Azaya 26:9 - Yálá laawoo hɛɓɛ (dc)

⁹ Ə́ mąą lii kaa gwə́i kwíi hɛ̨ą, gíli hvilɛn ŋąą Yɛ́, ɉú pələ yɛ ə́ kwɛli, da kɛi ə́ wɔ kiti wooi pɔ yíi ɓo lɔi mɛ̨i, yɛnɛ̨ɛ̨ nu kanŋaa kɛɛ tələnmo yíi mąąkwɛlii ka tii.

Yálá laawoo hɛɓɛ

⁹ Ə́ mąą lii kaa gwə́i kwíi hɛ̨ą, gíli hvilɛn ŋąą Yɛ́, ɉú pələ yɛ ə́ kwɛli, da kɛi ə́ wɔ kiti wooi pɔ yíi ɓo lɔi mɛ̨i, yɛnɛ̨ɛ̨ nu kanŋaa kɛɛ tələnmo yíi mąąkwɛlii ka tii.

Bible

⁹ Kpíni a pɛ̀lɛ ímaa mɛni kíli káa nɔ́ ńii su. Yà kɛ̀ núu-kpune kula maa kɛ̂i ǹɔii ma, da pâi tɔ̃yâ-laa mɛni maa kɔ̂rii.

Azaya 26:9 Referans Kwoze

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Mąątɛ̨nɛ̨ 119:62

Ŋą́ múhəɠə a kwiihɛ̨ą, gɛ́ ə́ laa tɛ, mąąhɔlɔɓo ə́ wɔ kiti wooɠaai haŋąąi.

Mąątɛ̨nɛ̨ 63:1

Davidə nwɔ wələ. Ɓɛlɔwai ə kɛ la Ɉuda lɔi pun ɉu.

Markə 1:35

Mąą yələ laaɓoɔ, yələ ɓoi kpinį mu, Jesus ə kulɔ bɛlɛ́n ə li daa pulu pələ yɛ Yálá hvɛli dɔ̨nɔ̨ kɛɛnąą.

M̀ɛni-lɛɛi 11:13

Nąąlɔwai tii hu kpɔlɔɔ, lɔi a kpɛlin gbɔ kɛnɛ̨, mɛlaɓoɔ ɉu pow, ɉeei tɔ̨nɔ̨, ə ɓuwɔ, nu waa nwun mɛ̨ihveelɛ di nwun na ə pili mɛ̨nįi tii hu. Yiiɠaai da lɛɛ a di hvúlú, di ɲɔw pələ, di mąąwiɛlaa tɛɛ yələkɔlɔn ɉu Yálá pɔ.

Lukə 6:12

Nąąlɔwai tii hu, Jesus ə tɛ yee kpukpu ta ɓa, əgɛ, ə Yálá hvɛli mąą kpinįi tii hu, ə yii Yálá hvɛli; ə lɛɛ la ɉu yələ ə ɓɔ.

Azaya 55:6

'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Hanwon 8:17

Nuąi da nwɛ́lilakɛ, diɛ gwɛ́li a di lii kəlee, da gáá.

Mąątɛ̨nɛ̨ 58:11

Tələnmolon, a nwąną kulɔi kaa, gaa pai kɛi kwəinɛ̨ɛ̨ kulɔi, gaa pai gɔwɔ mąą waai nu ɲɔ̨nŋaa ɲąmą hu.

Osia 5:15

Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Mąątɛ̨nɛ̨ 130:6

Yai-Laa wɛli kaa ɉón ɉii, dɛɛ taa mąąkpɛmun nwɔ yələɓoi lɔwai mąąkpɔnŋąą ɓa, ə mą kɛ, taa mąąkpɛmun mə, hva yələwala mąąkpɔn di.

Mąątɛ̨nɛ̨ 64:9

Di nɛ̨n aa pɛ̨nɛ̨ aa kɔ́ pɛlɛ diɛ, nui lɔpee a di kaa, a nwun gbɛ̨ŋɛ̨n.

Mąątɛ̨nɛ̨ 83:18

Di hu ə pu diɛ a nwumɛ̨ da ɲɔw, di ɓɛlɛ ə kpɛɛ diɛ, ɓáá ə kulɔ diɛ, ə lɛɛ ɉu di haa la.

Mąątɛ̨nɛ̨ 78:34

Yálá a kɛi di paa ti, di kɛi gwɛli, diɛ di hɔn mąąpənə, diɛ tinɛ̨n bɔ pələ.

Mąątɛ̨nɛ̨ 63:5

Yili ɓa, ŋą́ ə́ laa tɛ́, nwɔ́ yɛnɛ̨ɛ̨ kəlee yee mu, gɛ́ ɲéé tɛ yələi, gɛ́ ə́ laa tɛ.

Mąątɛ̨nɛ̨ 105:7

Yaa lɔ ɓə a Yai-Laa, gu wɔ Yálái li, Yaa lɔ ɓə a lɔi kəlee ɲąąwooɓo.

Mąątɛ̨nɛ̨ 119:55

Ŋą́ gíliŋąhiɛ ə́ laa ɓa a kpinį, Yai-Laa, əgɛ, ŋį́ ɲéé kanąn ə́ wɔ tɔn ma.

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Woolaa 2:19

'Hvó kpɛla wɔlɔɔ ɓa da ə́ woo laa ɓa kpįnį kəlee yeemu; Ə́ yee laa kwələ hee Yai-Laa ɓa, ə́ kwəi mɛ̨ni hu lɛ mą, ə́ lonnii di wɔ yɛnɛ̨ɛ̨ mąą mɛ̨ni ɓa, diɛi pulu kaa di paai bələɠaa nwun na.

Woolaa 3:25

Nui a gilitɔɔ Yai-Laa ɓa, mąą nu a Yai-Laa nwɔ túwɔ́ pələ lɛlɛɛ kɔ́lɔn.

Izikiɛ 5:15

Ə́ kaa pai kɛi a hɛn a nwumɛ̨ tɛ nɔiɠaai kpɔ ə́ kwɛlɛ gəlee diɛ; diɛ yɛlɛ yɛ́ diɛ mɛ̨nįɠaa kɔ́ɔn yɛ́. Ə́ ɓo a kwəi pilimąą hɛn di ɲɛ̨i ɓa; ɓɛlɔwai gáá pai ə́ kiti teei laa a líiholi, a liiɲąnwąną, gɛ́ hąŋąn yɛ́ a nwala wala. Ɲą́ą́ Yai-Laa, ɲą́ą́ ɓə mo.

Kɔlɔnikɔ Maa-ŋuŋ 16:14

Ya ɓə gaa a Yai-Laa, gu wɔɔ Yálá, Ya ɓə a lɔi kəlee ɲąąwooɓomun.