Azaya 3:26 - Yálá laawoo hɛɓɛ (dc)

²⁶ Siɔn taa kaa pai ɲiŋɛ̨i, yɛ nwoo laa; a lɛɛ a ɲee howolo, ə ɓo heeni lɔi ɓa.

Yálá laawoo hɛɓɛ

²⁶ Siɔn taa kaa pai ɲiŋɛ̨i, yɛ nwoo laa; a lɛɛ a ɲee howolo, ə ɓo heeni lɔi ɓa.

Bible

²⁶ Wɔ́lɔ-woo da maloŋ-too maa da pâi kɛ̂i ŋɔsĩɣaŋ-ŋai lá. Daa-lêei ǹyaa kpîŋ a pâi kɛ̂i yɛ̂ɛ da nɛyaa maa kpôloŋ dí dí sée muluŋ su.

Azaya 3:26 Referans Kwoze

Woolaa 2:10

Siɔn halakpɛla nwɔ kalanɉonŋaa di kaa heeni pɔ́lɔ hu, di mɛ̨i haa tin. Daa muluun gbala pu di nwuɔ̨, daa ɓíi haɠa too di kwąną. Ɉerusalɛmə nɛ̨ɛ̨lɛa daa di nwun vilɛn a nwumɛ̨.

Ɉeremi 14:2

Ɉuda kaa wɔlɔi, nwɔ taaɠaai kaa kpalai. Di ɲɛ̨i mąą aa liɓi, di nwun vilɛn ŋąą nɔi ɓa pələ. Ɉerusalɛmə taa yɛ wɔlɔ kpɔ hɔɔ.

Woolaa 1:4

Siɔn daa pələɠaa kəlee daa kpɔlɔɔn. Nu ta hvo kɛa lii laa hɛli ɓa. Gwəli hɛ̨ąiɠaa kəlee daa kpɔlɔɔn. Ɉaláá laa həli nuą diɛ di woolaa. Siɔn halakpɛlaɠaa kwəi aa pili diɛ. Siɔn aa lɔ liikələn gwəi hu.

Zôo 2:13

Di lɛɛ heeni Ɉobə kwɛlɛ hvóló mɛ̨ihveelɛ da kpinį mɛ̨ihveelɛ yeemu, di ta hvo pɛli hvaai, mąąhɔlɔɓo, mɔ̨nɔ̨i ti Ɉobə ə kɛi mįi, ɲɛ̨i kɛnɛ̨i kɛ.

Lukə 19:44

Di kaa pai ə laɠan ɉii nɔi ɓa, yɛ́ ka ə́ kwəi lonnii, di hvo kpɛli pai kwɛni lɛɛi ɓɛ kwɛni mɛ̨i. Mąąhɔlɔɓo, hvó ə́ ɓalo yələ kɔ́lɔn ni.

Izikiɛ 26:16

Gboloyá hu tɔɔɓɛlaa kaa pai həɠəi di wɔ tɔɔ kpəlinŋaai mɛ̨i, di di wɔ gbaawiiɠaai kulɔ di kwąną, di di wɔ həɠə ɲɛ̨i tɔɔɠaai kulɔ diɛ; di mąą həɠə ə lɛɛ lɔ a kpɛlin mo; di hee lɔi ɓa, diɛ kpɛlin nɔ, diɛ di woo laa ə́ mąą mɛ̨nį ɓa.

Zôo 2:8

Nąąlɔwai, kwɛli ləɠi kalan mə Ɉobə ə kɛi mąą wɔlɔ la, ɉeɛ luwu hu.

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Maafîu 11:17

diɛ kɛ diɛ: ‹Kwaa kwəinɛ̨ɛ̨ tulu hvɛɛ, ka hvo mąną li; kwaa haa too, ka hvo wɔlɔ li!›

Azaya 6:11

Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»

Azaya 14:31

Kponŋąą, ka ka woo laa, taaɠaa, ka tómą, Filisti lɔi kəlee aa too, nwɔ̨n nulu kaa həɠəi ɲánwuɔ̨ pələ, nu ta hvo gɔwɔ kulɔ mɛlaa kɔ́wɔ pɔ.

Azaya 29:2

Gáá pai heei Ariɛlə ɓa, di kaa pai kɛi di woolaai, diɛ ɲiŋɛ̨; gaa pai kɛi ɲə́i a kuláá ta.

Azaya 33:9

Nɔi kaa haa wɔlɔ ɓoi, yɛ kpala; Liban aa nwumɛ̨, yɛ kpala, Sarɔn aa kɛ yɛ Ɉurdɛn ɲa-ɓoloon bɔ lɔi, Basan da Karmɛlə wuluɠaa di laa aa pu.

Ɉeremi 15:8

Ŋą́ galanin damą di lɔwai, dɛɛ gboloyá kwɛlɛ ɲɛa kɔ́w ɓa. Ŋą́ lɔi kalamun dɔɔ, kɔ́kuláá laŋaaɠaa di tɔɔ di leeni mɛ̨i, a hvoló ŋą ɉə-ɉə; ŋį́ ɲɔw yɛɛ a di nwun di tɛɠii pələ, yɛ di hu pu diɛ.

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Woolaa 2:8

Yai-Laa aa Siɔn lɛlɛɛ mąąkpɛ hįi pu kili tee gwəi; yɛ gaa nąą kəlee kalan ɉi, ə ɉee tin-tin, yɛ hva pɛli ɲee yalii bulu, hvo kɛli a nąą kəlee wolo; aa bɛlɛ́ nwąną hveelɛi kəlee kɛlɛ, aa woolaa too gəlee la.

Izikiɛ 12:20

Daaɠaai tii nuą kaa ɉu, da lɛɛ a taa kpoloonŋaa; nɔi yɛ lɛɛ a lɔi pun. Ká gili kɔ́lɔn nąąlɔwai, kaa kɛ, Ɲą́ą́ ɓə a Yai-Laa.»

Mise 1:9

A tɛ̨ą, gɛ́lɛ́i daa mo, ɉali hvo mą. Ɉimą aa Ɉuda kulɔ, yɛ həli kpɔ nwɔ́ nu huwui kəlee ɓa, yɛ həli kpɔ la Ɉerusalɛmə ɓa.

Azaya 32:14

Dɔɔmun ŋą pɛ́lɛ́i aa lɛɛ a vowolo, daai tii kɛ naa hvɛɛ a nukan, aa lɛɛ a gboloon, ɲee kpu kpu da daa mąą kpɛ hį́i, daa lɛɛ a huwɔ pɛlɛi a yələ kəlee mɛ̨nį, a hoohvaalənŋaa di wɔ kwəinɛ̨ɛ̨ kulɔi, da taatɛlɛɛɠaa laamįi…