Azaya 27:9 - Yálá laawoo hɛɓɛ (dc)

⁹ Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Yálá laawoo hɛɓɛ

⁹ Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Bible

⁹ Eezuɛ-ŋai da díyee kùla díkpɛtɛ ɣâla-ŋai mɛni su, dí m̀aa têƃele-ŋai wólo dí fũa-fũa, díyee kúla géreŋ sãa kúŋ nɛ̃ɛ-ŋai kéreŋ mɛni su, ŋ̀úrui da lì mu díkpɛtɛ ɣâlai Asira fɛli mɛni mai, dí bɔŋ, dí géreŋ, Yâwɛɛ a pâi dísu-mɛni lɛɛ̂i zɔnyɔ̂ŋ-ŋai da gɛ́i mɛ̂ni ma.

Azaya 27:9 Referans Kwoze

Lomaŋ 11:27

Yili ɓə pai kɛi kwa diɛni ku lɔwai a kąnąlaa, ɓɛlɔwai gáá pai nɛ̨ŋɛ̨n gulɔi la diɛ.»

Azaya 48:10

Ya ka ŋɛ̨i kɛa ŋą́ą́ ə́ waa nwɔ̨n ɉu, yɛ da kɛi wali waa, ŋą́ą́ ə́ hu həɠeen a mąąwɛli mɛ̨nį.

Danîa 11:35

Nwun gɛ ɉu nuąi tii, damaa da haa, di wɔ haai a nuą mąąhəɠə, ə di mąą waa, di kwələ, ə lɛɛ la ɉu, ŋaakpɛɛi lɔwai. Kɛlaa, yili hvo pai kɛi a ŋaakpɛɛi lɔwai.

Azaya 17:8

Hva kɛa ɲɛ̨i hee ɉali kɔ́iɠaa diɛ, ɓɛi ə bɛli a ɲee; ɉɛnŋąąi ɲee kpiɛ ə di kɛ, hva ɲɛ̨i hee di pɔ pələ, ɉali mąą nįnįnŋąą da voló mąąwiɛ hɛnŋąą.

Hebreu 12:6

Mąąhɔlɔɓo, nui nwɛli kaa gu Ną́mu ɓa, ya ɓə a ɉutɔɔ. Lon a ɲee hee mu, ya ɓə a ɉutɔɔ.»

Korɛntə dɔlɔɔ 11:32

Kɛlaa, gu Ną́mu a gu kiti tee gu hutɔɔ mɛ̨nį ɓa, ə gɛ, kiti hvo pa kala guɔ gwa yɛnɛ̨ɛ̨ nuą.

Zakari 13:2

Yai-Laa Mɛ̨nį Kəlee ŋą Hééɓomun, woo ka, yɛ: ɲələi tii, gáá pai hali mɛ̨nį kpɛɛi nɔi hu, nuąi da Yálá kwəi mɛ̨nį hu kulɔ a lɛɛ, ŋį́ di kpɛ, da di wɔ kili ɲɔ̨nwɔ̨ɔ̨i, di hva kɛa da laa ɓo nɔi.

Osia 14:8

Nuąi kɛi hee nįnįn mu, di kaa pai yalii di pulu diɛ pa, mɔ̨nin yɛ pənə yɛ lɛlɛ diɛ, diɛ powa yɛ viɲə wulu, di laa a tɛ yɛ Liban lɔɔ.

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Izikiɛ 11:18

Di kaa pai pai laa di gili kpɛɛ ɲəi mɛ̨nįɠaa da mowo mɛ̨nįɠaai tii kəlee kulɔ laa.

Azaya 4:4

Ɓɛlɔwai Ną́mu kaa pai nɔ̨nwɔ̨ waai la Siɔn nɛ̨ɛ̨lɛa diɛ, ɲąmąi di bu Ɉerusalɛmə yɛ nwaa a kiti haŋąą da nwɔ̨n.

Azaya 1:29

a tɛ̨ą, nwulu kpɛa-kpɛa ŋɛ̨i ka kɛli gɔ́, ka kilitɔɔ diɛ, ka nwumɛ̨ di mąą mɛ̨nį ɓa. Vaa lɔwɔɠaai ɲɛ̨i ka ɉəɠə ɉu, kaa túwɔ́ laa yɛ nuąi di hvo Yálá kɔ́lɔn, nąą ɓɛlɛ a kpɛɛ ka kwəi.

Hanwon 20:30

Nu haɠa pɔɔ kaa a mɛ̨nį ɲɔ̨n ɉali, kɛlɛ ɓo ə ɓo lɔ tii, nu kwəi mɛ̨nįɠaa diɛ.

Mąątɛ̨nɛ̨ 119:71

Mą́ą́ yɛɛ mɛ̨nį ə́ yəi, kaa mą́ą́ a mɛ̨nį lɛlɛɛ, əgɛ, ŋį́ ə́ wɔ tɔn nwooɠaai mąąkwɛli.

Mąątɛ̨nɛ̨ 119:67

Gɛɛ kpɔwɔ mąąyɛɛ hvo lɔ ɉú, ŋį́ kɛi lan, yiihu kɛa, gáá ə́ wɔ tɔn nwooiɠaai hon ɉii.

Kɔlɔnikɔ Veerɛi 36:19

Kalde nuą di Yálá ŋą pɛlɛ́i kələn, di Ɉerusalɛmə mąąkpɛ hį́i bu, di nwɔ̨n nɔ dɔɔ pɛlɛ́ɠaa kəlee hu, ɉɛn mąąwiɛɠaa kpɔ kɛ laa, gəlee hu ə kala.

Kɔlɔnikɔ Veerɛi 34:4

Di Baalə kɔ́iɠaa taɠa ɲɛ̨i ɓa, lansan kələn ɉiiɠaai kɛ nąą mɛ̨iɠaa, di gəlee wolo; nwuluɠaai di kɛi gɔ́, ɉaliɠaai di bɛli awala kɛ tii di bu, ə gəlee huwolo-wolo ə vunwɔ̨-hunwɔ̨. Ə vunwɔ̨ taɠa-taɠa nuąi kɛi haláá laa həli diɛ di kámą mɛ̨i.

Kɔlɔnikɔ Veerɛi 14:5

Ə kɔ́ taaɠaa tɔɔ Ɉuda lɔi hu. Hvo gaai, nɔi ə kɛ liilaa hu, nui lɔpee ta hvo kɔ́ pɛlɛ mą nwɔ tɔɔlaa kwɛlanŋąą yee mu. Gbala ə tɔɔ, Yai-Laa ə hvaamą, nwəli pulu ə lɛɛ a naɠiɛɛ.

Tɔɔɓɛlaa veelɛ 25:9

ə Yai-Laa hee pɛlɛ́ kələn, da tɔɔmun nwɔ pɛ́lɛ́i, ə mą kɛ, Ɉerusalɛmə pɛlɛ́ɠaa kəlee.

Lɛɛ gbɔwɔ ɓa 34:13

Kɛlaa, mąąnɛ̨ɛ̨ ka di wɔ haláá kulɔiɠaa kala, ka di wɔ haláá kwɛniɠaa taɠa, nwuluɠaai da kɛ gɔi, ka gəlee pɔn.

Levetekɔ 26:30

Gɛ́ ka wɔ hali kɔ́iɠaai taɠa, ɉaláá kulɔi ka kɛ lansan kələn ɉi laa, gɛ́ nąą kala, gɛ́ ka powaɠaa tiɛ̨ ka wɔ haliɠaai mɛ̨i, gɛ́ yowolaa kulɔ la tii a kaa.

Dutɛrɔnome 12:3

Ka di wɔ hali kɔ́iɠaa wolo, ka di hvaa kwɛniɠaa huɓuwɔ, ka di hvaa wuluɠaa tee, ka di wɔ mąą nįnįn ɉaɠaaɠaa kələn, ka di pɔɔ kpɛɛ laa kpɔ tɛ̨ɛ̨tɛ̨ɛ̨.

Tɔɔɓɛlaa veelɛ 10:26

Di ɉaláá kwɛniɠaa kulɔ Baalə nwɔ pɛ́lɛ́i mu, di di kələn.

Izikiɛ 6:4

Da ka hvaaiɠaa kala; di ka wɔ hali kɔ́ hɛnɲąŋąɠaai wolo wolo, gɛ́ ka wɔ nu pɔwaɠaai pu ka wɔ haliɠaai lííla.

Tɔɔɓɛlaa veelɛ 23:14

Gwɛniɠaa ŋɛ̨i di kɛi haláá kulɔ mą, da nwului di dɔɔ diɛ haláá kulɔ mą, Ɉosiasə ə gəlee taɠa. Ə nu kɔ́wɠaa pu laa.

Azaya 30:22

Mąą nįnįn ɉaɠaaɠaai da kɛ nwali ya pui diɛ, da yiiɠaai kwɛli yɔw nuą da bu, diɛ ɉɛni-yá pu diɛ, mąąnɛ̨ɛ̨ ka gəlee kaa a hɛn mąąliɓiɛɠaa, ka di pili, yɛ bələi da hɛn ɲɔ̨nwɔ̨ɔ̨ pili la ɛlɛɛ, yɛ́ diɛ: 'Ka kulɔ ɓɛ!

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Mise 5:11

gɛ́ ə́ wɔ tɔlikpɛ mɛ̨nįɠaa kulɔ ə́ yee pɔ, ɲɛ̨ąkpɛmun va kɛa kɛ ə́ yəi,