Azaya 3:19 - Yálá laawoo hɛɓɛ (dc)

¹⁹ Wəlii kwɛliɠaa, yee kwąną kwɛlii a yɔwɔn bɛlɛɛ, da nu nwun mɛ̨i kpulu həɠə ɓɛla pɛlɛɛ,

Yálá laawoo hɛɓɛ

¹⁹ Wəlii kwɛliɠaa, yee kwąną kwɛlii a yɔwɔn bɛlɛɛ, da nu nwun mɛ̨i kpulu həɠə ɓɛla pɛlɛɛ,

Bible

¹⁹ díwôlii-sãai, díyee kɔŋna koli-ŋai, díŋɛi mɛi pɛlɛ sãai,

Azaya 3:19 Referans Kwoze

Izikiɛ 16:11

Ŋį́ ə́ mąą yili hɛnŋą́ą́ kɛ yɛ́; ŋį́ da too ə́ yee kwąną; ŋį́ da too ə́ kɔ́nma.

Lonon mo 31:50

Yili mąą mɛ̨nį ɓa, ɉɛnŋąąi kpɔ ku di kaa a hɛni, ku kaa pai a diɛ a Yai-Laa kɔ́ hɛn, ku mąąhəɠə mɛ̨nį ɓa Yai-Laa yəi, ə kɛ a yee kwaną kwɛli, ə kɛ a gbono, ə kɛ a kɔ́wɔ ɓa kwɛli, ə mą kɛ a wəlii kwɛli.»

Lɛɛ gbɔwɔ ɓa 35:22

Hinąą da nɛ̨ąąi kɛ di kwəinɛ̨ɛ̨, di kɛi pa a di wəlii kwɛliɠaa, gbonoɠaa da kwɛɛnŋąą, gəlee di ɓo a hɛni, diɛ Yai-Laa kɔ́ la.

Zɛnɛse 38:18

Ɉuda yɛ mą: «Lə ɓə ə́ kaa bɔ ŋą́ və a dɔlaa?» Nɛ̨ɛ̨nui yɛ mą: «Ə́ kpinį ɓa hɛn da hvə, da ə́ wɔ túnwɔ̨n.» Ɉuda ə ɉɛnŋąąi tii həɠə ə dɛɛ nɛ̨ɛ̨nui pɔ, da yaa də li di yii, ə lɛɛ mą a koo.

Zɛnɛse 24:53

Yili pulu, ə nwɔ tiɛ̨ɠaai laa hvólóon, mąąyili hɛnŋąą di kɛ ɉu a wali kwɛli, hɛni ɛlɛɛ, da həɠəɠaa; ə gəlee tɛɛ Rebeka pɔ. Ə hɛn gɔw kɛnɛ̨ tɛɛ Rebeka nee da niɛ hulɔnu di pɔ.

Zɛnɛse 24:30

Yii kɛa Laban ə gbono da ɲee ɓa kwɛliɠaa kaa mąąhala yəi, ɛlɛɛ, ə mąąhala woo hukulɔ woo mąn; Laban ə li ə ɉulɔnui tii kaa da nwɔ ɲɔ̨nwɔ̨mɛ̨ɛ̨ɠaai diɛ ɓo ni ɲálɔwa la.

Zɛnɛse 24:22

Yii kɛa ɲɔ̨nwɔ̨mɛ̨ɛ̨ɠaa kəlee di di kpələ, ɉulɔnui tii ə gbono tɛɛ Rebeka pɔ ə ɓo a hɛni, mu wiaa, ɛlɛɛ, da yeeɓa kwɛli hveelɛ di ɓo a hɛni, gəlee hveelɛi mu wiɛ yee ə ɓo tanɔ̨n.

Zɛnɛse 38:25

Ɓɛlɔwai di nɛ̨ɛ̨nui tii hon na, diɛ li gələn ɉii, ə wɛlɛɛ tɔɔ ɉilɛ nąn bɔɔli, yɛ mą: «'Ka li, 'ka ɉɛnŋąąi ŋɛ̨i lɛ mą, ə gaa, nui ɲəi hɛnŋąą ɓəi, mąą nu nwɔ koo ka mą́ą́.»

Zɛnɛse 35:4

Nu kəlee di di yee kulɔ di wɔ haliɠaai hu, di dɛɛ Ɉakɔbə pɔ, da di wəlii kwɛliɠaai kəlee. Ɉakɔbə ə ɉɛnŋąąi tii kəlee loo wulu kɛnɛ̨ ta mu Sisɛmə daa kpala.

Azaya 3:18

Mąą yələ, di mąąyili hɛnŋąąi tii a dalanən bɛlɛɛ-pɛlɛɛi, a voló da ɲąnįn mąą nįnįnŋąą Yai-Laa kaa pai gulɔi diɛ.

Azaya 3:20

nwun nɛɠa mu yili həɠə ɓɛla, kɔ́wɔ kwąną kwɛli, hɛ̨ąyili kɔ́lɔ, mąątí wulɔ, yee kwaną kwɛli,

Lɛɛ gbɔwɔ ɓa 32:2

Aarɔn yɛ diɛ: «Nwəlii kwɛliɠaa tii ka nɛ̨ąni, ka lonnii hinąą da ka lonnii nɛ̨ąą wəlii a hɛni, ka pa a diɛ bɔ́.»

Lɛɛ gbɔwɔ ɓa 32:3

Nuą kəlee di pa a nwəlii kwɛliɠaa, di dɛɛ Aarɔn pɔ.

Izikiɛ 16:12

Ŋį́ da kɛ a ə́ hunwɛ̨i kwɛli, da ə́ wəlii kwɛliɠaa, da tɔɔɓɔlɔ ɲɛ̨i tɔɔ, ŋį́ ɉee ə́ nwun ma.