Azaya 3:14 - Yálá laawoo hɛɓɛ (dc)

¹⁴ Yai-Laa kaa nwɔ lɔi hu kalanɉonŋąą, da ɲɛ̨itɔwɔ nuą təlii kiti ɓa, yɛ kɛ diɛ: «Káá ɓə, káá tɛ nwɔ́ kələ́i ɓa, ka hvo ɉɔɔ li! Kaa too mąąwɛli nuą mɛ̨i, di wɔ hɛnŋąąi di ɓo ka yəi bɛlɛ́n.

Yálá laawoo hɛɓɛ

¹⁴ Yai-Laa kaa nwɔ lɔi hu kalanɉonŋąą, da ɲɛ̨itɔwɔ nuą təlii kiti ɓa, yɛ kɛ diɛ: «Káá ɓə, káá tɛ nwɔ́ kələ́i ɓa, ka hvo ɉɔɔ li! Kaa too mąąwɛli nuą mɛ̨i, di wɔ hɛnŋąąi di ɓo ka yəi bɛlɛ́n.

Bible

¹⁴ Yâwɛɛ aâ pá mɛnii ŋá têei. A pâi ǹúu-pɔlɔ-ŋai da ǹúu láa túɛ-ƃelai dímɛnii ŋá têei. A dísɔnyɔ̂ŋ ƃôi dîa ǹyɛɛi, “Káa ƃé ŋágbɔmɔ-kpalaŋ su kàra, ká gôlo-ƃelai kɔ̃liŋ kélee síɣe a kápɔɔ.

Azaya 3:14 Referans Kwoze

Zôo 22:4

A kɛi ə́ mąąkɔ̨nwɔ̨, ɲɔw ɓə mɔ̨ɔ̨ a kɛ moi yɛ? Ka yaa ka káá mɔ̨ɔ̨ pai lii kiti ɓa?

Zĩi 2:6

Kɛlaa, ka wɛi, ká yeehowolomun mɛlɛ too. Kɛlɛi ɉɛn gɔw nąmįną ɓə da kɛ ka mɔ̨nɔ̨ɓoi-e? Kɛlɛi, diɛ lɔ ɓə nwɔ̨nɔ̨, da kɛ lii a káá kiti pɛlɛ́ la-e?.

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Ɉeremi 5:27

Bələi lɔ da nwɛ̨nį kɛ la heen vɛɛ, bələ lɔ ɓə di wɔ pɛlɛ́ɠaa laahvɛɛ la a nwuɔ̨ hɛn. Bələ ɓə da kɛ la a nu kpɛa kpɛa diɛ kɛ la a hɛn gɔw nąmįną.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Mąątɛ̨nɛ̨ 14:4

Mɛ̨nį ɲɔ̨n gɛ nuąi tii, di hvo mɔ̨ɔ̨ mɛ̨nį kɔ́lɔn? Diɛi nwɔ́ nu kanŋaai kɛi a di kɔ̨nɔ̨n, da kɛli kɔ̨nɔ̨n mįi! Ɛlɛɛ, di hva Yálá hvɛli!

Zôo 24:9

Da ɲįnį kulɔ təliɠaa la, diɛ tolaa həɠə yeehvowolo nuą yəi,

Maafîu 21:33

Jesus ə mo diɛ yɛ diɛ: «Gáá hanwon da kpɛli hɔɔi kaa. Hulɔnu ta ə kɛ laa ə hihɛn ŋɛ̨i da kɛ mą viɲə, ə ɲɛa laa, ə mąąkwəli a hį́i ə viɲə ya kulɔi pɛli, ə pɛlɛ́ tɔɔ Ɉį́i ɲɛ. Ə viɲə yɛa həɠə ə dɛɛ nuą pɔ, ə gə di kólo kɛ ɉu, diɛ gulɔ.

Mise 6:10

Wɛa nuą! Ŋą́ pɛli mɔ̨ɔ̨ níílaai hvulu hɛn gɔwɠaa mu? Da ɉɛn gɔwɔn gəgən tii daa da kulɔ mą ə ɓo a nɛ̨ŋɛ̨n naa?

Mise 2:2

Di kili a hvilɛn nɔ yɛa ta ɓa, daa mąn nwuɔ̨. Di ɲɛ̨i a kulɔ lɔ pɛlɛ́ ta pɔ, daa mąn ɉəɠə. Bɛlɛ́-o, nąmu-o, nu leelee-o, gwɛlin-o da gəlee həɠə.

Zôo 34:23

Hva kuu tɔɔ nu ɓa, ə gɛ yili yɛ pɛli pai, yɛ tɔɔ nií la giti tee mɛ̨nį ɓa.

Zôo 24:14

Nu paa mun a muhəɠə yələwala pɔ, yɛ yeehvowolomun baa, da mąąwɛli mun, kpinį a pɛlɛ, ə gbɔwɔ kɛ a nwuɔ̨ mun.

Mąątɛ̨nɛ̨ 10:9

Aa pələ hɛlɛn dɛ, nooɔ kpɔ kɛnɛ̨, yɛ yala a kɛ nwolo hu; a bələ hɛlɛn dɛ kpɔ kpąąn, yɛ wolo mąąwɛlimun ma. A wolo mą, yɛ ɲala a nwɔ tumɔi.

Hanwon 30:14

Nu taɠaa kaa laa, di ɲin gaa yɛ ɓɔwa kwɛa, di kpaniɠaa di ɓo yɛ ɓɔwa lon, diɛ mąąwɛli nuą huwɔ wean na di hu, di kpɛɛ mɛ̨nį ɓa lɔi mɛ̨i, da yeehvowolo nuą.

Azaya 10:1

Kpalo ɓɛlaai tɔ́n ɲɔ̨nwɔ̨ɔ̨ laa nuą diɛ, nu mɔ̨nɔ̨ɓo hɛɓɛ́ ɓə da bɛ̨ɛ̨.

Azaya 10:2

Di hva mąąwɛli nuą mąą mɛ̨nį ɓo, diɛ nwɔ́ lɔi hu yeehvowolo nuą di wɔ tɛ̨ą mɛ̨nį kpɛlaan, diɛ kalaninŋaa kɛ a di laa mįi hɛnŋąą, diɛ too təlilɛa mɛ̨i.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 14:30

Mąąwɛli nuą kaa pai di laa mįi hɔlɔɓoi, yeehowolo nuą diɛ yɛnɛ̨ɛ̨ kɛ liilaa hu. Kɛlaa ə́ wɛi, ŋą́ ə́ hamu paa a pulu, ə́ kpəlii a lɛɛ, ŋį́ yili paa.

Azaya 26:6

Nuą diɛ ɓɔlɔn mɛ̨i, nuąi kɔ́lɔn və diɛ, da nuąi hvaŋą hvo di yəi diɛ ɓɔlɔn mɛ̨i.

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Azaya 30:12

Ɛlɛɛ yaan, mɛ̨nįi Israɛlə nwɔ Mąąhəɠə mun kaa moi ya ka: Yii yaan kaa nwooi ɲɛ̨i pili, ɛlɛɛ kaa ka kili lɛɛ wea mun nwoo ɓa, kaa ka kilitɔɔ ka ɓowo mun mą.

Azaya 58:4

Ka kɛ hín nɔi hvaa da mɛ̨nį ɓo di ŋą, kaa kɛlɛ kɛ ɓo kɛ a wəa, ka hva hín nɔ yɛ bələi mąąnɛ̨ɛ̨ la hvóló tɔ̨nɔ̨ yeemu, a yələi ka káá bɔ di ka woo mɛ̨n na yələkɔlɔn ɉu.

Izikiɛ 18:12

yɛ ɲee pənə mąąwɛli mun da yeehvowolomun di hu, yɛ nwuɔ̨ kɛ, da tolaa heemą, hva kɛa pənə hvo ɉɛn tii tɛɛ nąmu pɔ; hali mɛ̨nį wɛli ə ɓo mą, yɛ ɲee to ɓowo mɛ̨nį hu,

Izikiɛ 20:35

Ŋą́ li a kaa ɓɛi huwu takpɛli hva kɛ laa, gu ɲɛ̨i kwəleen ɉeɛ gu keeni diɛ; gɛ́ ka ɲąąwooɓo.

Izikiɛ 20:36

Yɛ bələi ŋą́ ka nąnni ɲąąwooɓo la nɔi pun ɉu, Eziptə lɔi hu, bələ ɓə gáá pai gɛi la a káá, Mɛ̨nį kəlee ŋą Hééɓomun Yálá woo li.

Mise 3:3

Nuąi da kɛ nwɔ́ nu huwui kɔ́lɔɓoi, diɛ di huwɔ mįi, diɛ di kɔ́wɠaa hu yali yali, diɛ di huwɔ tee yɛ da kɛi pa ɲilii, yɛ huwɔi di pai bui ləɠii.

Levetekɔ 25:14

Ka kɛi nɔi tii ta ya, a wala kɛ tii, kaa nɔwɔtɔɔ nɔi lon da ɓa, mąą hvo nɛ̨ɛ̨li ka ta hvo gaayɔwɔ hvulu.

Levetekɔ 25:17

Ka ta hvo kɛ gaa gaayɔwɔ hvului yɛ tɔ̨nɔ̨ kulɔ mą. Bələ ɓə mąąnɛ̨ɛ̨ ə́ ɲɔw la ə́ wɔ Yálái ɓa. Mąąhɔlɔɓo, ɲą́ą́ ɓə gáá a Yai-Laa ka wɔ Yálá.

Ɉeremi 12:10

Nɔi ɲąąkɔn nuą kpulu kɛnɛ̨ɛ, daa nwɔ́ viɲə yɛai lɛan, daa ɓɔlɔɔn diliinŋaa mɛ̨i, daa nwɔ́ tíi lɛlɛɛ ŋɛ̨i kɛ a kpomó mąąwɛliɛ.

Amɔsə 2:7

Da kɛ kiti kɛ pɛlɛ mu, mąąwɛli nuą ɓə da too di mɛ̨i, diɛ di nwun giin. Hulɔnu ta luwɔ nɛ̨ɛ̨nu ə kɛ ɲəi, ɉulɔnui tii da nąn diɛ la a nuwɔi tii. Yaan, yili kaa a náá ɓɛlɛkpɛɛ mąą.

Mise 2:1

Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.