Azaya 30:18 - Yálá laawoo hɛɓɛ (dc)

¹⁸ Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Yálá laawoo hɛɓɛ

¹⁸ Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Bible

¹⁸ Maloŋ-kâa káa Yâwɛɛ yêei kámɛni ma. A ŋ̀wɛ̂lii é kámalôŋ káa, kpɛ́ni fêi, pɔara-mâa fé gɛ́-mɛni da kélee su. Lûwa káa diai dîa díkili tɔɔ-maai kélee káa Yâwɛɛ mai.

Azaya 30:18 Referans Kwoze

Piɛrə veelɛ 3:9

Ną́mu Yálá nwɔ mįnɛ̨ həɠɛɛ hu hvo kwɛa li yɛ pələi nu taɠaa da kɛ di kiliŋąhiɛi la, diɛ kɛ mą: Hvo pai ɉa. Kɛlaa, nii ɓə aa naa nuą pɔ, hvo bɔ nu tɔ̨nɔ̨ kpɛli nwun na hvo pili, kɛlaa, gaa bɔ nu kəlee di tinɛ̨n di həɠə mɛ̨nį ɲɔ̨n bulu.

Hanwon 16:20

Nui a giliŋąhiɛ yɛ mɛ̨nį ɓo, a kulɔ ɉu a nɛlɛɛ. Nui nwɔ̨nɔ̨ a nɛɛ ɲəi kɛ Yai-Laa ɓa, nwun na nɛ̨ɛ̨ lon ni.

Azaya 8:17

Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Mąątɛ̨nɛ̨ 34:8

Yai-Laa nwɔ malaka kaa tɔɔni, nuąi da ɲɔw mą di kwɛlɛ, ɛlɛɛ, yɛ di kulɔ mɛ̨nįi.

Piɛrə veelɛ 3:15

Ka gɔlɔn kaa diɛ: Gu Ną́mu Yálá nwɔ liilaa hu kwɛa ti ɓə a ka wɔ nwun mąąɓo. Giliŋąhiɛi ti ɓə gɛ, gu kaayɔwɔ da gu wɛlikɛmąą mun Polə yɛ hɛɓɛ́ tɛɛ la kaa, yɛ pələi Yálá ə mąą kili tɛɛ la bɔ.

Lukə 15:20

Yili pulu, ə muhəɠə, ə pənə yɛ li nąn bɔ. «Gɛɛ nii kwɛaa la, nąn ə gaa, mąąwɛli ə ɉon gbɔ kɛnɛ̨. Ə gilɛ həɠə yɛ li non naakwiɛn ɉii; ə nɛ̨nɛ̨ɓo, ə wolo mą.

Azaya 55:8

Ka kwəi kiliɠaa di hvo yɛ gwə́i kiliɠaa, ka yii pələɠaa di hvo yɛ wɛ́iɠaai, Yai-Laa woo li.

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Azaya 33:5

Mąąwiɛ kaa Yai-Laa ɓa, mąąhɔlɔɓo, gaa heeni yələi pələ; aa Siɔn laahvɛɛ a tɛ̨ą mɛ̨nį da tələnmolaa.

Lomaŋ 9:22

Bələi mąn, Yálá ə kɛ la bɔ ə nwɔ lííholi lɛ, di nwɔ huwalawalaa kɔ́lɔn; ə yili lɛɛ laa, nuąi mąąnɛ̨ɛ̨ kɛ ə niiɲąnwąną di pɔ, diɛi kɛ di nwun na pili pələ mɛ̨i, ə nii kpələ, ə ɲee hee di mu,

Ɉeremi 17:7

Kɛlaa, nui a gilitɔɔ Yai-Laa ɓa, lúwɔ́ kaa mą. Yai-Laa a kɛ a gilitɔɔi.

Zĩi 5:11

Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.

Azaya 5:16

Yai-Laa Mɛ̨nį Kəlee ŋą Hééɓomun laa kaa pai tɛi, nwɔ kiti tee pələ hu, Yálá mąąhəlɛɛ kaa pai gbɔwɔ lɛi a mąąhəɠɛɛ ɉaŋą pələ hu.

Samuɛlə dɔlɔɔ 2:3

Ka hvo ka nwun dɛɠii hvaa ɓo lɔ tii, tɛɠɛɓo ɉu woo hvo kulɔ ka la. Yai-Laa kaa a Yálái mɛ̨nį kəlee kpaɠala kaa mą, ya ɓə a nuą kɛ mɛ̨nįɠaa kiti tee.

Ifisiɛŋ 1:8

Yálá ə gu pilɛ a ɲəi mɛ̨inɛ̨ɛ̨, a mɛ̨nį kɔlɔn gili, da kilikɛɲəi laa.

Lomaŋ 5:20

Dɔ́n ə pa, nɛ̨ŋɛ̨n mąą ponoi. Kɛlaa, ɓɛi nɛ̨ŋɛ̨n ɉu ə kɛnɛ̨ laa, Yálá nwɔ mɛ̨inɛ̨ɛ̨ gboloon ə laa laa.

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Lukə 2:25

Nąąlɔwai hulɔnu ta ə kɛ Ɉerusalɛmə daai, diɛ kɛ naa ɓa Simeɔn. Ɉulɔnui tii ə kɛ a nu yii ɉɔn nɛlɛɛ, ə lɛɛ, yɛ ɲɔ̨w Yálá ɓa, ə kɛi Israɛlə nwun mąąɓomun mąąkpɔn; Kili-Mąąhəɠɛɛ ə kɛ mɛ̨i.

Malasi 2:17

Ka wɔ woo hukulɔ tamąą a kɛ Yálá hvįikpɛɛi. Kɛlaa, a kɛ lɔi tii, kaa kɛ mą: «Lə mɛ̨nį ɓə kwa kɛ viikpɛɛi ɉu?» Kɛi ŋɛ̨i ka mo mą: «Yálá ɲɛ̨i lɛlɛɛ hee mɛ̨nį, mɛ̨nį ɲɔ̨n gɛ mun ma, yɛ nu taaləi tii mąątɛ̨nɛ̨.» Káá kɛ nwɔ̨nɔ̨ mą: «Tələnmo Yálá wɔɔ?»

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Lɛɛ gbɔwɔ ɓa 34:6

Yai-Laa ə tɛɛ Moisə lííla, yɛ mą: «Náá ɓaa a: Yai-Laa, ɲą́ą́ ɓə a Yai-Laa. Gáá a Yálá líi nɛ̨ɛ̨ gwəi, ɲɛ̨imąąwɛli kaa Yálá, yai níí hva holi ɉa, yɛ kulɔ nwoo ɓa, a tɛ̨ą ɓo Yálá.

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Osia 5:15

Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Azaya 18:4

Mąąhɔlɔɓo, Yai-Laa ə kɛ mą́ą́: «Gáá pai lɛɛi heeni ɉééi, gɛ́ kɛɛ kaa, ɉéɛ kpɔ kpɛ, yɛ bələi hvóló tɛɛ nwun mą wəleen gɛnɛ̨i la, gbaalən ə ɓo mą; yɛ bələi lɔ luwu luwu a pɛlɛ la mɔ̨nun deei lɔwai.»

Mąątɛ̨nɛ̨ 99:4

Tɔɔmun a tələnmolaa wɛlilakɛ, yili ɓə vaŋą kaa ɉu. Yɛ́ ɓə tələnmolaa, da kiti haŋąą di pɛli Ɉakɔbə nwɔ lɔi hu!

Mąątɛ̨nɛ̨ 84:12

Mąąhɔlɔɓo, Yai-Laa nwɔ́ Yálá kaa a hvoló, Yɛ ɓo a nu mąą kpɛ gbanąn, Yai-Laa a nu kɔ́ a nɛ̨ɛ̨laa, da ɲɛ̨i pɔ̨nɔ̨. Nuąi da hiɛ a ɉaŋąą, hva di kunwɔ̨ a nwun nąnɛ̨ɛ̨.

Zôo 35:14

Kɛlaa, yá ə́ liikpələ, yɛ́ kɛ diɛ hva gaa, yɛ́ diɛ; yáá ə́ mąą mɛ̨nį kəlee hukulɔ mą, ə́ kaa kɛa nąą mąąkpɔn ɉii.

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Osia 2:14

Díi tii, da nwɔ ɓawuluɠaai tii ə kɛli kɛ di mąą mɛ̨nį ɓa: «vɛ́lai nwɔ́ wɛliɠaa di dɛɛ bɔ́, ya ka», ŋį́ di hu kala, gɛ́ di mąą pənə a kpomó, lɔwɔ huwɔɠaa diɛ nąą kɛ a di kɔ̨nɔ̨n gwɛlii.

Azaya 42:14

Ŋą́ą́ lamun heeni tin, və́ kɛli hvaa, gɛ́ ɉu hon, gɛ́ ɲiŋɛ̨, vínna yɛ tɔ́n, yɛ nɛ̨ɛ̨nui gaa kwəinwąną kɛi, nɔ̨ɔ̨ heɛ lɔ gə́ŋə hu gɛ̨ɛ̨ gɛ̨ɛ̨.

Azaya 40:31

Kɛlaa nuąi da di kilitɔɔ Yai-Laa ɓa, di hvaŋą ta lɔ ɓə a pɛlɛ mą, da kɛ yɛ da kɛi koon, yɛ kuwɔ́ɠaa, diɛ gilɛ həɠə, di hvii hva kpɛɛ, di kaa lɔ hiɛi, di kɔ́wɔ hu hva haa.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 28:17

Mɛ̨nį haŋąą ɓə pai kɛi a bɛlɛ́ kɔ́ɔn ɲɛli, tələnmolaa ə ɓo a ɉaŋą hɛn, ka mąąkilɛ pɛ́lɛ́i a lɛɛ, hanwon gaa pai ɉukalai, ɓɛi ka káá pai ka mąąkilɛi laa, yá hvɛɛ a nąą həɠə.

Azaya 33:2

Yai-Laa! 'Ku ɲɛ̨imąąwɛli kaa, yɛ́ ɓə ku kilitɔɔ yɛ́; ku hvaŋą lɔ a yələɓɔ pələ tɛi tɛi kəlee; yɛ́ ku nwun mąąɓo mɛ̨nį kpɔluɔ hu.

Azaya 42:16

Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Azaya 48:9

Kɛlaa náá mąą mɛ̨nį ɓa, gáá nwɔ́ liiholii yalii bulu, gáá ɉu hon ɉii, mą́ą́wiɛ mɛ̨nį ɓa, ə́ mąą mɛ̨nį hvəi; və́ pa nee ə́ mąą mɛ̨nį kulɔ níí hu,

Azaya 61:8

Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.

Azaya 64:4

Nui gwəinɛ̨ɛ̨ mɛ̨nį ɓaa a təlimo yii ɓoɔ, da nuąi ə́ wɔ pələɠaai mɛ̨i, diɛ di kilitɔɔ yɛ́, da ka diɛni ka kwiɛn a Yɛ́. Ɓɛ kaa, Yáá ə́ líiholi, mąąhɔlɔɓo, kwaa həɠə bələ mɛ̨i, tɔwɔ tɔwɔ pələɠaai tii mɛ̨i ɓə, ku kaa pai ɓalo hɔlɔɓoi laa.

Ɉeremi 42:7

Hvóló pow kulaa ɉu, Yai-Laa woo ə həli Ɉeremi ɓa.

Danîa 12:12

Lúwɔ́ lonnii ɓaa nuąi pai mąąkpɔn gɛi, ə lɛɛ la ɉu, di həli voló waa tɔ̨nɔ̨ pulu nwun ɉaaɓa ɲee haaɓa gɔw lɔɔli (1335) ɓa.

Osia 1:7

«Ɉuda nwɔ pɛlɛ́i nwɛi, ŋą́ nwɛlilakɛ, gɛ́ di nwun mąąɓo, ɲą́ą́ Yai-Laa di wɔ Yálái, və́ pai di nwun mąąɓoi a kilɛn, a wala kɛ tii kɔ́ kɔ́ ɓɔwa, a wala kɛ tii a kɔ́, ə mą kɛ hoo da hoo mɛ̨i kɔ́ kɔ́ nuą.»

Azaya 57:16

Mąąhɔlɔɓo, və́ pai hvaa pɛlɛi kaa a yələ kəlee mɛ̨nį, və́ pai kąną ɉii ŋą́ lii hvolii ɓa, ŋą́ gɛ nəi tii, nuąi ŋį́ di pɛli, di nɔ̨ɔ̨ da di nį́į́ a nəi kulɔ di hu.