Azaya 27:1 - Yálá laawoo hɛɓɛ (dc)

¹ Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Yálá laawoo hɛɓɛ

¹ Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Bible

¹ Maa ɣêlei tí, Yâwɛɛ a pâi yúo zere kalii nyii da kɛ̂ ma Levietaŋ paâi a ŋɔƃóa-sɔkpɔ kɛ́tɛ su-kpanaŋɔɔ̂i. Galii ŋí a kɛ̂ láa-lâai bɛ̂rɛ-ma gɛ́ kpìniŋ-kpiniŋ yúo su.

Azaya 27:1 Referans Kwoze

Izikiɛ 29:3

'Mo, yɛ́ mą: Mɛ̨nį kəlee ŋą Hééɓomun Yálá woo ka, yɛ: Faraɔn Eziptə tɔɔmun, aa lɛɛ gwa yɛ́ gu lɔwai, yɛ́i a mąąɲɔw hɛn gwiɛ kwiɛ; ə́ ɓo pɛlɛni Nilə yaɠaa lɔwai; yɛ́ ɓə ya kɛ diɛ: ‹Nwɔ́ɔ́ ɓaa a Nilə ya! Ɛlɛɛ, ɲą́ą́ gbinįlee ɓə gbɔwɔ pɛli!›

Azaya 51:9

'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

M̀ɛni-lɛɛi 12:3

Ya ɓə, mɛ̨nį takpɛli ə pənə ə kɛ yələ kwəi, mąąɲɔw-hɛn kɛnɛ̨ ta ə kulɔ yələ kwəi, gbɔluɔ yɛ nwɔ̨n. Nwun ganįn ə ɓo ɲą mɛ̨ihveelɛ, ɛlɛɛ, mįnɛ̨ ə ɓo pow, tɔɔɓɔlɔ mɛ̨ihveelɛ ə ɓo nwun ganįn dɛitɛi tii ɓa.

Azaya 66:16

A tɛ̨ą, nwɔ̨n nən mə Yai-Laa kaa pai kiti teei la, yɛ nu kanŋaa kiti tee a ɓɔwa kwɛaa. Nu kpulu tamąą ɓə Yai-Laa kaa pai ɓɔi di hu.

Mąątɛ̨nɛ̨ 104:26

Kələn gbɛa-kpɛaɠaa diɛ ɓo ɲą, diɛ li, diɛ pa, da yáihɛn ə́ bɛli a ə́ pələ kɛ hɛn.

Zôo 26:13

Naa hvaŋą a yələ kwəi pɔ̨nɔ̨, Ɲįnɛ̨n gaa pɔ ə tɛɛ a gilɛ, ɲee yɛ ɓɔ ɉu.

M̀ɛni-lɛɛi 20:2

Ə mąąɲɔw-hɛn tii hon, a gaaləi tii wɔlɔ kɛi, yai, nąnį da ɓilihi. Ɛlɛɛ, ə ɲili a ɲɔwɔn, a kwɛlan nwaa-tɔnɔ mɛ̨nį.

M̀ɛni-lɛɛi 19:21

Gbəliɠaai lɛɛ, niikpakpai tii kɛli kulɔ ɉoo mɛ̨imun na, ə di nwun na pili, nwɛ̨nįɠaa di pilɛ di powa hu.

Ɉeremi 51:34

«Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Zôo 40:19

Yálá nwɔ pɛli hɛnŋąą gɛnɛ̨ ta li, Kɛlaa, bɛlimun a mąą ɲɔw a ɓɔwa kwɛaa.

M̀ɛni-lɛɛi 17:15

Yili pulu, malaka yɛ mą́ą́: «Ɲáɠaa tii ə́ gaa ɓɛi nwɛlikɛ nɛ̨ɛ̨nui tii heɛ ə kɛ laai, di kaa a huwuɠaa, a nu kpuluɠaa, hįi lɔiɠaa, ɛlɛɛ, da hįi wooɠaa.

M̀ɛni-lɛɛi 17:1

Yili pulu, malaka mɛ̨ihveelɛi tii gbələ kɔ́wɔ mɛ̨ihveelɛ ə kɛ di yee ɲąi, dɔ̨nɔ̨ ə pa, yɛ mą́ą́: «'Pá ɓɛ! Nwɛlikɛ nɛ̨ɛ̨nu kɛnɛ̨i tii heeni gboloyá kwɛlɛ, bələi di pai giti teei la, ŋį́ bələ lɛ yɛ́.

M̀ɛni-lɛɛi 16:13

Ə kɛ lɔ tii, ŋį́ ɲįnɛ̨n ɉaaɓa kaa, di ɓo yɛ, gbəŋə, diɛ kulɔ mąąɲɔw-hɛn tii la, ɉuwɔi tii la, ɛlɛɛ, da nuąi di kpɔwɔ kɛ a Yálá kwəi mɛ̨nį hukulɔ nuą di la.

M̀ɛni-lɛɛi 13:11

Ya ɓə, ŋį́ huwɔ takpɛli kaa yɛ kulɔ lɔi mu. Mįnɛ̨ ə ɓo nwuɔ̨ hveelɛ yɛ ɓɛlaa lon, kɛlaa, yɛ hvaa yɛ mąąɲɔw-hɛn.

M̀ɛni-lɛɛi 13:4

Ɛlɛɛ, diɛ kɛa kwɛli hvilɛn mąąɲɔw-hɛn tii ɓa, gbala ə tɔɔ, aa kɛ ɲąąwooɓolaa tɛɛ ɉuwɔi tii pɔ, ɛlɛɛ, diɛ kwɛli hvilɛn ɉuwɔi tii ɓa, diɛ kɛ mą: «Gbɛɛ ɓə gaa yɛ ɉuwɔi ŋɛ̨i, ɛlɛɛ, yɛ pɛli kɔ pɛlɛi mą?»

M̀ɛni-lɛɛi 2:16

'Ə́ tuwɔ pələ mąąhvalin kan. Yili hvo mą, gáá pai a ɉu kpuwaa, ɛlɛɛ, ŋą́ kɔ pɛlɛ diɛ a níikpa-kpai gaa ná.

Ɉeremi 51:13

Yɛ́i heeni yákpɛa kpɛaɠaa kwɛlɛ, ə́ yee laa hvɛɛ hɛn gɔw hu, ə́ wɔ yɛnɛ̨ɛ̨ aa kpɛɛ. Yáá ə́ tɔ̨nɔ̨ kəlee hɔlɔɓo.

Ɉeremi 47:6

Lə mɛ̨nį ɲąąnwąnąą ɓəi, Yai-Laa nwɔ ɓɔwai! Akɛti, hvįįtɔɔ hvo kɛa yɛ́? 'Lɔ ə́ taa hu, too ə́ kɔ́lɔi, ə́ liilaa.

Azaya 65:25

Kwɛli da ɓɛlaa lon di kaa pai kɛi di laa mįi gee ɓa, yala yɛ kala mįi, yɛ niŋɛ̨, kaalə kɔ̨nɔ̨n ɲɛ lɛɛ a muluun gbala. Mɛ̨nį ɲɔ̨n, da kɛɛ kala hɛn nɔpee, da hvo kɛa pai kɛi nwɔ́ yee mąąhəɠɛɛi nwuɔ̨, Yai-Laa woo li.

Azaya 26:21

Mąąhɔlɔɓo, Yai-Laa ka ɲɛ̨́i kulɔi ɲəi bɛlɛ́n yɛ lɔi mɛ̨i nuą kəlee mąąni kɛ di hɔn mą. Ɛlɛɛ lɔi kaa pai ɓaɠii a ɲąmą, nuą di di paa, hva kɛa di loo.

Mąątɛ̨nɛ̨ 45:3

Nu kanŋaa lɔwai, yɛ́ lɔ ɓə a nɛlɛɛmun, mɛ̨inɛ̨ɛ̨ lɔ ɓə a kulɔ ə́ la, mɛ̨nįi gɛ Yálá yɛ lúwɔ́ too yɛ́ ɲɛ̨n deei hvo mą, yaa li.

Zôo 3:8

Nɛ̨ŋɛ̨n naa kɛ nuą di vólói tii nɛ̨ŋɛ̨n naa, ə kɛ Nąnį hiɛ hvóló.

Zôo 41:1

Nu a gaa, gwəi kili a tamą, A ɲɛ̨i hee lɔ nu ɓa, yaa ma too.

Azaya 65:12

Ɲą́ą́ nwɛ́i, gáá ka tɛɛi a kɔ́ kɔ́ ɓɔwa kɔ̨nɔ̨n, ka kəlee, ka káá pai pui ka kpəlin na, diɛ ka nwun dee! Mąąhɔlɔɓo, ŋą́ təliɓo kɛ, ka hvo nwóó mu hon, ŋį́ pələ ɓo, ka hvo ka wəli tɔɔ li. Yii ɲɔ̨nwɔ̨ɔ̨ ɲɛ̨́i mu ya ɓə ka gɛ, ɉɛn nwɛli hvo mą́ą́, ya ɓə ka gɛ a ka liiɓa hɛn.

Amɔsə 9:3

Da di mąąkilɛ Karmɛlə yee ton na, Ŋą́ di kaa, ŋį́ di hon. Di ma lɔ gboloyá mu, ə gɛ, di di loo, ŋį́ mo gboloyá hu hɛnŋąą diɛ, di di ɲin.