Azaya 32:10 - Yálá laawoo hɛɓɛ (dc)

¹⁰ Kwɛlan dɔ̨nɔ̨ a tɛɛ hvóló taɠaa da laa mɛ̨i, ka mąą kaa pai kpɛlin ɉii, a kɛ tii kɛa daa kpɛɛ a mɔ̨nun deɛ, mɔ̨nun dee mɛ̨nį hva kɛa kɛ ɉu.

Yálá laawoo hɛɓɛ

¹⁰ Kwɛlan dɔ̨nɔ̨ a tɛɛ hvóló taɠaa da laa mɛ̨i, ka mąą kaa pai kpɛlin ɉii, a kɛ tii kɛa daa kpɛɛ a mɔ̨nun deɛ, mɔ̨nun dee mɛ̨nį hva kɛa kɛ ɉu.

Bible

¹⁰ Kálii lâai lonii ma, kɛ́lɛ kálii a pâi toôi pôlu kóraŋ tɔnɔ tɛɛ pôlu ma. Kákɔnɔ̃ŋ kélee a pâi kpɛɛ̂i.

Azaya 32:10 Referans Kwoze

Ɉeremi 8:13

Yai-Laa woo ka, yɛ diɛ: Gáá kwa diɛni ku lɔwai mɛ̨nį hutɔɔi tɔ̨nɔ̨; viɲə ɓá hvo kɛa ɉu; ɓɔɔlaa wuluɠaa ta ɓa hvo ɉu. Gəlee laa a kpala mą. Gáá di laakwɛlanmoi di hu kalamun ma.

Azaya 7:23

Yii pai kɛi a ɲələi tii, ya ɓaa: ɓɛi lɔpee viɲə kpaɠa nwun dɔɔi kaa pai kɛi laa waa dɔ̨nɔ̨, yɛ pɛli kɛi a wali kwələ waa tɔ̨nɔ̨, nąą a lɛɛ a ɓomodiliin da ɲąąlən gbɔlɔ.

Sofoni 1:13

Nuą da too di wɔɔ hɛngɔwɠaai hu, di di wɔɔ pɛlɛ́ɠaai wolo. Di kaa pai pɛlɛ́ɠaa tɔɔi, Kɛlaa, di hva lɔ mu. Da viɲə yɛa laa, Kɛlaa, di hva da ya kpələ.

Habakukə 3:17

Ɓolaa wuluɠaa di hvo kɛa ɓai, viɲəɠaa di hvo kɛa ɓái. Olivə wuluɠaa di hvo kɛa ɓái, tíi ta hvo kɛa lɛlɛi, ɓɛlaa hvo kɛa ɓɛlaa kwənąn ɉu, nįŋɛ̨ hvo kɛa nįŋɛ̨ gala hu.

Zooɛ 1:12

Viɲəɠaa daa kpɛɛ ɉu. Mɔɔlaa wuluɠaa daa hvilingbɛ ɲɛa wuluɠaa kəlee daa kpala. Grenadə wuluɠaa, tow wuluɠaa, daa pomə wuluɠaa kəlee. Nuą kwəinɛ̨ɛ̨ mɛ̨nįɠaa daa kpɛɛ.

Zooɛ 1:7

Aa nwɔ́ viɲə yɛai lɛɛ a gboloon. Aa nwɔ́ ɓɔɔlaa wuluɠaa hu hɛɓɛ́-hɛɓɛ́. Aa gəlee kɔ́lɔ mį́i mą. Nwonwo kəlee aa kpala mą.

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Osia 2:12

Gáá kɛa pai nwɔ nwumɛ̨ mɛ̨nįɠaai tooi pɔ̨nɔ̨ ɲą, nwɔ wɛliɠaa ɲɛ̨́i ɓa, ɛlɛɛ, nu ta hvo pai gulɔi ɲə́i.

Azaya 16:10

Kwəinɛ̨ɛ̨ da yɛlɛ woo daa kpɛɛ ɲeeɠaa nwuɔ̨, ɛlɛɛ, di hvo kɛa mąnąi, di hvo kɛa di yee lɔwai viɲə yɛɛɠaa hu, di hvo kɛa lɔɔ kulɔi, gwəinɛ̨ɛ̨ wələɠaa daa kpɛɛ.

Zooɛ 1:5

Lɔɔ gɛlɛɠaa! 'Ka nwun, 'ka ka wɔlɔ! Kaai kpɔ a lɔɔ kpələ nuą; 'ka ka woolaa. Mąąhɔlɔɓo, daa lɔɔ nįnɛ̨ kulɔ ka laamu.