Azaya 32:13 - Yálá laawoo hɛɓɛ (dc)

¹³ Ɲąąlən gbɔlɔ kaa tɛi, nwɔ́ nu huwui nwɔ lɔi hu, yɛ tɛ gwəinɛ̨ɛ̨ kulɔ pɛlɛ́ɠaa kəlee mɛ̨i, yɛ tɛ ɉɛli pu taa hu.

Yálá laawoo hɛɓɛ

¹³ Ɲąąlən gbɔlɔ kaa tɛi, nwɔ́ nu huwui nwɔ lɔi hu, yɛ tɛ gwəinɛ̨ɛ̨ kulɔ pɛlɛ́ɠaa kəlee mɛ̨i, yɛ tɛ ɉɛli pu taa hu.

Bible

¹³ Kala nyɔ́mɔɔ-ŋa da kpɛtɛ naa, ǹaa kélee a kɛ́ a ɣalêŋ kpɔlɔ-ŋa. Ka wɔ́lɔ ká taa-lêei mɛ̂ni ma nyii ká kɛ̀ naa kákɛ lii-nɛ̃̂ɛ kulai.

Azaya 32:13 Referans Kwoze

Azaya 22:2

Kaa daa kwəi tin gulɔ lɔ, nu kəlee yɛ gɛ lɔ ɲɛnɛ̨ɛ̨ ɉuwu-ɉuwu, daa kəlee ə ɓo kwəinɛ̨ɛ̨ hu, lə ɓə kɛ? Ə́ wɔ nuąi daa haa, di hvo haa li a kɔ-kɔ-ɓɔwa laa pɔɔ, di hvo di paa li kɔ́ hu.

Osia 9:6

Diɛ ka pui di hu kala mɛ̨nį tɔwɔ, diɛ li di ɲąąkpɔn ɉii Eziptə, Mɛmfisə kaa pai kɛi a di kámą. Di yəi hɛngɔw kpɛa kpɛaɠaa kaa pai lɛɛi a kala kpili nwɔɔ, ɲąąlən gbɔlɔ yɛ lɔ di yəi bɛlɛ́nŋaa.

Azaya 34:13

Ɲąąlən gaa pai ɓɔn ɉii daaɠaa hu, tɛ̨ɛ̨tɛ̨ɛ̨ da didi-hɔ̨ɔ̨-hɔ̨ɔ̨ diɛ tiliin daa mąąkpɛ pɛlɛ́ɠaa mu, nąą a lɛɛ a goɓəɠaa pɛlɛi, haɉaliɠaa diɛ pɛlɛ laa.

Azaya 7:23

Yii pai kɛi a ɲələi tii, ya ɓaa: ɓɛi lɔpee viɲə kpaɠa nwun dɔɔi kaa pai kɛi laa waa dɔ̨nɔ̨, yɛ pɛli kɛi a wali kwələ waa tɔ̨nɔ̨, nąą a lɛɛ a ɓomodiliin da ɲąąlən gbɔlɔ.

Osia 10:8

Di kaa pai ɉali kɔ́iɠaa kalai, di di kulɔ laa, yii gaa a Israɛlə nwɔ nɛ̨ŋɛ̨n tii; ɲąąlən da ɓówolaaɠaa di kaa pai kulɔi ɉali kɔ́iɠaai tii diɛ, di kaa pai kɛi yeeɠaa diɛ: 'Ka ku mɛ̨i kpulu! Diɛ kɛ yee kpukpuɠaa diɛ: 'Ka too ku mɛ̨i.

Ɉeremi 39:8

Kalde nuą di nwɔ̨n bili dɔɔ pɛlɛ́ da nu kpɛa kpɛaɠaa di wɔ pɛlɛ́ɠaai hu. Di Ɉerusalɛmə mąąkpɛ hįį pu.

Azaya 6:11

Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»

Azaya 5:6

Gáá nąą kɛi a mąąwɛli lɔi, di hva kɛa mɛ̨i tee, di hva tumɔ kulɔ ɉu, ɲąąlən da ɓomodiliin mə pai ɓɔn ɉii laa, ɛlɛɛ, ŋį́ tɔ́n dɔɔ tulɔ kpinįnŋąą diɛ, di hva kɛa tulɔ pu mɛ̨i.

Mąątɛ̨nɛ̨ 107:34

Ə lɔi lɛlɛɛ mąą pənə a kwɛni lɔi, ɉu nuą kili ɲɔ̨nwɔ̨ pələ ɓa.

Azaya 5:10

Tíi ə mąn kɛnɛ̨ daną daną, mɔ̨nun mɔlɔ hveelɛ hva hɔlɔɓo ɉu, kəgən ɉu pow mɔ̨nun ɉuwu yɛ kulɔ a kəgən ɉu tɔ̨nɔ̨.»

Azaya 23:7

Akɛtii Ka wɔ taai, a gwəinɛ̨ɛ̨ kulɔ taai, ya ɓəi? A yai wɔlɔ daa dɔɔ ɉu aa kwɛai, ɛlɛɛ, yɛ li kwɛala lɔiɠaa hu, yɛ hee nąą mɛ̨i?

Azaya 23:9

Yai-Laa Mɛ̨nį Kəlee ŋą Hééɓomun ɓə, yili mąą kili tee gwəi, ɉɛnŋąąi diɛi tii da di mąąwiɛ, yɛ di wɔ kpɔwɔ ɲąą kɛnɛ̨ ɲɛ̨i paa yɛ ɓɛlɛkpɛɛ lɔi mɛ̨i nu kpɛa-kpɛaɠaa diɛ.

Azaya 24:11

Di kaa lɔɔ kwɛlii gwəliɠaa pɔ, kwəinɛ̨ɛ̨ mɛ̨nį kəlee aa kpɛɛ, kwəinɛ̨ɛ̨ kəlee aa kpɛɛ nɔi.

Azaya 27:10

Daai tii mąątínɛ̨n ŋąą, gaa pai lɛɛi dɔ̨nɔ̨ kon ɉu, a taatɛlɛɛɠaa laamįi kpomó, nɛɛi gbɔwɔ ɓa yɛ lɔi pun, nįŋɛ̨ lon gaa pai pai yɛ naa mįi laa; yɛ laa laa, yɛ wulu laaɠaa mįi.

Azaya 55:13

Towələ wuluɠaa kaa pai ɓɔn ɉii, ɓɛi ɲąąlən ə kɛ laa; tow yɛ kulɔ ɓɛi didi-hɔ̨ɔ̨-hɔ̨ɔ̨ ə kɛ laa, yili kaa pai kɛi a Yai-Laa laa tɛ mɛ̨nį, a gɔlɔn ɉɛn, a yələ kəlee da nwɔɔ, gili hva kpɛɛ nuą ŋą.

Ɉeremi 33:4

A tɛ̨ą, Yai-Laa Israɛlə nwɔ Yálái woo li, yɛ hvilɛn na daai ŋɛ̨i hu pɛlɛ́ɠaa diɛ da Ɉuda tɔɔɓɛlaa di wɔ pɛlɛ́ɠaai, diɛɠaai di puɔ a daa hvaną lɔwa pɔɔ da kɔ́ kɔ́ ɓɔwa.

Ɉeremi 52:27

Babilonə tɔɔmun ə mo, di di paa Rivla daai Hamatə lɔi hu. Bələ ɓə di Ɉuda nuą kulɔ la di pɔ lɔi, diɛ li a diɛ kwɛaa la luwɔlaa hu.

Osia 2:3

'Ka kɛ ka nąn nonnii diɛ: «Ami, nwɔ́ nu huwu», kaa ka mąąhalani diɛ: «Ruhama, nwɛli kɛmąą mun.»