Azaya 30:13 - Yálá laawoo hɛɓɛ (dc)

¹³ Yili ɓa nɛ̨ŋɛ̨n tii kaa pai kɛi kaa, yɛ pɛlɛ́ nwąnąi a ɓɛla donna, yɛ wɛan mą lɔ tanɔ̨n, yɛ pu nɔi ɓa.

Yálá laawoo hɛɓɛ

¹³ Yili ɓa nɛ̨ŋɛ̨n tii kaa pai kɛi kaa, yɛ pɛlɛ́ nwąnąi a ɓɛla donna, yɛ wɛan mą lɔ tanɔ̨n, yɛ pu nɔi ɓa.

Bible

¹³ Kákaa a mɛni nyɔ́mɔɔ kɛ́-ƃela. Kákaa yɛ̂ɛ pɛ́rɛ kâŋ nyii wôloi zu perei. Ŋa pâi kásu-karâi a maa félaa.

Azaya 30:13 Referans Kwoze

Azaya 29:5

Ə yowoɠaa kpulu kaa pai kɛi yɛ lɛɠɛ hunwɔ̨, Ə́ mɔ̨nɔ̨ɓo tɔɔɓɛlaa kpulu a kɛ yɛ mɔ̨nun galai hvaŋą kaa líila. Ɛlɛɛ kpɔlɔ ɲąą ɓa,

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Mąątɛ̨nɛ̨ 62:3

A tɛ̨ą, yaa lɔ ɓə a málo kwɛni, Mą́ą́kpɛ táá wala wala, mą́ą́ hva pɛli kpɛlin ɉi.

Tɔɔɓɛlaa dɔlɔɔ 20:30

Nuąi yiiɠaai pu, di li di mąąkilɛi Afɛkə, daa mąąkpɛ hį́i ə pu di mɛ̨i, nuą tii, di kɛ a nu waa pow hveelɛ kɔ́w mɛ̨ihveelɛ. Yii ɓaa Bɛn-Hadadə nwɛi, ə pu, ə tɛ taai, ə li ə mąąkilɛ pɛlɛ́ lon da mu.

Lukə 6:49

Kɛlaa, nui gaa nwóó mɛ̨n ɉi, hvo bɔ mɛ̨nį kɛi, gɛ pələ kaa yɛ: hulɔnu ta, yii ə nwɔ pɛlɛ́ tɔɔ lɔi talan ma, hvo gɔwɔ hvilɛn kpaan, ɓɛlɔwai tulɔ kɛnɛ̨ ə pu la, ya ə hvɛɛ ə tɛ bɛlɛi tii ɓa, ə bɔ kulɔ, bɛlɛ ə pu kpɔ tɛ̨ɛ̨tɛ̨ɛ̨?.»

Maafîu 7:27

Ɓɛlɔwai hvaŋą ə dɛɛ la, tulɔ ə pu, ya ə hvɛɛ, bɛlɛi tii pɔ ə kulɔ, ə pu. Ə kala kpɔ tɛ̨ɛ̨tɛ̨ɛ̨?.»

Zôo 36:18

Ə́ kpɔɔ hon, ə́ gɛ liiholi hvo ə́ lɔ mɔ̨nɔ̨ hu, ə gɛ mɔ̨nɔ̨ kɛnɛ̨ pələ hvo ə́ həɠə bələ mɛ̨i.

Mąątɛ̨nɛ̨ 62:4

Ka káá pai lɛɛi kpuluun ɉi, ka kəlee, nu tɔ̨nɔ̨ paa mɛ̨nį ɓa, ə lɛɛ ɉu mįnɛ̨ lɔwai ə həli la? Yɛ pɛlɛ́ nwąnąi aa hviən, da kɛi bu, a wala kɛ tii, yɛ kumún yɛ ə pui?

Hanwon 6:15

Yili mąą mɛ̨nį ɓa, gaa pai tooi lɔ tii kpulun, doo pələ kaa pai ɲɔ̨nwɔi, ɉu a yali ɉali hva kɛ.

Azaya 22:14

Yai-Laa Mɛ̨nį Kəlee ŋą Hééɓomun, yai ɲee a pɛli mɛ̨nį kəlee ɓa ə mɛ̨nįi ŋɛ̨i ɓo mą́ą́, yɛ mą́ą́: Nɛ̨ŋɛ̨n tii hvo pai kulɔi kaa a yələ ta, hvo kɛli ka haa. Nąmu Yai-Laa Mɛ̨nį Kəlee ŋą Hééɓomun, yai ɲee a pɛli mɛ̨nį kəlee ɓa aa gwɛla.

Azaya 26:21

Mąąhɔlɔɓo, Yai-Laa ka ɲɛ̨́i kulɔi ɲəi bɛlɛ́n yɛ lɔi mɛ̨i nuą kəlee mąąni kɛ di hɔn mą. Ɛlɛɛ lɔi kaa pai ɓaɠii a ɲąmą, nuą di di paa, hva kɛa di loo.

Azaya 30:26

Ɲąnin gaa pai kɛi lən ɉi yɛ hvóló, hvóló lən yɛ kɛnɛ̨ geemɛ̨i mɛ̨ihveelɛ, yɛ kɛ yɛ hvóló mɛ̨ihveelɛ ŋą kɛɛ pɔ̨nɔ̨ a pɛlɛ gee ɓa, gaa pai kɛi tii a ɓɛlɔwai Yai-Laa kaa pai nwɔ nuąi di wɔ palaɠaai hali kɛi la, di haɠai di mo, yɛ bala hali kɛ.

Azaya 47:11

Mɛ̨nį ɲąąnwąnąą pai laai yɛ́, hvó pai pɛli mąą laai, ə́ kala mɛ̨nį kaa pai həlii yɛ́, hvá pɛli ə́ mąąkɔ̨nwɔ̨i ɲəi, gaa a tɛ̨ą, mɛ̨nį ɲąąnwąnąą kaa pai həli lɔ yɛ́ ə́ tɛɠii.

Azaya 48:3

Mɛ̨nį tɔlɔɔɠaai tii daa tɛɛi, ŋį́ di lɛɛ kpɔ kwɛaa la, ŋį́ mo, bələ ə kulɔ ná, ŋį́ ɉukulɔ, ŋį́ gɛ́ tii kɛ ɉu, di pa lɔ nu kəlee tɛɠii.

Azaya 58:12

Ə́ haalai, di kaa pai pənəi diɛ taa kpoloonŋaa tɔɔ, pɛlɛ́ɠaai daa di hvilɛn ɉu aa kwɛa, yɛ́ ɓə pai di tɔɔi, di kaa pai ə́ laa heei a: «Hį́i kpoloon dɔɔmun, a nui a kwəli mu həɠə, nuą diɛ hee laa.»

Azaya 65:7

Ka wɔ túwɔ́ pələ ɲɔ̨n, da ka nąnni di wɛiɠaai, ŋą́ gwələ kulɔ a gee, Yai-Laa woo li. Nuąi kɛi nwulɔ kun nɛ̨ɛ̨ɠaa kələn ɲeeɠaa nwuɔ̨, diɛ mɛ́lɛ too la tii, ɲee kpukpuɠaa mɛ̨i, gáá pai bɔɔ kulɔi diɛ, yɛ bələi wɛi di kɛi túwɔ́ la.