Azaya 3:25 - Yálá laawoo hɛɓɛ (dc)

²⁵ Ə́ wɔ hinąąi da haa kɔ́ kɔ́ ɓɔwa yəi, ə́ wɔ kuláaɠaai di haa kɔ́ hu.

Yálá laawoo hɛɓɛ

²⁵ Ə́ wɔ hinąąi da haa kɔ́ kɔ́ ɓɔwa yəi, ə́ wɔ kuláaɠaai di haa kɔ́ hu.

Bible

²⁵ Da pâi Zerusâlɛŋ sinaai paâi a ƃóa-sɔkpɔ-ŋa dí díkɔ kuluƃa-ŋai páa kɔ́ su.

Azaya 3:25 Referans Kwoze

Amɔsə 9:10

Kɔ kaa pai tooi nwɔ́ nuą lɔwai, nuąi hon gaa diɛ, nuąi da kɛ Yálá kwəi máni hu kulɔ nuą diɛ: «Mɛ̨ni ɲɔ̨n tii ə́ kaa mąą mɛ̨nį ɓoi, hvo pai həlii kuɔ, hvo pai lɛɠɛi kuɔ! Gɔi tii kaa pai gəlee paai.»

Woolaa 2:21

Nu nwunuɠaa da ɉulɔgoloɠaa di powa kaa puuni gwəli hąąiɠaa ɓa, nɛ̨ɛ̨lɛa da ɉilɛlɛa daa gəlee nwun dee a ɓɔwa kwɛa. Yai-Laa! Ə́ wɔ liiholi hu, yáá di nwun dee, yáá di hukala hvo kpɛli di mąąwɛli kaa li.

Ɉeremi 21:9

Nui pai kɛi daai ŋɛ̨i hu, pulu, ɲɔ̨n walawala, da kɔ́ kɔ́ ɓɔwa, ya ɓə pai baai. Kalde nuą daa kɔ́ pɛlɛ daa ɓa, nui pai kulɔi daai yɛ gbɔwɔ tɛɛ di pɔ, mąą nu a lɛɛ a vulú, nwun na kaa pai nɛ̨ɛ̨i, mąąhɔlɔɓo, gaa pai nwɔ yɛnɛ̨ɛ̨ laa hɔn moi.

Ɉeremi 19:7

Gáá pai Ɉuda da Ɉerusalɛmə taa di wɔɔ nwun dɔɔ hu woo kɛi a kpɛli kpɛli gɛɛnąą ŋɛ̨i ɓa. Ŋą́ hvaa mą, di yowoɠaa diɛ kɔ́ pɛlɛ diɛ, diɛ di paa, nuąi diɛ di di wɔ yɛnɛ̨ɛ̨ kulɔ di yəi, ŋį́ di tɛɛ yiliɠaa pɔ. Ɛlɛɛ, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Ɉeremi 14:18

Ŋą́ li ɲɛa kɔ́wɔ hu, kɔ́ kɔ́ ɓɔwa nwɔ nu paaɠaa ka; ŋį́ tɛ taai, yiiɠaa mɔ̨nɔ̨ mįi pulu yəi diɛ ka. Yálá kwəi mɛ̨nį hukulɔ nuą, da ɉaláá laa həli nuą, di kaa lɔ kɛa gilɛ ŋą diɛ ɉəɠə nɔi, di kwəi aa pili diɛ.»

Ɉeremi 11:22

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai həli diɛ, di wɔɔ hilɛlɛa diɛ lɛɛ kɔ́ hu, di lonnii hinąą ə mą kɛ, nɛ̨ąą, diɛ haa a pulu.

Azaya 1:20

Kɛlaa, ka wala gɛ, ka lɛɛ lɔ a ka pulu tɔɔ mą́ą́, ka lɛɛ a kɔ-kɔ ɓɔwa kɔ̨nɔ̨n. Bələ ɓə Yai-Laa ə mo la.

Kɔlɔnikɔ Veerɛi 29:9

Gu nąnni ka daa haa a kwɛli hɛn naa pɔɔ; yili mąą mɛ̨nį ɓa, gu lon ɉinąą, gu lon nɛ̨ąą da gu nɛ̨ąni ka luwɔlaa hu.

Azaya 65:12

Ɲą́ą́ nwɛ́i, gáá ka tɛɛi a kɔ́ kɔ́ ɓɔwa kɔ̨nɔ̨n, ka kəlee, ka káá pai pui ka kpəlin na, diɛ ka nwun dee! Mąąhɔlɔɓo, ŋą́ təliɓo kɛ, ka hvo nwóó mu hon, ŋį́ pələ ɓo, ka hvo ka wəli tɔɔ li. Yii ɲɔ̨nwɔ̨ɔ̨ ɲɛ̨́i mu ya ɓə ka gɛ, ɉɛn nwɛli hvo mą́ą́, ya ɓə ka gɛ a ka liiɓa hɛn.

Ɉeremi 15:8

Ŋą́ galanin damą di lɔwai, dɛɛ gboloyá kwɛlɛ ɲɛa kɔ́w ɓa. Ŋą́ lɔi kalamun dɔɔ, kɔ́kuláá laŋaaɠaa di tɔɔ di leeni mɛ̨i, a hvoló ŋą ɉə-ɉə; ŋį́ ɲɔw yɛɛ a di nwun di tɛɠii pələ, yɛ di hu pu diɛ.

Kɔlɔnikɔ Veerɛi 28:6

Remaliahu lon Peka ə nu waa nwundɔ̨nɔ̨ nu waa pow hveelɛ paa Ɉuda nuą lɔwai a hvoló tɔ̨nɔ̨, gəlee di ɓo a kuláa walawala. Mąąhɔlɔɓo, aa kɛ kulɔ nąnni di wɔ Yálái Yai-Laa woo mu.