Azaya 30:7 - Yálá laawoo hɛɓɛ (dc)

⁷ Gbɔnmąąi Eziptə kaa pai dɛɛi di pɔ, a kɛ lɔ a hvaŋą da kpɛli kpɛli, yili mąą mɛ̨nį ɓə ŋį́ naa hee la a Rahavə; hee kpɛli.

Yálá laawoo hɛɓɛ

⁷ Gbɔnmąąi Eziptə kaa pai dɛɛi di pɔ, a kɛ lɔ a hvaŋą da kpɛli kpɛli, yili mąą mɛ̨nį ɓə ŋį́ naa hee la a Rahavə; hee kpɛli.

Bible

⁷ Mɛni lɛ́lɛɛ da kélee fa kûla Ize lɔii ŋɔkpɔŋ mâai su. M̀ɛni ƃé ŋá yɛpɛ-làa sèe la m̀a. Maa lâai ŋí ƃa ‘Ŋ́gɔ-ŋgɔ Kali nyii ǹíi lɛ̂lɛi goi.’ ”

Azaya 30:7 Referans Kwoze

Azaya 2:22

Ka hvo ka kilitɔɔ nu ɓa, yai nwɔ yɛnɛ̨ɛ̨ ka lɔ nɔ̨w yəi, mɛlɛ kɛɛ nąą ɓaa mį?

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.

Woolaa 3:26

Viɛlaɓoɔi nu ə kilitɔɔmąąlaa kɛ laa pilɛ hu, yɛ Yai-Laa nwɔ nwun mąąɓo mąąkpɔn.

Azaya 7:4

ə́ mo mą, yɛ mą: «‹Ə́ líí laa yɛ́, hvo ɲɔw, ə́ líi hvo kulɔ yɛ́ gwɛi kpuwɔ hveelɛi ŋɛ̨i di mɛ̨i lulu kaa kulɔi mąą mɛ̨nį ɓa; diɛ ɓaa, Aramə tɔɔmun Resin da Remaliahu lon di wɔ liiholi kɛnɛ̨ɛ̨i.

Lɛɛ gbɔwɔ ɓa 14:13

Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Ɉeremi 37:7

yɛ mą; Yai-Laa Israɛlə nwɔ Yálái woo ka: «Ɉuda tɔɔmun ká tɔɔ mą́ą́nin kɛ mɛ̨nį ɓa, mɛ̨nįi ká líi moi mą, ya ka, ká kɛ mą: Eziptə tɔɔmun nwɔ kɔlaɠai tii həɠə Eziptə, yɛ pa ka mąąkpɔn mąąɓoi, gaa pai yalii bulu, yɛ pənə yɛ li Eziptə, ɓɛi ə həɠə laai.

Azaya 51:9

'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Azaya 30:15

Mąąhɔlɔɓo, mɛ̨nįi Yai-Laa ka wɔ Yálái, a Israɛlə nwɔ Mąąhəɠəmun ə mo ya ka: Ka ɓalo mɛ̨nį a kulɔ ka hɔn mąą pənə mɛ̨nį hu, kaa ka hvii tɔɔ, ka hvaŋą kaa liilaa hu, da kilitɔɔmąąlaa, Kɛlaa, ka hvo yili pɔ.

Azaya 28:12

Ə gbɛa mo diɛ, yɛ diɛ: Hviitɔɔ lɔwai aa həli, nui viikpɛɛ, ka nɛɛ laa ə vįitɔɔ, kɛɛnąą ɲąąlaɠiɛ ka.» Kɛlaa di hvo gɛ di hvo di wəli tɔɔ nwoo ɓa.

Zôo 9:13

Yálá a níiholi nu hva pɛli gbəlai bələi. Gboloyá hu huwɔ kpɛa kpɛa kəlee da pɛlɛ gɔwɔ mu.

Mąątɛ̨nɛ̨ 87:4

Gɔ́lɔ́n nuą lɔwai, ŋą́ Rahavə, Babilonə di laa ɓo. Da kɛ diɛi: Di nu yii kaa Filisti lɔi hu, di yii kaa Tirə lɔi hu, a wala kɛ tii Nubi lɔi hu.

Mąątɛ̨nɛ̨ 89:10

Yɛ́ ɓə ya gboloyá nwɔ kpɔwɔ ɲąąkɛnɛ̨ kpəla bələi, ɲáɠilin a muhəɠə a tɔɔ, Yɛ́ ɓə ya gɔlɔ haa mą.

Azaya 10:3

Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Azaya 20:6

Nɔiɠaa ŋɛ̨i hu nuą diɛ kɛa kɛ diɛ: «Nuąi ku ɲɛ̨i heɛ kɛ di pɔ pələ, kuɔ kɛ ku ku mąąkilɛ laa, diɛ kpɔnmąą tɛɛ ku pɔ, diɛ ku kulɔ Asiri tɔɔmun ɲəi, diɛ ka; kwa pɛli kɛa kulɔ pələ kɛi ləi ɉu?»

Azaya 30:5

Di kəlee di hvii kaa pai kpɛɛi nu huwui tii mąą mɛ̨nį hu, hvo pai hɛn da kɛi diɛ, hvo pai kpɔmąąi lɔpee tɛɛi di pɔ, di hvo pai tɔlɔi lɔpee hɔlɔɓoi ɲəi, ə kulɔ lɔ di nwumɛ̨ mɛ̨nį, da ɓɛlɛ kpɛɛ mɛ̨nį diɛ pulu.

Azaya 36:9

Yɛ́, yá pɛli gɛi nwɔ́ kilɛn-nąŋąlon daanɔ̨n gbən yɛ pu ə́ tɔwɔ, a námu nwɔ kɔ́ kuláa nogolo laamun da; yɛ́i ə́ kilitɔɔ Eziptə ɓa, ŋą kɔ́ kɔ́-wotoloɠaa, da ŋą hoo gilɛ həɠə nuą diɛ?

Hanwon 25:19

Nu ya ə́ kilitɔɔ pulu kulɔmun ma a kɔ́ yələ, gaa yɛ nu ɲin mɛ̨i yaliɛ, a wala kɛ tii, nu kɔ́wɔ tɔ̨nɔ̨ kpuaa.