɔii a pâi ŋɔ́nɔ penêi a lɔii lɛ́lɛɛ sí-sãa kpɛtɛ mɛ̂ni ma.

Azaya 32:15 Referans Kwoze

Azaya 29:17

Nąą aa lɛɛ kpɔlɔ tiikpə, Akɛtii Liban mąą hvo mɔ̨ɔ̨ pai pənəi a hihɛn ɲɛa; ɛlɛɛ hihɛn ɲɛa yɛ nwəla kɛ?

Izikiɛ 39:29

Vá kɛa ɲɛ̨́i loo diɛ, hvo gaai gáá pai mɛ̨nį kɔlɔn gili yɛɛi Israɛlə nwɔ pɛlɛ́i mɛ̨́i. Mɛ̨nį kəlee ŋą Hééɓomun Yálá woo li.»

Azaya 44:3

Mąąhɔlɔɓo, nuąi kpələ wɛli kaa diɛ, gáá pai yálee laai di pɔɔli, gɛ́ yá pɛlɛɛ laa lɔi hu kpalaa hu, gɛ́ nwɔ́ Kilii yɛɛ ə́ huwu mɛ̨i, gɛ́ lúwɔ́ too ə́ lonnii diɛ.

Azaya 59:19

A kɛ tii, da ɲɔw kɛa Yai-Laa Laa ɓa, hvóló tooi pələ, ə lɛɛ diɛ ɲɔw nwɔ mąąwiɛlaa ɓa hvóló ɓɛlai pələ. Mąąhɔlɔɓo, gaa pai pai yɛ ya hvɛɛi, Yai-Laa nɔ̨ɔ̨ yɛ hee mą.

Gɛlaɠaa 2:33

Ə tɛ ə hee Yálá yee lɛlɛɛ mɛ̨i, Yálá ə nwɔ Kili-Mąąhəɠɛɛ tɛɛ bɔ yɛ bələi ə naakwɛlan mo la, ə gbɛŋąn gu mɛ̨i yɛ pələi ka káá gaai la, ɛlɛɛ, kaa mąą mɛ̨nį mɛ̨n na.

Lukə 24:49

Ɲą́ą́n ŋą lii, yii Nąn ə naakwɛlanmo kaa, ŋą dɛɛ. Kɛlaa, ka lɛɛ ɓɛ daa lee hu, ə lɛɛ la ɉu, ka huwalawala ta hɔlɔɓo yɛ həɠə Yálá pɔ.»

Korɛntə veelɛ 3:8

gu hvo mun kɛ, Yálá nwɔ Kilii ŋą kóló, nwɔ mąąwiɛlaa hva mɔ̨ɔ̨ kɛnɛ̨ ə tɛɛ yili ɓa?

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Mąątɛ̨nɛ̨ 104:30

Ya ə́ nɔ̨ɔ̨ too di hu, di di muhəɠə, Yɛ́ yɛnɛ̨ɛ̨ ɲɛ̨ilai mąąhvalin na.

Azaya 63:11

Nwɔ nuą di di kiliŋąhiɛ kɛa, Moisə nwɔɔ hvolóɠaai diɛ, «Nui nwɔ taatɛlɛɛ pulunuą, kulɔ gboloyá yəi gaa mįnɛ̨? Nu kpɔ ə wɔɔ? A yai nwɔ Nįį-Mąąhəɠɛɛi tɛɛ bɔi?

Azaya 45:8

Yələkɔ́lɔn, 'tələnmolaa pu, yɛ həɠə yələi pələ yɛ nąnąąn, ɛlɛɛ, tulɔ kpinįnŋąą 'di tələnmolaa kpoloon naa lɔi mɛ̨i, lɔi, ə naaɓo, nu ɓalo mɛ̨nį, da tələnmolaa diɛ ɓɔn nąą a gee. Ɲą́ą́i a Yai-Laa, ɲą́ą́ ɓə nui tii pɛli.

Hanwon 1:23

'Ka pənə ka pa, 'ka nwɔ́ kilaa pɔ̨nɔ̨ wooi mɛ̨n! Akɛtii, gáá pai nwɔ́ Kilii tɛɛi ka pɔ, ŋą́ ka kilaa pɔ̨nɔ̨, ŋą́ gwə́i woo lɛ kaa.

Azaya 35:7

Powa yɛ hee ɓɛi kɛ nąą kpalaa kpɔ kən kən, yánwun ɲɛ kulɔ ɓɛi kɛ a kpələ wɛli lɔi, ɓɛi kɛ a kwɛni lɔi, mąą kaa pai pənəi a wɛla lɔi.

Mąątɛ̨nɛ̨ 107:35

A pɛli Ə lɔi pun ɉu kpalaa mąą pənə, a pɔwa lɔi kɛ̨nɛ̨, yɛ gbali lɔi pun ɉu kpalaa kɛ a ya nwun gulɔi.

Mąątɛ̨nɛ̨ 107:33

A pɛli ə yá kpɛa-kpɛa mąą pənə a lɔi pun ɉu kpalaa, ə yá nwun gulɔiɠaa mąą pənə a kpələ wɛli həɠə lɔi.

Ɉaan 7:39

Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Azaya 28:6

Yálá kaa pai kɛi a dələnmo kiti teemun kili, ə ɓo a nuąi gɔ́ kpɛi daa ɓa, di wɔ hu walawala.

Azaya 59:21

Yai-Laa yɛ diɛi: «Mįnɛ̨i kwa diɛni ku kaa pai ɉəɠəi, ya ka: Nwɔ́ Kilii kaa pai kɛi ká mɛ̨i, da nwooɠaai ŋį́ bu ə́ lá, di mąą hvo pai kwɛai ə́ laa lee ɓa, di mąą hva nwɔ̨nɔ̨ kwɛa ə́ lonnii laaləi ɓa, ə mą kɛ, ə́ lonnii di wɔɔ lonnii laaləi, ə həɠə yiihu ɓa, ɛlɛɛ kpɔ ɉu, wɔlɔ wɔlɔ ɓa. Yai-Laa woo li.

Izikiɛ 37:14

Ɓɛlɔwai gáá pai nwɔ́ Nɔ̨ɔ̨ tooi la ka hu, ka kɛ a ka hvulú, ɛlɛɛ, gɛ́ ka hee ka wɔ lɔi hu, ka gbaɠala kaa, nąąlɔwai, kaa diɛ, ɲą́ą́ ɓə gáá a Yai-Laa, ŋą́ mɛ̨nį ɓo, ŋą́ bɔ mɛ̨nį kɛ. Yai-Laa woo li.»