Azaya 3:7 - Yálá laawoo hɛɓɛ (dc)

⁷ Nąąlɔwai, yili kaa pai kɛi mą: «Wululaa kɛmun vaa a ɲą́ą́, kɔ̨nɔ̨n, həɠə da hvo ɲə́i bɛlɛ́n; ka hva pɛli gɛ́i a nɔi ɲąąwooɓomun.»

Yálá laawoo hɛɓɛ

⁷ Nąąlɔwai, yili kaa pai kɛi mą: «Wululaa kɛmun vaa a ɲą́ą́, kɔ̨nɔ̨n, həɠə da hvo ɲə́i bɛlɛ́n; ka hva pɛli gɛ́i a nɔi ɲąąwooɓomun.»

Bible

⁷ Kɛ́lɛ a pâi m̀ôi m̀a, ǹyɛɛi, “M̀ɛnii ŋí maa pɔ̂ri fé ḿî. Ḿaa seɣe fé m̀a, mii-sɛŋ da fé ńyêei. Káfe ŋ́gɛ̀ a kálaa túɛ-nuu.”

Azaya 3:7 Referans Kwoze

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Izikiɛ 34:4

Daatɛlɛɛ yiiɠaai kɛ di hviikpɛɛ, ka hvo di hvaŋą lɔ li; yii ɲɔ̨n ə kɛ mą, ka hvo ɉali kɛ li, yii kɛ gɔwɔ yaliɛ, ká hvo nąą yili li, yii kɛi li nwun ma, ká hvo hee li mą, hvo pənə hvo pa, yai kɛ aa pili, ka hvo gwɛli li. Kɛlaa, kaa wɔ ɲąąwooɓo laa kɛ a wea, a nuą hvinna tɔ́n bələ.

Woolaa 2:13

Lə kpɔ ɓə ŋą́ ə́ kɔ́ɔn mą? Lə kpɔ ɓə gulaa yɛ́; Ɉerusalɛmə, taalee lɛlɛɛ? Gbɛɛ ɓə pai ə́ mąąkɔ̨nwɔ̨i, ə́ ə́ laapilɛ, taalee lɛlɛɛ? Mɛ̨nii naai yɛ́, ɉu kɛnɛ̨i yɛ gboloyá; Gbɛɛ ɓə a pɛli ə́ ɓaloi?

Ɉeremi 14:19

Yai-Laa, akɛti, yáá mɔ̨ɔ̨ lənə Ɉuda ɓa? Siɔn wɛli hvo mɔ̨ɔ̨ kɛa yɛ́? Ə́ kaa ku mąą nwąnąąi ɉalə hvo mą! Lə mɛ̨nį ɓa? Ku kɛi kɔ́lɔi pɔ̨nɔ̨ mąą kpɔn, ya ka ku hvo nɛlɛɛ kaa li! Ku ɲɛ̨i ə kɛ ku kulɔ ɉu hvóló tɔwɔ, ya ka ku mąą ɲɔw hɛn mə pa.

Azaya 58:12

Ə́ haalai, di kaa pai pənəi diɛ taa kpoloonŋaa tɔɔ, pɛlɛ́ɠaai daa di hvilɛn ɉu aa kwɛa, yɛ́ ɓə pai di tɔɔi, di kaa pai ə́ laa heei a: «Hį́i kpoloon dɔɔmun, a nui a kwəli mu həɠə, nuą diɛ hee laa.»

Dutɛrɔnome 32:40

Ŋą́ą́ ɲéé tɛ, gɛ́ gwɛ́la a yələkɔlɔn gɛ́ diɛ: ‹Akɛ kpɔ gáá a vúlu a yələ kəlee!›

Zɛnɛse 14:22

Abramə ə nwoo ŋąąpənə yɛ mą: «Ŋą́ą́ ɲee tɛ Huwalawala Kəlee Nąmu Yálá ɓa, yai yələkɔlɔn da lɔi di pɛli,

Zooɛ 1:16

Kɛlɛi gu ɲɛ̨i ɓa ɓə kɔ̨nɔ̨n ə kpɛɛ laa-ee! Ɛlɛɛ, guɔ Yálái hee pɛlɛ́ mu, ɲąą nɛ̨ɛ̨ da kwəinɛ̨ɛ̨ di mąą ə kwɛa nąą ɓa-ee.