Azaya 30:6 - Yálá laawoo hɛɓɛ (dc)

⁶ Mɛ̨nįi di naa həli Negɛvə huwɔɠaa diɛ. Di kaa tɛɛi mɔ̨nɔ̨ lɔi hu, da liihɛlɛn nɔi, a nɔi hu kpalaai, yala haa da yala hilɛ, tumu da yileen di taa ŋą, diɛ li a di yəi hɛn gɔwɠaa da di yəi waliɠaa, hoohvaalənŋąą mɛ̨i, da ɲɔɔmɛ̨ɛ̨ɠaa mɛ̨i, diɛ dɛɛ nu huwui dɔlɔ hvo pai həli Israɛlə ɓa, bɔ.

Yálá laawoo hɛɓɛ

⁶ Mɛ̨nįi di naa həli Negɛvə huwɔɠaa diɛ. Di kaa tɛɛi mɔ̨nɔ̨ lɔi hu, da liihɛlɛn nɔi, a nɔi hu kpalaai, yala haa da yala hilɛ, tumu da yileen di taa ŋą, diɛ li a di yəi hɛn gɔwɠaa da di yəi waliɠaa, hoohvaalənŋąą mɛ̨i, da ɲɔɔmɛ̨ɛ̨ɠaa mɛ̨i, diɛ dɛɛ nu huwui dɔlɔ hvo pai həli Israɛlə ɓa, bɔ.

Bible

⁶ Ŋ̀orɛ̂-wooi ká ŋí Ɣâla è dɛ̀ɛ é pîlaŋ Zuda lɔii kwára-pere fɛ̃ɛ-kpalaŋ su sua-ŋai dîai: “Diai díkaa a ǹɔii ŋɛ́i-gao-ŋai da tɛ̀ɛ lɔii-ŋuŋ nyɔ́mɔɔ-ŋa su. Ǹɔii ŋuŋ-ŋai ŋí lá-fɛ̂ɛi a yala-sûlu-ŋa, kali nyɔ́mɔɔ-ŋa da ŋ́gɔ-ŋgɔ kali-ŋa. Zuda láa túɛ-ƃela kpaya-kpayai dí díkɔ̃̂liŋ sɔ̃ɔ kpanaŋɔɔ-ŋa pù wɛlɛ-sôo-ŋa da soo-fáleŋ-ŋa pôlu dí lí a dia lɔii ŋuŋ da su-ƃela pɔ́ a sama-sã̂a nyíi-ŋai dífa pɔ̂ri kpɔŋ mâa da sɔlɔ ƃôi díyêei.

Azaya 30:6 Referans Kwoze

Dutɛrɔnome 8:15

Ya ɓə gɛ, kaa ɉiɛ kulɔ nɔi pun mąą ɲɔwuɔ kɛnɛ̨ɛ̨ hu, ɓɛi kaalə ɲɔ̨nwɔ̨ɔ̨ɠaa di kɛ laa, da ɲɔ̨ngaaləɠaa; ɓɛi kpələ wɛli a nu paa laa, yaa tii ɓə yá kulɔ kwɛni kpuwulu hu, yɛ tɛɛ a gboloon gɛnɛ̨.

Ɉeremi 11:4

Mįnɛ̨i tii ɓaa, yii ŋɛ̨i ŋį́ dɛɛ ka nąnni pɔ, diɛi ŋį́ di kulɔ Eziptə lɔi hu, huluun nwɔ̨n ɉu. Yili ɓa, ka ka wəli tɔɔ nwóó ɓa, kaa bɔ mɛ̨nį kɛ; yili pɔ pələ ɓə ka kɛ la a nwɔ́ nu huwu, ɲą́ą́n gɛ́ ɓo a ka wɔ Yálá.

Tɔɔɓɛlaa dɔlɔɔ 10:2

Ə pa Ɉerusalɛmə, nu kpulu kɛnɛ̨ yɛ ɓo bɔ, da ɲɔ̨nwɔmɛ̨ɛ̨ɠaa wulɔ kun nɛ̨ɛ̨ɠaa, da hɛni di ɓo kpɔ diɛ̨ hu kɛnɛ̨, da Kúwɔ́-kwɛni lɛlɛɛɠaa. Həlii nɛ̨ɛ̨nui tii ə mo Salomɔn ɓa, mɛ̨nįɠaa kpɔ kɛ mąą mɛ̨nį nwąnąą mą, ə gəlee ɓo.

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Maafîu 12:42

Yálá nwɔ kiti teei lɔwai, dɔɔnɛ̨ɛ̨nu ŋɛ̨i həɠə voló tooi pələ, a muhəɠə, ə tɔɔ, da háákələi nuą, əlɛɛ, ə gití kala diɛ. Mąąhɔlɔɓo, nɛ̨ɛ̨nui tii ə həɠə kpɔ lɔi kpɛlai, yɛ pa Salomɔn nwɔ kilimąą wooɠaai mɛ̨n ɉii. Yaan, nui ka káá gaai, gɛnɛ̨i dɛɛ Salomɔn ɓa!»

Osia 12:1

Ɛfraimə kaa gílí ɲąą pɛlɛi a lɛɛ, Israɛlə nwɔ pɛlɛ́i yɛ mówo, Kɛlaa, Ɉuda kaa ni Yálá pulu, ganąn ŋąą ni yələkɔlɔn ɉu Yálá ɓa.

Ɉeremi 2:6

Di hvo kɛli diɛ: «Yai-Laa tii ku kulɔ Eziptə lɔi hu, gaa mį? A yaai tii tɔɔ ku tɔwɔ nɔi pun ɉu, da gbalə lɔi hu, moloon nɔi tii hu, a nɔi hu kpalaa tii, yii gaa a nu nwun na pili lɔi, ɉu kpinɛ̨ɛ̨, a lɔi yii nu hva hee ɉu.»

Azaya 57:9

Ə́ kɛi li a gilɛ tɔɔmun bɔ pələ, wulɔ lɔɔ yɛ́, yɛ́ ə́ wɔ mąąti wulɔ kunnɛ̨ɛ̨ɠaa lɔ yɛ́ pɔlɔɔ pɔlɔɔ, yɛ́ nuą tɔɔ kpɔ kwɛala, bələ ɓə ə́ ə́ kpɔwɔ mąą yɛɛ la, kpɔ yɛ́ həli la ɲąmuą taa pələ.

Azaya 19:4

Ŋą́ Eziptə too ɲąąwooɓo kɛ nuą kili wala-walaaɠaa yəi, nwąnąlɔ tɔɔmun da a hee di mɛ̨i, Ɲą́ą́ Nąmu Yai-Laa Mɛ̨nį Kəlee ŋą Hééɓomun, nwóó li.

Azaya 15:7

Ɉɛn gɔw woloi ni gaa di yəi, di kaa diɲɛ̨i Mɛlɛ kpulu mu yá pulu pələ.

Azaya 8:22

Ɛlɛɛ, di di ɲɛ̨i hee lɔi ɓa pələ, kwəi pili, mɔ̨nɔ̨ da kpinį lɔ ɓə di kaa pai kɛi gaai, kpinį huwui a nu lii kulɔ mą kpinįi da nu pili ɉu.

Kɔlɔnikɔ Veerɛi 16:2

Asa ə wali da hɛni həɠə Yai-Laa ŋą hɛngɔw kpɔlɔi hu, ɲəi bɛlɛ́n, da tɔɔmun ɲəi ɉɛngɔw kpɔlɔ hu, dɔɔ pɛlɛ́ mu; ə dɛɛ Aramə tɔɔmun Bɛn-Hadadə ɓa Damasə, yɛ mą:

Kɔlɔnikɔ Veerɛi 9:1

Saba tɔɔ nɛ̨ɛ̨nui ə Salomɔn laa pələ mąn. Nɛ̨ɛ̨nui tii ə pa Ɉerusalɛmə, Salomɔn hukɔɔn mɛ̨nį ɓa, a hanwon ɉukpinɛ̨ɛ̨ɠaa, nu kpulu kɛnɛ̨ ə ɓo bɔ da ɲɔ̨nwɔ̨mɛ̨ɛ̨ɠaa. Di tiɛ̨ ə kɛ a hɛn gunnɛ̨ɛ̨ɠaa, hɛni kpɔ kɛnɛ̨ da Kuɔkwɛni lɛlɛɛɠaa. Ɉəliɛ Salomɔn ɓa, mɛ̨nįi kpɔ kɛ gwəi, ə gəlee ɓo mą.

Dutɛrɔnome 17:16

Ka wɔ tɔɔmun gbɔ, mąą hvo nɛ̨ɛ̨li hoo kpulu kɛnɛ̨ hvo kɛ ɲəi, hvo kɛ gaa nuą tɔɔi Eziptə lɔi hu hoo kpulu kɛnɛ̨ ya mɛ̨nį ɓa. Mąąhɔlɔɓo, Yai-Laa ə kɛ kaa: «Ka hvə kpɔ kɛa pənə ka hvo ɉon a Eziptə lɔi hu pələi tii tɔ̨nɔ̨ kpɛli.»

Lɛɛ gbɔwɔ ɓa 1:14

Di yii kpəlin di la, a kóló walawalaɠaai di kɛi naa diɛ; diɛ ləɠi-pɔlɔ kulɔ diɛ gɛ a pɔlɔkɔw, diɛ ɓə kɛi di yəi ɲɛa kɛ, diɛ kóló huwu lɔpee laa di mɛ̨i a nwąnąlɔ pələ.

Zɛnɛse 12:9

Yili pulu, Abramə ə kɛi tɛɛ ɲɛa kɔ́ɔɠaa hu, yɛ li Negɛvə pələ.

Lonon mo 21:8

Yai-Laa yɛ Moisə ɓa: «Kaalə mąą nįnįn bɛli a kwɛli, ə ɉɛlɛn wulu gbiɛ ɓa. Nui lɔpee gaaləi tii ta a ɲin, a nwun muhəɠə a ɲɛ̨i hee mą, a ɓalo.»

Azaya 5:30

Kɛlaa mąą hvólói tii, da tómą mɛ̨i, ə ɓo yɛ gboloyá a kɛi huluun, da di ɲɛ̨i hee nɔi mɛ̨i, ɉɛn da gaa, ya ɓaa kpinį, da mąąwɛli mɛ̨nį, hvóló hu a kpinį a nąląąn ɉu wiaa.

Azaya 14:29

Filisti lɔi pilɛɛ gee mɛ̨i, 'hvó tɔɔ yɛ́ kɛ ə́ kaa kwəinɛ̨ɛ̨ kulɔi, gbɔn kɛi ə́ kɛlɛ, ɉuyali mɛ̨nį ɓa, mąąhɔlɔɓo, tumo kaa pai kulɔi kaalə kpuwɔ hu, gbaatow-gbono kaa pai kulɔi tumo hu yɛ koon.

Azaya 35:9

Nu da yala di hvo pai kwiɛn ɉii laa, lɔwɔ huwɔ kpəɠiɛ ta lɔpee hvo pai gɔwɔ hvilɛn ɉii mɛ̨i, di hvo pai da kaai laa; nuąi a Yai-Laa yee pɔ nuą, diɛ ɓə pai kɛi tɛɛi a bələi tii.

Mise 6:14

Yɛ́, ə́ kaa pai kɔ̨nɔ̨n mįi, hva pilɛi, pulu kaa pai ɉeei kulɔi nɔi hu, ə́ kaa pai kɛi hɛn naai ə́ kwɛlɛ, Kɛlaa hva pɛli naa hɔ́n moi, yii ə́ kaa pai naa hɔ́n moi, ŋą́ gɛ a kɔ́ kɔ́ ɓɔwa kɔ̨nɔ̨n.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Zôo 39:11

Ə́ kaa mɔ̨ɔ̨ pai ə́ kilitɔɔi nwɔ huwalawala ɓa, yɛ́ ə́ kɛ koló kəlee lɛɛ ma?

Osia 12:2

Ɛfraimə kaa goo laahvɛɛi a hvaŋą, a túwɔ́ gilɛ həɠəi kpɛli kpɛli mɛ̨nįɠaa pulu, yɛ, lɛɛ da hulu mɛ̨nį di tiɛ̨ lɔ gee mɛ̨i, da Asiri di kaa mįnɛ̨ həɠəi, yɛ wulɔ tɛɛ Eziptə pɔ.

Zakari 6:6

Nwotoloi tii kɛ ɲiliɛ ɉootɛɠiɠaa diɛ, ə li ɲələi pələ, ɉoo kwələɠaa də li voló tooi pələ, ɉoo pɛ̨ɛ̨ɠaa di li ɉɛɠɛɛ pələ.