Azaya 27:4 - Yálá laawoo hɛɓɛ (dc)

⁴ Níi hvo kɛa holi li; ŋą́ ɲąąlən gaa laa, da kala kpili, ŋą́ą́ mą yili diɛ a kɔ́, gɛ́ gəlee kələn.

Yálá laawoo hɛɓɛ

⁴ Níi hvo kɛa holi li; ŋą́ ɲąąlən gaa laa, da kala kpili, ŋą́ą́ mą yili diɛ a kɔ́, gɛ́ gəlee kələn.

Bible

⁴ Mɛni nyɔ́mɔɔ da fé ŋɔ́nɔ ńii su é pîlaŋ ǹaa mɛni ma. Kala a kùla naa ɣalêŋ kpɔlɔ é kpɛtɛ naa ŋa kɔ́ pɛ̀lɛ dîa. Ŋa dífala ŋá díkereŋ.

Azaya 27:4 Referans Kwoze

Hebreu 6:8

Kɛlaa, akɛi, ŋąąlən gbɔlɔ da kala ɲɔ̨nwɔ̨ɔ̨ɠaa kulɔ mą, mąą lɔi, mɛlɛ hva kɛ mą, da nɛ̨ŋɛ̨n naa, ɛlɛɛ, di gələn.

Azaya 10:17

Israɛlə nwɔ kɛɛ pɔ̨nɔ̨i kaa pai kɛi yɛ nwɔ̨n, nwɔ Yálá mąąhəɠɛɛi ə ɓo yɛ nwɔ̨n nən, yɛ nwɔ kpomóɠaai da nwɔ ɲąąlənŋaai kələn, yɛ di kpɛɛ a hvóló tɔ̨nɔ̨.

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Mąątɛ̨nɛ̨ 85:3

Yáá ə́ wɔ nu huwui nwɔ nɛ̨ŋɛ̨n kulɔ mą, yáá nwɔ túwɔ pələ ɲɔ̨n gəlee mɛ̨i kpulu.

Samia Veerɛi 23:6

Kɛlaa, nu kpoloonŋaa kaa yɛ ŋaalən dumɔ̨ yii da bili, mąąhɔlɔɓo, nu hva di hon a ɲee ŋą kpala.

Piɛrə veelɛ 2:9

Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Azaya 9:18

Yai-Laa Mɛ̨nį Kəlee ŋą Hééɓomun nwɔ liiŋąnwąną kɛnɛ̨ pələ, nɔi aa kulɔ bihɛi nwɔ nuąi daa kɛ a nwɔ̨n gɔ̨nɔ̨n, nu ta hva mɛlan gulɔ ɉu.

Mąątɛ̨nɛ̨ 103:9

Hvo lɔ laa kiti tee mɛ̨ni ɓa a yələ kəlee, hva nu hɔn ɉee gwəi a ɉu kwɛaa.

Azaya 33:12

Nɔi nuą kaa pai kɛi kələn ɉii yɛ kpolo kɔ́w, di kaa pai kɛi yɛ, ɲąąlənŋaai da dee, nwɔ̨n ɲɛ gələn.

Samia Veerɛi 23:7

Nui gaa bɔ ə lɛɠɛ ma, a kwɛli taɠan ɉəɠə, ə gbɔn na gee ɓa, di gələn gbɔlɔɔ ɓɛi tii da kɛ laa.

Ɉeremi 29:11

Ɲą́ą́ Yai-Laa, mɛ̨nįi ŋą́ mąą kili tee gwə́i, yɛ hvilɛn na káá, gbaɠala kaa mą́ą́. Gaa a ka wɔ nwun na nɛ̨ɛ̨ mɛ̨nį, hvo a mɛ̨nį ɲąąnwąnąą, liilaa yɛnɛ̨ɛ̨ ɓə, ŋį́ ɉee ka tɔwɔ, ŋį́ ka tinąą tɔwɔ hee a nwun na nɛ̨ɛ̨.